നേപ്പാളിലെ മിന്നൽപ്രളയം; ആ ആറു മലയാളികൾ എവിടെ ?

നേപ്പാളിലെ മിന്നൽ പ്രളയം അക്ഷരാർത്ഥത്തിൽ ലോകത്തെ തന്നെ ഞെട്ടിച്ചിരിക്കുകയാണ്. ഇനിയും നിരവധി പേരെ കണ്ടെത്താനുണ്ട്. മരണസംഖ്യ ആയിരത്തിനോടടുക്കുന്നു. ഇപ്പോഴിതാ കേരളവും തേങ്ങുകയാണ്. മിന്നൽപ്രളയത്തെ തുടർന്ന് നേപ്പാളിൽ കുടുങ്ങിയ ആറു മലയാളികളെക്കുറിച്ച് ഇതുവരെ ഒരു വിവരവും ലഭിച്ചിട്ടില്ലെന്ന വാർത്തകേട്ട്. ഓസ്ട്രേലിയൻ പൗരത്വമുള്ള നാലുപേരും ബ്രിട്ടീഷ് പൗരത്വമുള്ള ഒരാളും അമേരിക്കൻ പൗരനായ കൃഷ്ണകുമാർ രാഘവൻ എന്നിവരുമായാണ് ഇതു വരെയും ബന്ധപ്പെടാൻ കഴിയാത്തത്.

Nepal Flash Flood: നേപ്പാൾ പ്രളയം : ഹിമപാളി പാഞ്ഞടുത്തത് 187 കിലോമീറ്റർ വേഗത്തിൽ; ഞെട്ടിക്കുന്ന ദൃശ്യങ്ങൾ, മരണസംഖ്യ 1000 ത്തോടടുക്കുന്നു
900 ലധികം പേരുടെ മരണത്തിനിരയാക്കിയ നേപ്പാളിലെ പ്രളയ ദുരന്തത്തിൻ്റെ കാഴ്ച്ചകൾ ഞെട്ടിപ്പിക്കുന്നത്.
https://metbeatnews.com/avalanche-speeds-exceed-187-km-h-as-death-toll-nears-1000

നോർക്ക ഹെൽപ്പ് ഡസ്‌കിൽ വിവരങ്ങൾ രജിസ്റ്റർ ചെയ്തു

കൃഷ്ണകുമാർ രാഘവന്റെ ബന്ധുക്കൾ കഴിഞ്ഞദിവസം നോർക്ക ഹെൽപ്പ് ഡെസ്കിൽ വിവരങ്ങൾ രജിസ്റ്റർ ചെയ്തിരുന്നു.
പ്രളയമുണ്ടായ സമയത്ത് ചൈന-നേപ്പാൾ അതിർത്തി പ്രദേശങ്ങളിലായിരുന്നു ഇവർ ഉണ്ടായിരുന്നതെന്നാണ് വിവരം. ഇവരെക്കുറിച്ചുള്ള കൂടുതൽ വിവരങ്ങൾക്കായി അധികൃതർ അന്വേഷണം തുടരുകയാണ്.

അതേസമയം, നേപ്പാളിൽനിന്ന് ഇന്ത്യയിലെത്തിയ 15 മലയാളികൾ കേരളത്തിലേക്ക് പുറപ്പെട്ടിരുന്നു. ഇതിൽ മലയാളികൾ ഇപ്പോഴും നേപ്പാളിൽ തന്നെ സുരക്ഷിതരായി തുടരുകയാണ്. നാട്ടിലേക്ക് മടങ്ങിയെത്തിയവരിൽ വിവിധ സംഘങ്ങളായും കുടുംബങ്ങളായും യാത്ര ചെയ്തവരും നോർക്ക ഹെൽപ്പ് ഡെസ്കുകളിൽ രജിസ്റ്റർ ചെയ്യാത്തവരുമാണ്.

44 അംഗ മലയാളി സംഘം തിരിച്ചെത്തി

കാഠ്മണ്ഡുവിലേക്ക് വിനോദയാത്ര പോയ 44 അംഗ മലയാളി സംഘം ഇന്നലെ രാവിലെ ബെംഗളൂരുവിൽനിന്ന് റോഡ് മാർഗം കോഴിക്കോട്ടെത്തി. കൈലാസ് മാനസരോവർ യാത്രയ്ക്ക് പോയ 23 അംഗ സംഘത്തിലെ എട്ടുപേർ ഇന്ന് ഡൽഹിയിലെത്തി. കഴിഞ്ഞദിവസം 11 മലയാളികൾ ഡൽഹിയിലെത്തിയിരുന്നു. ഇവരിൽ പലരും കേരളത്തിലേക്കും ജോലി ചെയ്യുന്ന മറ്റ് നഗരങ്ങളിലേക്കും പുറപ്പെട്ടു.
നേപ്പാളിൽനിന്ന് മടങ്ങുന്നവരിൽ ഡോ. രേഖ നായരുടെ നേതൃത്വത്തിലുള്ള ആറംഗ ഡോക്ടർമാരുടെ സംഘവും ഉൾപ്പെടുന്നുണ്ട്. കാഠ്മണ്ഡുവിലെത്തിയ സംഘം നാളെ ഡൽഹിയിലെത്തും.

4000 പേരെ കാണാനില്ല

നേപ്പാളിൽ രക്ഷാപ്രവർത്തനം പുരോഗമിക്കുന്നുണ്ട്. പതിനായിരത്തിലധികം ആളുകളെ സുരക്ഷിത സ്ഥാനങ്ങളിലേക്ക് മാറ്റി. 4000ത്തോളം ആളുകളെ ഇനിയും കണ്ടെത്താനായിട്ടില്ലെന്ന് നേപ്പാൾ പ്രധാനമന്ത്രി ബാലേന്ദ്ര ഷാ അറിയിച്ചു. അപകടം സംഭവിച്ച അന്നു മുതൽ നിരവധി ആളുകളെ കാണാനില്ല. വീശിയടിച്ച പ്രളയം ഗ്രാമങ്ങളെ മുഴുവൻ മൂടി. റോഡുകളും പാലങ്ങളും ജലവൈദ്യുത നിലയങ്ങളും പ്രളയത്തിൽ തകർന്നിരുന്നു.

English Summary : catastrophic flash floods in Nepal have devastated local infrastructure—destroying roads, bridges, and hydroelectric plants—and swept through entire villages, leaving thousands affected.