ദേശീയ തലസ്ഥാന നഗരിയിൽ വായുമലിനീകരണവും കനത്ത മൂടൽമഞ്ഞും ജനജീവിതം ദുസ്സഹമാക്കുന്നു. വായുനിലവാര സൂചിക (AQI) വീണ്ടും 'അതീവ ഗുരുതര' (Severe) വിഭാഗത്തിലെത്തിയതോടെ നഗരം അക്ഷരാർത്ഥത്തിൽ ശ്വാസംമുട്ടുകയാണ്. കനത്ത മഞ്ഞും പുകയും കലർന്ന സ്മോഗ് (Smog) കാരണം ദൂരക്കാഴ്ചാ പരിധി പൂജ്യത്തിനടുത്തേക്ക് താഴ്ന്നത് ഗതാഗത സംവിധാനങ്ങളെ സാരമായി ബാധിച്ചിട്ടുണ്ട്.

അതേസമയം കാഴ്ചപരിധി കുറഞ്ഞതിനെ തുടർന്ന് നൂറിലധികം വിമാന സർവീസുകൾ വൈകുകയും നിരവധി വിമാനങ്ങൾ റദ്ദാക്കുകയും ചെയ്തു. ഡൽഹിയിലേക്കുള്ള നൂറോളം ട്രെയിനുകളും മണിക്കൂറുകളോളം വൈകിയാണ് ഓടുന്നത്.

ജാഗ്രത നിർദ്ദേശം നൽകിയ imd

ഡൽഹിയിലും സമീപ പ്രദേശങ്ങളിലും കേന്ദ്ര കാലാവസ്ഥാ വകുപ്പ് 'റെഡ് അലർട്ട്' പ്രഖ്യാപിച്ചു. വരും ദിവസങ്ങളിലും കനത്ത മൂടൽമഞ്ഞ് തുടരാൻ സാധ്യതയുണ്ടെന്നാണ് മുന്നറിയിപ്പ്. വായുനിലവാര സൂചിക പലയിടങ്ങളിലും 400-ന് മുകളിലെത്തി. ശ്വാസകോശ സംബന്ധമായ അസുഖമുള്ളവർ, കുട്ടികൾ, പ്രായമായവർ എന്നിവർ പുറത്തിറങ്ങുമ്പോൾ പ്രത്യേകം ശ്രദ്ധിക്കണമെന്ന് ആരോഗ്യ വിദഗ്ധർ നിർദ്ദേശിക്കുന്നു.

കർശന നിയന്ത്രണങ്ങൾ

മലിനീകരണം കുറയ്ക്കുന്നതിന്റെ ഭാഗമായി ബി.എസ്-3 പെട്രോൾ, ബി.എസ്-4 ഡീസൽ വാഹനങ്ങൾക്ക് നഗരത്തിൽ നിയന്ത്രണം ഏർപ്പെടുത്തിയിട്ടുണ്ട്. സ്കൂളുകൾക്ക് അവധി നൽകുകയോ ഓൺലൈൻ ക്ലാസുകളിലേക്ക് മാറാനോ നിർദ്ദേശം നൽകിയിട്ടുണ്ട്.
റോഡ് യാത്രക്കാർ പകൽ സമയത്തും ഫോഗ് ലൈറ്റുകൾ ഉപയോഗിക്കണമെന്നും അനാവശ്യ യാത്രകൾ ഒഴിവാക്കണമെന്നും അധികൃതർ അറിയിച്ചു.

Metbeat news