അതി തീവ്ര ന്യൂനമർദം വിശാഖപട്ടണത്ത് കരകയറി

ബംഗാൾ ഉൾക്കടലിലെ അതിതീവ്രന്യൂനമർദ്ദം വിശാഖപട്ടണത്ത് കരകയറാൻ തുടങ്ങി. 9 മണിയോടെയാണ് കരകയറൽ പ്രക്രിയ തുടങ്ങിയത്. അർദ്ധരാത്രിയോടെ ഇത് പൂർത്തിയാകും. ശക്തമായ കാറ്റും മഴയുമാണ് പ്രദേശത്ത് പ്രതീക്ഷിക്കുന്നത്. നേരത്തെ ഈ സിസ്റ്റംചുഴലിക്കാറ്റായി ശക്തിപ്രാപിച്ചുവെന്ന് അമേരിക്കൻ നാവികസേനയുടെ Joint Typhoon Warning Center(JTWC) അറിയിച്ചു. വടക്കൻ ആന്ധ്രയിലും ഒഡീഷയിലും അതിശക്തമായ മഴയ്ക്കും കാറ്റിനും സാധ്യതയുണ്ട്.

ഇന്ത്യൻ കാലാവസ്ഥാ വകുപ്പ് (IMD) നിലവിൽ ഇതിനെ അതിതീവ്രന്യൂനമർദമായി തന്നെയാണ് നിലനിർത്തിയിരിക്കുന്നതെങ്കിലും, യു.എസ് ആസ്ഥാനമായുള്ള ജോയിന്റ് ടൈഫൂൺ വാണിംഗ് സെന്റർ (JTWC) ഇത് ചുഴലിക്കാറ്റായി മാറിയതായി വിലയിരുത്തി 'TC01B' എന്ന് നാമകരണം ചെയ്തിരുന്നു.

അതി തീവ്ര ന്യൂനമർദ്ദം തീരത്തുനിന്ന് 100 കി.മി അകലെ , ഇന്ന് രാത്രി കരകയറും, മഴമേഘങ്ങൾ കേരളത്തിൽ എത്തും
Deep Depression Over Bay of Bengal to Make Landfall Tonight; Rainfall Expected in Kerala
https://metbeatnews.com/deep-depression-over-bay-of-bengal-to-make-landfall-tonight-rainfall-expected-in

ഈർപ്പത്തിൻ്റെ സാന്നിധ്യം

സി.ഐ.എം.എസ്.എസ് (CIMSS) ഉൾപ്പെടെയുള്ള അന്താരാഷ്ട്ര ഉപഗ്രഹ നിരീക്ഷണ ഏജൻസികളും ചുഴലിക്കാറ്റിന്റെ ഘടനയെ പിന്തുണയ്ക്കുന്നുണ്ട്. വടക്കൻ ആന്ധ്രാപ്രദേശ് തീരത്തിന് സമീപമാണ് തീവ്ര ന്യൂനമർദ്ദം ഉള്ളത്.

അനുകൂല-പ്രതികൂല ഘടകങ്ങൾ
സമുദ്രോപരിതലത്തിലെ ഉയർന്ന താപനിലയും (29–30°C) അന്തരീക്ഷത്തിലെ സമൃദ്ധമായ ഈർപ്പത്തിന്റെ സാന്നിധ്യവും സിസ്റ്റം നിലനിൽക്കാൻ സഹായകരമായി.

എന്നാൽ, ഉയരങ്ങളിലെ കാറ്റിന്റെ വ്യതിയാനം (Vertical Wind Shear), കരയോട് അടുത്തുള്ള സ്ഥാനം, കടലിൽ ചെലവഴിക്കാൻ ലഭിക്കുന്ന കുറഞ്ഞ സമയം എന്നിവ കൂടുതൽ ശക്തമായ ചുഴലിക്കാറ്റായി ഇത് മാറുന്നതിന് തടസ്സമാകുന്നുണ്ട്. കൂടാതെ, സ്റ്റീയറിംഗ് കാറ്റുകൾ (Steering Currents) ദുർബലമായതിനാൽ വടക്കൻ ആന്ധ്രാ തീരത്തിനടുത്ത് വേഗത കുറഞ്ഞ നീക്കമാണ് ഇതിനുള്ളത്.

കരതൊടൽ എവിടെ?

JTWC യുടെ വിലയിരുത്തൽ അനുസരിച്ച്, ഈ സിസ്റ്റം ഉടൻ കരതൊടാൻ (Landfall) സാധ്യതയുണ്ട്. ആന്ധ്രാപ്രദേശിലെ കാക്കിനാഡയ്ക്കും ശ്രീകാകുളത്തിനും ഇടയിൽ വിജയനഗരത്തിന് സമീപത്തുകൂടിയാകും ഇത് കരയിലേക്ക് പ്രവേശിക്കുക.

മഴയും കാറ്റും ശക്തമാകും

കരതൊടുന്ന സമയത്തും അതിനുശേഷവും വടക്കൻ തീരദേശ ആന്ധ്രാപ്രദേശിലും സമീപത്തുള്ള ഒഡീഷ പ്രദേശങ്ങളിലും ശക്തമായ കാറ്റോടുകൂടിയ അതിശക്തമായ മഴയ്ക്ക് സാധ്യതയുണ്ട്. ഈ പ്രദേശങ്ങളിലെ താഴ്ന്ന പ്രദേശങ്ങളിൽ വെള്ളക്കെട്ടിനും നാശനഷ്ടങ്ങൾക്കും സാധ്യതയുള്ളതിനാൽ ജാഗ്രത പാലിക്കാൻ മുന്നറിയിപ്പുണ്ട്.

English Summary : Get the latest updates on the intensifying deep depression in the Bay of Bengal, upgraded to a tropical storm (TC01B) by the JTWC. Learn about the expected landfall near Visakhapatnam/Srikakulam, heavy rainfall warnings for North Andhra Pradesh and Odisha, and safety advisories.