നാശനഷ്ടം വിതച്ച് അര്‍ണബ്, ആന്ധ്രയില്‍ 5 മരണം, 13 ജില്ലകളില്‍ പ്രളയഭീഷണി

ഇന്നു പുലര്‍ച്ചെ കരകയറിയ അര്‍ണബ് ചുഴലിക്കാറ്റ് മൂലം ആന്ധ്രാപ്രദേശില്‍ അഞ്ചു പേര്‍ മരിച്ചു. ഇന്നു പുലര്‍ച്ചെ ആന്ധ്രാപ്രദേശിനും യാനത്തിനും ഇടയില്‍ കിഴക്കു വടക്കു കിഴക്കായി 20 കി.മി അകലെയുള്ള നര്‍സാപൂരിലാണ് അര്‍ണബ് തീവ്ര ചുഴലിക്കാറ്റായി ( Severe Cyclonic Storm) കരകയറിയത്. തുടര്‍ന്ന് ശക്തി കുറഞ്ഞു ചുഴലിക്കാറ്റായി (Cyclonic Storm) മാറി. ഇന്നു രാത്രിയോടെ വീണ്ടും ശക്തികുറഞ്ഞ് അതിതീവ്ര ന്യൂനമര്‍ദം ( Deep Depression) ആയി മാറും.

Kerala Weather : ആൻഡമാൻ കടലിൽ ന്യൂനമർദ സാധ്യത; കേരളത്തിൽ താപനില ഉയരും
തെക്കൻ ആൻഡമാൻ കടലിലും സമീപപ്രദേശങ്ങളിലും രൂപപ്പെട്ട ചക്രവാതച്ചുഴിയുടെ സ്വാധീനത്തിൽ അടുത്ത 24 മണിക്കൂറിനുള്ളിൽ ന്യൂനമർദം രൂപപ്പെടാൻ സാധ്യത.
https://metbeatnews.com/andaman-sea-low-pressure-system-forms-kerala-braces-for-temperature-rise

ആന്ധ്രയില്‍ അഞ്ചു മരണം

ആന്ധ്രാപ്രദേശില്‍ ചുഴലിക്കാറ്റിനെ തുടര്‍ന്ന് അഞ്ചു പേര്‍ മരിച്ചതായി മുഖ്യമന്ത്രി എന്‍ ചന്ദ്രബാബു നായിഡു പറഞ്ഞു. മരിച്ചവരുടെ കുടുംബങ്ങള്‍ക്ക് അഞ്ചു ലക്ഷം രൂപ വീതം സര്‍ക്കാര്‍ അടിയന്തര ധനസഹായമായി നല്‍കും. ആന്ധ്രയില്‍ 57,000 പേരെ ദുരിതാശ്വാസ ക്യാംപുകളിലേക്ക് മാറ്റിയെന്ന് ദേശീയ ദുരന്ത നിവാരണ സേന അറിയിച്ചു.

ആന്ധ്രയില്‍ ചുഴലിക്കാറ്റില്‍ ഒഡിഷയിലെ ഗജാപതി ജില്ലയില്‍ വീണ മരം ജെ.സി.ബി ഉപയോഗിച്ച് മാറ്റുന്നു Photo : PTI

വിളനാശത്തിനും റവന്യൂ നാശത്തിനും സഹായം തേടി സര്‍ക്കാര്‍ കേന്ദ്രത്തിന് കത്തെഴുതിയിട്ടുണ്ട്. ആന്ധ്രയില്‍ 70,900 ഹെക്ടര്‍ കൃഷി നശിച്ചു. 10,450 ഹെക്ടര്‍ കൃഷിയിടത്തില്‍ വെള്ളം കയറി. 180 വീടുകള്‍ തകര്‍ന്നു.

ആന്ധ്രാപ്രദേശിലെ വിശാഖപട്ടണത്ത് അര്‍ണബ് ചുഴലിക്കാറ്റിനെ തുടര്‍ന്ന് കാറിനു മുകളിലേക്ക് മരം വീണ നിലയില്‍ photo : PTI /Nani Narendra

ആന്ധ്രാപ്രദേശില്‍ മരങ്ങള്‍ വീണതു കാരണം, 25 ലക്ഷം വീടുകളില്‍ വൈദ്യുതി തടസ്സപ്പെട്ടു. വടക്കന്‍, മധ്യ ജില്ലകളിലാണ് പ്രധാനമായും വൈദ്യുതി തടസ്സമുള്ളത്. വിശാഖപട്ടണം വിമാനത്താവളത്തില്‍ 38 വിമാന സര്‍വിസുകള്‍ റദ്ദാക്കി. വിജയവാഡ വിമാനത്താവളത്തില്‍ 17 സര്‍വിസുകളും റദ്ദാക്കിയിട്ടുണ്ട്. അനകപ്പള്ളി, ജില്ലയില്‍ വ്യാപകമായി മരം വീണു. മുനാഗപാക, യലമന്‍ചില്ലി ജില്ലകളില്‍ കടുത്ത നാശനഷ്ടമുണ്ട്. മുനഗപാകയില്‍ 16 വന്‍മരങ്ങളും യെലാമന്‍ചില്ലിയില്‍ 14 മരങ്ങളും വീണു.

ആന്ധ്രയില്‍ ചുഴലിക്കാറ്റില്‍ റോഡില്‍ വീണ കൂറ്റന്‍ മരം ആന്ധ്രാപ്രദേശ് പൊലിസും സംസ്ഥാന ദുരന്ത നിവാരണ അതോറ്റിയും ചേര്‍ന്ന് മുറിച്ചു നീക്കുന്നു. Photo : @APPOLICE100/X

പൗര്‍ണമി വേലിയേറ്റം, 13 ജില്ലകളില്‍ പ്രളയ ഭീഷണി

ആന്ധ്രാപ്രദേശിലെ 13 ജില്ലകളില്‍ പ്രളയ ഭീഷണിയുണ്ടെന്ന് കേന്ദ്ര കാലാവസ്ഥാ വകുപ്പിന്റെ സൈക്ലോണ്‍ വാണിങ് സെന്റര്‍ മുന്നറിയിപ്പ് നല്‍കി. നാളെ രാവിലെ 5.30 വരെയാണ് പ്രളയ മുന്നറിയിപ്പ്. ബപാട, ഗുണ്ടൂര്‍, എന്‍.ടി.ആര്‍, കൃഷ്ണ, എളൂരു, കിഴക്കന്‍, പടിഞ്ഞാറന്‍ ഗോദാവരി, കാക്കിനാട, വിശാഖപട്ടണം, എ.എസ്.ആര്‍, അനാകപ്പള്ളി, പാര്‍വതിപുരം, തുടങ്ങിയ ജില്ലകളിലാണ് പ്രളയ ഭീഷണി.

അമരാവതിയിലെ റിയല്‍ടൈം ഗവേണന്‍സ് സൊസൈറ്റി (ആര്‍.ടി.ജി.എസ്) സെന്ററില്‍ അര്‍ണബ് ചുഴലിക്കാറ്റ് തീരദേശത്ത് സൃഷ്ടിക്കുന്ന ആഘാതത്തെ കുറിച്ച് ആന്ധ്രാപ്രദേശ് മുഖ്യമന്ത്രി എന്‍ ചന്ദ്രബാബു നായിഡുവിന് വിശദീകരിച്ചു നല്‍കുന്ന ഉദ്യോഗസ്ഥന്‍. Photo : @AndhraPradeshCM/X via PTI Photo

പൗര്‍ണമി കാരണം വേലിയേറ്റമാണ് മച്ചിലിപ്പട്ടണത്തും മറ്റും വെള്ളം വലിയാന്‍ പ്രയാസമാകുന്നത്. മച്ചിലിപട്ടണത്ത്് 11.2 സെ.മി മഴ ലഭിച്ചു. ഗാരിവിഡി, വിഴിയനഗരം എന്നീ ജില്ലകളില്‍ 26 സെ.മി വീതം മഴ ലഭിച്ചു. ഇന്നു രാവിലെ 8.30 ന് അവസാനിച്ച 24 മണിക്കൂറിലെ കണക്കാണിത്.

English Summary : Severe Cyclone Arnab made landfall near Narsapur, between Andhra Pradesh and Yanam, triggering widespread devastation, casualties, and infrastructure disruption across the region.