പ്രവാസികൾക്ക് ചൂടിന് ആശ്വാസം; സുഹൈൽ നക്ഷത്രം ഉദിക്കുന്നു

വെന്തുരുന്ന മരുഭൂമിയിലേക്ക് സുഹൈൽ സക്ഷത്രമെത്തുന്നു. വെന്തുരുകുന്ന അറേബ്യൻ ചൂടിന് ശമനമാകാൻ സുഹൈൽ നക്ഷത്രം ഇന്ന് രാത്രി ഉദിക്കുമെന്ന് ഖത്തർ കലണ്ടർ ഹൗസ് അറിയിച്ചു. ഇനിയുള്ള ദിവസങ്ങളിൽ കാലാവസ്ഥയിൽ വലിയ വലിയ മാറ്റങ്ങൾ പ്രതീക്ഷിക്കാം. പൊതുവെ 49 ഡിഗ്രി സെൽഷ്യസ് ആണ് ഗൾഫിലെ താപനില.

ഉയർന്ന ഈർപ്പവും പൊടിക്കാറും കാരണം ഏറെ ബുദ്ധിമുട്ടുകയാണ് ഗൾഫ് നിവാസികൾ. ഇതിനിടയിലാണ് സുഹൈൽ നക്ഷത്രത്തിൻ്റെ ഉദയം. നക്ഷത്രം ഉദിക്കുന്നതോടെ അന്തരീക്ഷ താപനില കുറയും. രാത്രികാലങ്ങളിൽ ചൂട് കുറഞ്ഞ് തണുത്തകാറ്റ് അനുഭവപ്പെടും ഇത് കാലാവസ്ഥാ മാറ്റത്തിൻ്റെ വലിയ സൂചനയാണ്. ഇതോടെ മഴയ്ക്കുള്ള സാധ്യതയും ഉണ്ട്.

UAE Weather : യുഎഇയിൽ കനത്ത ചൂടിനിടെ മഴയ്ക്കും സാധ്യത; താപനില 46 ഡിഗ്രി വരെ
യുഎഇയിൽ കനത്ത ചൂട് തുടരുന്നു. ഇതിനിടയിലും വിവിധ പ്രദേശങ്ങളിൽ മഴയ്ക്ക് സാധ്യതയെന്ന് ദേശീയ കാലാവസ്ഥാ കേന്ദ്രം.
https://metbeatnews.com/heavy-heatwave-persists-with-temperatures-reaching

53 ദിവസം നീളുന്ന സീസൺ

53 ദിവസം നീളുന്ന ഈ സീസൺ നാല് പ്രധാന ഘട്ടങ്ങളായാണ് തിരിച്ചത്. അൽതർഫ, അൽ ജബ്ഹ, അൽ സുബ്റ, അൽ സർഫ എന്നിവയാണ് ആ നാല് ഘട്ടങ്ങൾ. 13 ദിവസം വീതം ഈ ഘട്ടങ്ങൾ നീണ്ടു നിൽക്കുന്നു.

അൽ തർഫ

ആദ്യ ഘട്ടമായ അൽ തർഫയിൽ പകൽ ചൂട് പഴയ പോലെ പ്രതീക്ഷിക്കാം, എന്നാൽ രാത്രിയിൽ നേരിയ തണുപ്പ് അനുഭപ്പെടും

അൽ ജബ്ഹ

രണ്ടാമത്തെ ഘട്ടമായ അൽ ജബ്ഹയിൽ താപനില വളരെ കുറയും എന്നാൽ രാത്രി കൂടുതൽ തണുപ്പ് കാലാവസ്ഥയാകും ഉണ്ടാകുക.

അൽ സുബ്റ

വേനൽ ചൂടിൻ്റെ കാഠിന്യം വളരെ കുറവായിരിക്കും ഈ ഘട്ടത്തിൽ.
രാത്രിയിൽ തണുപ്പ് വർധിക്കുകയും ചെയ്യും.

അൽ സർഫ

അവസാന ഘട്ടമായ അൽ സർഫയിൽ വേനൽചൂടിന് കൂടുതൽ ശമനമുണ്ടാകും

ഗൾഫ് രാജ്യങ്ങളിൽ വേനൽചൂടിന് ശേഷമുള്ള കാലാവസ്ഥ മാറ്റം തിരിച്ചറിയാൻ സുഹൈൽ നക്ഷത്രം ഉദിക്കുന്നതോടെ സാധിക്കും. ഖത്തർ ഉൾപ്പടെയുള്ള രാജ്യങ്ങൾ സുഹൈൽ നക്ഷത്രത്തെ വളരെ പ്രതീക്ഷയോടെയാണ് കാത്തിരിക്കുന്നത്.

English Summary : The rise of the Suhail star (Canopus) marks a major seasonal turning point in Gulf countries, signaling the end of blistering summer temperatures that frequently reach alongside extreme humidity and dust storms.