യുഎഇയിൽ ശരത്കാലമെത്തിയതോടെ വിനോദസഞ്ചാര കേന്ദ്രങ്ങൾ വീണ്ടും സജീവമാകുന്നു

വേനൽച്ചൂടിന് ശമനമാകുന്നതോടെ യുഎഇയിലെ ഔട്ട്ഡോർ വിനോദസഞ്ചാര കേന്ദ്രങ്ങൾ വീണ്ടും സന്ദർശകരെ വരവേൽക്കാനൊരുങ്ങുന്കയാണ്. വേനൽക്കാലത്ത് പ്രവർത്തനം നിർത്തിയ വിനോദ സഞ്ചാര കേന്ദ്രങ്ങളാണ് പുതിയ സീസണിൽ വീണ്ടും തുറക്കുന്നത്. ഗ്ലോബൽ വില്ലേജ്, സഫാരി പാർക്ക്, മിറാക്കിൾ ഗാർഡൻ തുടങ്ങി വിവിധ കേന്ദ്രങ്ങളിലേക്ക് തണുത്ത കാലാവസ്ഥ ആസ്വദിക്കാൻ കാത്തിരിക്കുന്ന താമസക്കാരും വിനോദസഞ്ചാരികളും ഇനി എത്തിതുടങ്ങും.

Ski Dubai, IMG Worlds of Adventure, The Green Planet, AYA Universe തുടങ്ങിയ ഇൻഡോർ കേന്ദ്രങ്ങളിലേക്കാണ് കൂടുതൽ പേർ എത്തിയിരുന്നത്. എന്നാൽ കാലാവസ്ഥ അനുകൂലമാകുന്നതോടെ ഔട്ട്ഡോർ കേന്ദ്രങ്ങളും സജീവമാകും.

Qatar Climate Change : അൽ സുബ്‌റ നക്ഷത്രമുദിച്ചു; ഖത്തറിൽ ഇനി ശരത്കാലം
Metbeat News Is the Website From Met Beat Weather Service LLP. Met Beat Weather LLP is a private meteorological company based in Kerala, India. Established in 2020, we focus on accurate weather prediction in Kerala and provide versatile forecasts for the Indian diaspora across the Globe.
https://metbeatnews.com/al-subra-star-rises-marking-the-arrival-of-autumn

Dubai Crocodile Park സെപ്റ്റംബർ 15ന് പുതിയ സീസണിനായി വീണ്ടും തുറന്നിരുന്നു. 250 നൈൽ മുതലകളാണ് പാർക്കിലുള്ളത്.
നാച്വറൽ ഹിസ്റ്ററി മ്യൂസിയം, ആഫ്രിക്കൻ തടാകത്തിന്റെ മാതൃകയിലുള്ള അക്വേറിയം, സവന്ന മാതൃകയിലുള്ള ലാൻഡ്സ്കേപ്പ് എന്നിവയും ഇവിടെ ഒരുക്കിയിട്ടുണ്ട്. സഞ്ചാരികൾക്ക് മുതലകളെ അടുത്തറിയാനുള്ള അനുഭവമാണ് പാർക്ക് നൽകുന്നത്.

ഒക്ടോബർ 14ന് ഗ്ലോബൽ വില്ലേജ്

ദുബൈയിലെ Global Villageൻ്റെ 31-ാം സീസൺ ഒക്ടോബർ 14ന് വൈകിട്ട് ആറിന് ആരംഭിക്കും. ‘A More Wonderful World’ എന്ന ആശയത്തിലാണ് പുതിയ സീസൺ. 2027 മെയ് വരെ നീളുന്ന സീസണിൽ വിവിധ രാജ്യങ്ങളുടെ പവിലിയനുകൾ, അന്താരാഷ്ട്ര ഭക്ഷണവിഭവങ്ങൾ, ഷോപ്പിങ്, ലൈവ് എന്റർടെയ്ൻമെന്റ്, അമ്യൂസ്മെന്റ് റൈഡുകൾ എന്നിവ ഉണ്ടാകും. സന്ദർശകരെ ആകർഷിക്കുന്നതിനായി നിരവധി പുതിയ അനുഭവങ്ങളും ഒരുക്കുന്നുണ്ട്. കഴിഞ്ഞ സീസൺ മെയ് 31ന് സമാപിച്ചിരുന്നു. ഈദ് അൽ അദ്ഹ പ്രമാണിച്ച് മൂന്ന് ആഴ്ച നീട്ടിയ ശേഷമായിരുന്നു സീസൺ അവസാനിപ്പിച്ചത്.

ദുബൈ സഫാരി പാർക്ക് ഒക്ടോബർ 12ന്

Dubai Safari Park ഒക്ടോബർ 12ന് പുതിയ സീസണിനായി വീണ്ടും തുറക്കും. ‘Live More Wild Life’ എന്ന പുതിയ ബ്രാൻഡ് പ്ലാറ്റ്ഫോമുമായാണ് പാർക്ക് എത്തുന്നത്. പുതിയ സീസണിലെ പ്രധാന ആകർഷണം Royal Safari Experience ആണ്. പരമാവധി 10 പേർക്ക് പങ്കെടുക്കാവുന്ന നാല് മണിക്കൂർ ദൈർഘ്യമുള്ള സ്വകാര്യ ഗൈഡഡ് ടൂറാണിത്. സ്വകാര്യ ഗൈഡ്, റിസർവ് ചെയ്ത ഇരിപ്പിടം, വിഐപി പരിഗണന എന്നിവയും അനുഭവത്തിന്റെ ഭാഗമാണ്.

മിറാക്കിൾ ഗാർഡൻ തിരിച്ചെത്തുന്നു

ഒക്ടോബറിൽ 15-ാം സീസണിലേക്ക് കടക്കാനുള്ള തയ്യാറെടുപ്പിലാണ് Dubai Miracle Garden. എന്നാൽ കൃത്യമായ ഉദ്ഘാടന തീയതി ഇതുവരെ പ്രഖ്യാപിച്ചിട്ടില്ല. ഒക്ടോബറിൽ Pop-Up Market in Bloom, Kids Activity Corner തുടങ്ങിയ പരിപാടികൾ ഇതിനകം പ്രഖ്യാപിച്ചിട്ടുണ്ട്. വേനൽക്കാലത്ത് നവീകരണ പ്രവർത്തനങ്ങൾക്കായി ഗാർഡൻ താൽക്കാലികമായി അടച്ചിരുന്നു.

ഡിസംബർ 11ന് ലിവ ഫെസ്റ്റിവൽ

അബുദാബിയിലെ അൽ ദഫ്രയിൽ Liwa International Festival ഡിസംബർ 11 മുതൽ 2027 ജനുവരി 3 വരെ നടക്കും. Tal Moreebയുടെ താഴ്‌വാരയിൽ നടക്കുന്ന ഫെസ്റ്റിവൽ ‘The Desert’s Grand Stage’ എന്നറിയപ്പെടുന്നു. ഈ ഫെസ്റ്റിവൽ UAEയിലെ ഏറ്റവും ശ്രദ്ധേയമായ ശൈത്യകാല ആകർഷണങ്ങളിലൊന്നാണ്.
മരുഭൂമി സാഹസിക വിനോദങ്ങൾ, പൈതൃക പരിപാടികൾ, മോട്ടോർസ്പോർട്സ്, കുടുംബ വിനോദങ്ങൾ എന്നിവയാണ് പ്രധാന ആകർഷണങ്ങൾ. കഴിഞ്ഞ സീസണിൽ ഏഴ് ലക്ഷത്തിലധികം പേർ ഫെസ്റ്റിവലിൽ എത്തിയിരുന്നു.

ശരത്കാലവും ശൈത്യകാലവും എത്തുന്നതോടെ യുഎഇയിലെ ഔട്ട്ഡോർ വിനോദകേന്ദ്രങ്ങൾ വീണ്ടും സജീവമാകുകയാണ്. കുടുംബ വിനോദം മുതൽ വന്യജീവി അനുഭവങ്ങളും മരുഭൂമി ആഘോഷങ്ങളുമൊക്കെയായി വൈവിധ്യമാർന്ന പരിപാടികളാണ് വരും മാസങ്ങളിൽ സന്ദർശകരെ കാത്തിരിക്കുന്നത്.

English Summary : As summer fades, the United Arab Emirates (UAE) is gearing up for its vibrant autumn and winter tourism season. With pleasant weather returning, major outdoor attractions, wildlife parks, and cultural festivals are reopening their doors to residents and international travelers alike.