ചക്രവാതച്ചുഴി ദുര്‍ബലമായി; മഴ ഇടവേളകളോടെ തുടരും

വടക്കന്‍ കേരളത്തിനു മുകളില്‍ ഇന്നലെ രാത്രി മുതല്‍ നിലനിന്നിരുന്ന ചക്രവാതച്ചുഴി ദുര്‍ബലപ്പെട്ടതോടെ വടക്കന്‍ ജില്ലകളില്‍ മഴ കുറഞ്ഞു. ഉച്ചയ്ക്കു വരെ തുടര്‍ച്ചയായി തീരദേശങ്ങളിലടക്കം പെയ്ത മഴക്ക് വൈകിട്ടോടെ ശമനമായി.

എന്നാല്‍ രാത്രിയിലും പുലര്‍ച്ചെയും ഇടവേളകളോടെ മഴ തുടരുമെന്നാണ് ഞങ്ങളുടെ നിരീക്ഷകരുടെ നിഗമനം. സമുദ്ര നിരപ്പില്‍ നിന്ന് 7.6 കി.മി ഉയരത്തിലാണ ഇന്നലെ രാത്രി ചക്രവാത ചുഴി രൂപപ്പെട്ടത്. രാവിലത്തെ അവലോകന റിപ്പോര്‍ട്ടില്‍ ചക്രവാതച്ചുഴി ദുര്‍ബലമാകുന്നതിന്റെ സൂചനകളുണ്ടായിരുന്നു.

അതേസമയം, പശ്ചിമബംഗാളില്‍ ഗംഗാസമതല പ്രദേശത്തിനു മുകളിലും മറ്റുമായി നിലനിന്നിരുന്ന ന്യൂനമര്‍ദം ജാര്‍ഖണ്ഡിനു മുകളിലേക്കും വടക്കന്‍ ഒഡിഷക്കു മുകളിലേക്കും വ്യാപിച്ചു.

Kerala Weather : അഞ്ച് ദിവസം കേരളത്തിൽ മഴ, ജില്ലകളിൽ ഇന്ന് ഓറഞ്ച് അലർട്ട്
വിവിധജില്ലകളിൽ അഞ്ച് ദിവസം മഴ സാധ്യതയെന്ന് കാലാവസ്ഥാ കേന്ദ്രം അറിയിച്ചു. ഇന്ന് ശക്തമായ മഴയ്ക്ക് സാധ്യത. ആറ് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.
https://metbeatnews.com/orange-alert-issued-for-6-districts-as-5-day-spell-begins

ഇന്ന് 6 ജില്ലകളില്‍ ഓറഞ്ച് അലര്‍ട്ട്

കനത്ത മഴ സാധ്യതയെ തുടര്‍ന്ന് കേരളത്തില്‍ ഇന്ന് ഓറഞ്ച് അലര്‍ട്ട് പ്രഖ്യാപിച്ചിരുന്നു. നാളെ ശക്തമായ മഴ സാധ്യതയെ തുടര്‍ന്ന് മഞ്ഞ അലര്‍ട്ട് പ്രഖ്യാപിച്ചിട്ടുണ്ട്. ഇന്ന് ഇടുക്കി, എറണാകുളം, തൃശൂര്‍, മലപ്പുറം, കോഴിക്കോട്, വയനാട് ജില്ലകളിലാണ് കേന്ദ്ര കാലാവസ്ഥാ വകുപ്പ് ഓറഞ്ച് അലര്‍ട്ട് പ്രഖ്യാപിച്ചത്.

കവചം സൈറണ്‍ മുഴക്കി

ഓറഞ്ച് അലര്‍ട്ട് പ്രഖ്യാപിച്ച ജില്ലകളില്‍ കവചം മുന്നറിയിപ്പ് സൈറണുകള്‍ മുഴക്കി. കള്ളക്കടല്‍ പ്രതിഭാസവും തുടരുകയാണ്. 25/08/26 വരെയാണ് തിരുവനന്തപുരം ജില്ലയിലെ കാപ്പില്‍ മുതല്‍ പൊഴിയൂര്‍ വരെയും കൊല്ലം ജില്ലയിലെ ആലപ്പാട്ട് മുതല്‍ ഇടവ വരെയും ആലപ്പുഴ ജില്ലയിലെ ചെല്ലാനം മുതല്‍ അഴീക്കല്‍ ജെട്ടി വരെയും കള്ളക്കടല്‍ പ്രതിഭാസത്തിന്റെ ഭാഗമായി മുന്നറിയിപ്പുണ്ട്.

കാറ്റ് മുന്നറിയിപ്പ്

കേരളത്തില്‍ ഒറ്റപ്പെട്ടയിടങ്ങളില്‍ ഇന്നു മുതല്‍ ഓഗസ്റ്റ് 26 വരെ മണിക്കൂറില്‍ 40 മുതല്‍ 50 കി.മി വരെ വേഗത്തില്‍ ശക്തമായ കാറ്റിന് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്‍കി.

English Summary : Cyclonic Circulation Weakens Over Kerala; Intermittent Rain to Continue Amid Orange Alerts. The cyclonic circulation over North Kerala has weakened, bringing a reprieve from continuous daytime rain in the northern coastal districts. However, intermittent showers are expected to continue during the night and early morning hours.