‘മുറസു’ ശക്തമായ ചുഴലിക്കാറ്റായി; ആന്ധ്രാ തീരത്ത് ഇന്ന് രാത്രി കരതൊടാൻ സാധ്യത, കേരളത്തിൽ ഇടിമിന്നലിനും മഴയ്ക്കും സാധ്യത

ബംഗാൾ ഉൾക്കടലിൽ രൂപംകൊണ്ട ‘മുറസു’ ചുഴലിക്കാറ്റ് ശക്തി പ്രാപിച്ച് ശക്തമായ ചുഴലിക്കാറ്റായി (Severe Cyclonic Storm) മാറി. മണിക്കൂറിൽ 100 മുതൽ 110 കിലോമീറ്റർ വരെ വേഗതയിലും പരമാവധി 120 കിലോമീറ്റർ വരെ വേഗതയിലും കാറ്റ് വീശാൻ സാധ്യതയുണ്ടെന്നാണ് മുന്നറിയിപ്പ്.

ഇന്ന് (നവംബർ 2) രാത്രി 11.30നും നവംബർ 3 പുലർച്ചെ നാലിനും ഇടയിൽ തെക്കൻ ആന്ധ്രാപ്രദേശ് തീരത്ത് ചുഴലിക്കാറ്റ് കരതൊടാനാണ് സാധ്യത. ഒംഗോളിന് സമീപം നെല്ലൂരിനും നരസാപുരത്തിനും ഇടയിലായിരിക്കും കരപ്രവേശനം പ്രതീക്ഷിക്കുന്നത്. കരതൊടുന്ന സമയത്ത് മണിക്കൂറിൽ 100–110 കിലോമീറ്റർ വേഗതയിലും ചിലയിടങ്ങളിൽ 120 കിലോമീറ്റർ വരെ വേഗതയിലും ശക്തമായ കാറ്റ് വീശിയേക്കും.

മുരശു വടക്കൻ തമിഴ്നാട് തീരത്ത്; നാളെ കരകയറും
Cyclone Murasu Approaches Andhra Coast; Light to Isolated Rainfall Expected in Kerala and Tamil Nadu
https://metbeatnews.com/cyclone-murasu-approaches-andhra-coast-light-to-isolated-rainfall-expected-in-ke

ചുഴലിക്കാറ്റിന്റെ സ്വാധീനത്തിൽ ആന്ധ്രാപ്രദേശ് തീരമേഖലയിൽ ശക്തമായ കാറ്റിനും മഴയ്ക്കും സാധ്യതയുണ്ട്. തീരപ്രദേശങ്ങളിൽ കടൽക്ഷോഭത്തിന് സാധ്യത. ജനങ്ങൾ ജാഗ്രത നിർദേശങ്ങൾ പാലിക്കണമെന്ന് നിർദേശമുണ്ട്.

അതേസമയം, കേരളത്തിലും മഴ തുടരാൻ സാധ്യതയുണ്ട്. ഇന്നും കഴിഞ്ഞ ദിവസങ്ങളിലേതിന് സമാനമായി സംസ്ഥാനത്തിന്റെ വിവിധ ഭാഗങ്ങളിൽ ഒറ്റപ്പെട്ട മഴ ലഭിച്ചേക്കും. ചിലയിടങ്ങളിൽ ഇടിമിന്നലോടു കൂടിയ മഴയ്ക്കും സാധ്യതയുണ്ട്. മുറസു ചുഴലിക്കാറ്റിന്റെ സാന്നിധ്യം കേരളത്തിലെ കാലാവസ്ഥയെയും സ്വാധീനിക്കുമോയെന്നത് വരും ദിവസങ്ങളിലെ കാലാവസ്ഥാ നിരീക്ഷണങ്ങളിൽ ശ്രദ്ധേയമാകും.

English Summary : The cyclonic storm over the Bay of Bengal has intensified into a Severe Cyclonic Storm ('Murasu') and is projected to make landfall on the southern Andhra Pradesh coast between 11:30 PM tonight (Nov 2) and 4:00 AM tomorrow (Nov 3), between Nellore and Narsapur near Ongole.