ബവി ചുഴലിക്കാറ്റ് ചൈനയിൽ കരകയറി, കേരളത്തിലും മഴ കുറയും

ദക്ഷിണ ചൈന കടലിലെ Bavi ചുഴലിക്കാറ്റ് ചൈനയിൽ കര കയറി. ഫിലിപൈൻസിൽ മണ്ണിടിച്ചിലിൽ 17 പേരുടെ മരണത്തിനിടയാകുകയും തായ്വാനിൽ കനത്ത മഴയും നാശനഷ്ടവും വരുത്തിയ ശേഷമാണ് ബവി ചൈനയിൽ കര കയറിയത്. നിലിവിൽ ചുഴലിക്കാറ്റ് വടക്കു പടിഞ്ഞാറ് ദിശയിൽ ആണ് നീങ്ങുന്നത്.

ആയിരം കിലോമീറ്ററോളം വിസ്തീർണം വരുന്ന മേഘക്കൂട്ടം കനത്ത മഴ തന്നെ ഇന്നും നാളെയുമായി ചൈനയിൽ നൽകും. പ്രളയത്തെ നേരിടാൻ കഴിഞ്ഞ ദിവസങ്ങളിൽ ചൈന മുന്നൊരുക്കങ്ങൾ നടത്തിയിട്ടുണ്ട്. താഴ്ന്ന പ്രദേശങ്ങളിൽ നിന്ന് ആളുകളെ മാറ്റി പാർപ്പിച്ചു. ചൈനയിൽ പലയിടങ്ങളിലും പ്രളയം ഉണ്ടാകാൻ സാധ്യതയുണ്ടെന്ന് മുന്നറിയിപ്പുണ്ട്.

Today, massive waves topping 10 meters (33 feet) battered the coast of Zhejiang, China, as Typhoon Bavi slammed ashore. pic.twitter.com/HdvIrzInaJ
— Weather Monitor (@WeatherMonitors) July 11, 2026

ഒരാഴ്ചയുടെ ഇടവേളയിൽ ഇത് രണ്ടാമത്തെ കാറ്റാണ് ചൈനയിൽ കര കയറുന്നത്. പത്തു ദിവസത്തെ ഇടവേളക്കുശേഷം മറ്റൊരു ചുഴലിക്കാറ്റ് കൂടി രൂപപ്പെട്ട് ചൈനയിലേക്ക് വരാനും സാധ്യത കൂടുതലാണ്.

Bavi വടക്കോട്ട് നീങ്ങി കര കയറി ശക്തി കുറഞ്ഞതോടെ കേരളത്തിലേക്ക് വരുന്ന കാറ്റും ശക്തി കുറഞ്ഞു. ഇതാണ് കേരളത്തിലും മഴ കുറയാൻ കാരണം. കഴിഞ്ഞദിവസം ഈ ചുഴലിക്കാറ്റിന്റെ സ്വാധീനം ഉള്ളതിനാലാണ് മധ്യകേരളത്തിലും തെക്കൻ ജില്ലകളിലും മഴ ലഭിച്ചിരുന്നത്.

Kerala Weather 12/07/26 : എല്ലാ ജില്ലകളിലും മഴ കുറഞ്ഞു, ഒറ്റപ്പെട്ട മഴ തുടരുന്നു
വരുന്ന 24 മണിക്കൂറിൽ കോഴിക്കോട് ജില്ലയുടെ കിഴക്കൻ മേഖല, തൃശ്ശൂർ ജില്ലയുടെ കിഴക്കൻ മേഖല, ഇടുക്കി ജില്ല.
https://metbeatnews.com/isolated-rain-expected-kerala-julay-11

കേരളത്തിൽ ഇന്ന് ചിലയിടങ്ങളിൽ ചെറിയ മഴകൾ ഒഴിച്ച് നിർത്തിയാൽ മഴയിൽ കാര്യമായ കുറവുണ്ടാകും. മഴ പൂർണ്ണമായി വിട്ടുനിൽക്കില്ലെങ്കിലും പലപ്പോഴായി വെയിൽ തെളിയും. ഒറ്റപ്പെട്ട മഴ മധ്യകേരളത്തിലും തെക്കൻ ജില്ലകളിലും വടക്കൻ കേരളത്തിന്റെ കിഴക്കൻ മലയോര മേഖലകളിലും ലഭിക്കും. ഈ മാസം 17 വരെ സമാനമായ കാലാവസ്ഥ തുടരുമെന്നാണ് മെറ്റ്ബീറ്റ് വെതറിന്റെ നിരീക്ഷണം.

English Summary : Cyclone Bavi Makes Landfall in China; Rainfall to Decrease in Kerala. Cyclone Bavi, originating from the South China Sea, has officially made landfall in China. Before hitting China, the cyclone caused severe damage, including triggering landslides in the Philippines that resulted in 17 deaths