ഓറഞ്ച് അലർട്ടിലും സ്കൂളിന് അവധിയില്ല; കോഴിക്കോട് കലക്ടറുടെ പേജിൽ കമന്റുകളുടെ പെരുമഴ

കോഴിക്കോട് ജില്ലയിൽ ഓറഞ്ച് അലർട്ട് നിലനിൽക്കുമ്പോഴും സ്കൂളുകൾക്ക് അവധി പ്രഖ്യാപിക്കാത്തതിനെതിരെ കലക്ടറുടെ ഔദ്യോഗിക പേജിൽ പ്രതിഷേധ കമന്റുകളുടെ പെരുമഴ. മഴ മുന്നറിയിപ്പുമായി ബന്ധപ്പെട്ട പോസ്റ്റ് പ്രത്യക്ഷപ്പെട്ടതിന് പിന്നാലെയാണ് അവധി ആവശ്യപ്പെട്ട് നിരവധി രക്ഷിതാക്കളും വിദ്യാർഥികളും രംഗത്തെത്തിയത്.

കോഴിക്കോടിന്റെ വിവിധ ഭാഗങ്ങളിൽ ശക്തമായ മഴയും റോഡുകളിൽ വെള്ളക്കെട്ടും അനുഭവപ്പെടുന്നതിനാൽ കുട്ടികൾക്ക് സ്കൂളിലെത്താൻ ബുദ്ധിമുട്ടുണ്ടെന്നാണ് രക്ഷിതാക്കളുടെ പരാതി. ഇടിമിന്നലോടുകൂടിയ മഴ തുടരുന്ന സാഹചര്യത്തിൽ വിദ്യാർഥികളുടെ സുരക്ഷ കണക്കിലെടുത്ത് അവധി പ്രഖ്യാപിക്കണമെന്നാണ് പലരുടെയും ആവശ്യം. എന്നാൽ സംസ്ഥാനത്ത് ജില്ലാതലത്തിൽ പൊതുവായ അവധി പ്രഖ്യാപനം ഉണ്ടായിട്ടില്ല. അതേസമയം, മഴയും വെള്ളക്കെട്ടും മൂലം അപകടസാധ്യതയുള്ള പ്രദേശങ്ങളിലെ സ്കൂളുകൾക്ക് അവധി നൽകാൻ കലക്ടർ നിർദേശം നൽകിയതായി റിപ്പോർട്ടുണ്ട്.

Kerala Weather 23/10/26 : ബംഗാൾ ഉൾക്കടലിൽ ന്യൂനമർദം ശക്തിപ്രാപിക്കുന്നു; 26ന് ചുഴലിക്കാറ്റാകാൻ സാധ്യത, ഇന്ന് 9 ജില്ലകളിൽ ഓറഞ്ച് അലർട്ട്
ബംഗാൾ ഉൾക്കടലിൽ രൂപപ്പെട്ട ന്യൂനമർദം ശക്തിപ്രാപിച്ച് ചുഴലിക്കാറ്റായി മാറാൻ സാധ്യത
https://metbeatnews.com/bay-of-bengal-system-intensifies-into-cyclone

ഇന്ന് 9 ജില്ലകളിൽ ഓറഞ്ച് അലർട്ട്

ഇന്ന് സംസ്ഥാനത്ത് ഒൻപത് ജില്ലകളിലാണ് കേന്ദ്ര കാലാവസ്ഥ വകുപ്പ് ഓറഞ്ച് അലർട്ട് പ്രഖ്യാപിച്ചത്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് ഓറഞ്ച് അലർട്ട്. അഞ്ച് ജില്ലകളിൽ യെല്ലോ അലർട്ടുമുണ്ട്. ശക്തമായ മഴയ്ക്കും ഒറ്റപ്പെട്ടയിടങ്ങളിൽ അതിശക്തമായ മഴയ്ക്കും സാധ്യതയുണ്ടെന്നാണ് മുന്നറിയിപ്പ്.

തമിഴ്നാട് തീരത്ത് നിലനിൽക്കുന്ന ന്യൂനമർദത്തിന്റെ സ്വാധീനത്തിൽ 26-ാം തീയതി വരെ കേരളത്തിൽ ശക്തമായ മഴ തുടരാൻ സാധ്യതയുണ്ട്. ഇടിമിന്നൽ ജാഗ്രതാ നിർദേശവും നിലനിൽക്കുന്നുണ്ട്. കേരള, ലക്ഷദ്വീപ് തീരങ്ങളിൽ നിന്ന് കടലിൽ പോകരുതെന്നും മുന്നറിയിപ്പുണ്ട്.

കോഴിക്കോട് ജില്ലയിൽ നിയന്ത്രണങ്ങൾ

കനത്ത മഴയുടെ പശ്ചാത്തലത്തിൽ കോഴിക്കോട് ജില്ലയിൽ നിയന്ത്രണങ്ങളും ഏർപ്പെടുത്തിയിട്ടുണ്ട്. മഴ മാറുന്നതുവരെ ക്വാറികളുടെ പ്രവർത്തനം നിരോധിച്ചു. ബീച്ചുകൾ, വെള്ളച്ചാട്ടങ്ങൾ, മലയോര വിനോദസഞ്ചാര കേന്ദ്രങ്ങൾ എന്നിവിടങ്ങളിലേക്കുള്ള പ്രവേശനത്തിനും നിയന്ത്രണമുണ്ട്. അടിയന്തര സാഹചര്യങ്ങൾ നേരിടാൻ ഫയർഫോഴ്‌സ്, റവന്യൂ, വനം, പൊലീസ് വകുപ്പ് മേധാവികൾക്ക് കലക്ടർ ജാഗ്രതാ നിർദേശം നൽകി. ജില്ലയിൽ രാത്രി വൈകിയും ശക്തമായ മഴ തുടർന്നു. നഗരമേഖലകളെ അപേക്ഷിച്ച് മലയോര പ്രദേശങ്ങളിലാണ് മഴ കൂടുതൽ ബാധിച്ചത്.

English Summary : Despite an Orange Alert for heavy rainfall in Kozhikode district, the local administration did not issue a district-wide school holiday, triggering widespread discontent on the District Collector’s official social media page. Parents and students voiced strong concerns over severe waterlogging, thunderstorms, and travel hazards, demanding immediate safety measures for schoolchildren.