Crude oil price low : എണ്ണ വില പഴയ നിരക്കിലെത്തി, ഇറാനിൽ വീണ്ടും യു.എസ് ആക്രമണം

ക്രൂഡ് ഓയിൽ വില പഴയ നിലയിൽ എത്തി. ഇന്ന് ബാരലിന് 70.71 യുഎസ് ഡോളറാണ് എണ്ണവില. പശ്ചിമേഷ്യൻ സംഘർഷം ആരംഭിക്കുന്നതിന് ഒരു ദിവസം മുൻപ് ബാരലിന് വില 71.19 യുഎസ് ഡോളർ ആയിരുന്നു.

കഴിഞ്ഞ ഫെബ്രുവരി 27 ന് 69.01 യു.എസ് ഡോളർ ആയിരുന്ന വിലയാണ് ഒറ്റയടിക്ക് ഉയർന്നത്. ഫെബ്രുവരി 28 ന് യുദ്ധം ആരംഭിച്ചതിന് പിന്നാലെ ബാരലിന് വില 113.49 യു.എസ് ഡോളറിലേക്ക് ഉയർന്നിരുന്നു. അന്താരാഷ്ട്ര മാർക്കറ്റിൽ വില കുറയുന്ന പശ്ചാത്തലത്തിൽ ഇന്ത്യയിൽ ഇന്ധന വില കുറയ്ക്കണമെന്ന ആവശ്യം ശക്തമാണ്. എന്നാൽ വില കുറഞ്ഞതിൻ്റെ ലാഭക്കണക്ക് എണ്ണക്കമ്പനികൾ പുറത്തുവിട്ടിട്ടില്ല.

ഹോർമോസ് കടലിടുക്ക് തുറന്നതാണ് എണ്ണ വില കുറയാൻ കാരണം. കഴിഞ്ഞദിവസം എണ്ണ ഗതാഗതം ഹോർമോസ്റ്റ് കടലിൽ സാധാരണ നിലയിൽ എത്തിയിരുന്നു. എന്നാൽ ഇറാനെ മുൻകൂട്ടി അറിയിക്കാത്ത എണ്ണ കപ്പലിനു നേരെ കഴിഞ്ഞ ആക്രമണം നടന്നു. തങ്ങളുടെ മുൻകൂർ അനുമതി വാങ്ങാതെ പോകുന്ന കപ്പലുകൾ ആക്രമിക്കുമെന്ന് ഇറാൻ മുന്നറിയിപ്പ് നൽകിയിരുന്നു.

ഇതേ തുടർന്ന് ഇന്ന് യു.എസ് ഇറാനിൽ ആക്രമണം നടത്തി. അമേരിക്ക നടത്തിയ ആക്രമണത്തിൽ തിരിച്ചടി നൽകുമെന്ന് ഇറാൻ റവല്യൂഷനറി ഗാർഡ് അറിയിച്ചു. ആക്രമണത്തിന്റെ ദൃശ്യങ്ങൾ യുഎസ് സെൻട്രൽ കമാൻഡ് പുറത്തുവിട്ടു.

https://t.co/CckXLJSpah pic.twitter.com/NoMQ7cNtN5
— U.S. Central Command (@CENTCOM) June 27, 2026

ഇറാന്റെ തീരദേശത്തുള്ള മിസൈൽ ശേഖരത്തിനും ഡ്രോൺ നിലയങ്ങൾക്കും റഡാർ സെന്ററുകൾക്കും നേരെയാണ് ആക്രമണം നടത്തിയത് എന്ന് യു.എസ്. സൈന്യം അറിയിച്ചു . വീണ്ടും ആക്രമണം തുടങ്ങിയതോടെ എണ്ണ വില വർധിക്കുമോ എന്നുള്ള ആശങ്കയിലാണ് ലോകരാജ്യങ്ങൾ.

English Summary : Crude Oil Prices Drop to Pre-Conflict Levels Amid Fresh U.S. Airstrikes in Iran. International crude oil prices have returned to pre-conflict levels, currently trading at $70.71 per barrel (compared to $71.19 right before the West Asian conflict began). This is a significant drop from the peak of $113.49 per barrel recorded on February 28.