കൊച്ചി ശാസ്ത്ര സാങ്കേതിക സർവകലാശാലയിൽ (കുസാറ്റ്) നടക്കുന്ന ദ്വിദിന തീരദേശ പരമാധികാര – കാലാവസ്ഥാ പ്രതിരോധ സംസ്ഥാനതല കൂടിയാലോചനാ സമ്മേളനത്തിന്റെ സമാപന സമ്മേളനം മുഖ്യമന്ത്രി വി.ഡി. സതീശൻ ഇന്ന് (ശനി) കുസാറ്റ് സെമിനാർ കോംപ്ലെക്സിലെ മിനി ഹാളിൽ രാവിലെ 11ന് ഉദ്ഘാടനം ചെയ്യും. സമാപന ദിവസമായ ഇന്ന് രാവിലെ ഒൻപതിന് തീരദേശ ജനവിഭാഗങ്ങളുടെ പ്രതിനിധികൾ അവതരിപ്പിക്കുന്ന പ്രബന്ധങ്ങളോടെ പരിപാടികൾ ആരംഭിക്കും.

തീരദേശ ഭരണനിർവഹണവും പരമ്പരാഗത അവകാശങ്ങളും, കാലാവസ്ഥാ വ്യതിയാനവും തീരദേശ പ്രതിരോധശേഷിയും, വികസനവും ഉപജീവനപ്രശ്നങ്ങളും എന്നീ വിഷയങ്ങളിലാണ് പ്രബന്ധാവതരണങ്ങൾ.

തീരദേശ ജനതയുടെ അവകാശങ്ങളും കാലാവസ്ഥാ പ്രതിരോധവും സംബന്ധിച്ച നിയമ നിർമാണ, നയപരമായ നിർദേശങ്ങൾ ഉൾക്കൊള്ളുന്ന രേഖയും മുഖ്യമന്ത്രി പ്രകാശനം ചെയ്യും. കുസാറ്റ് വൈസ് ചാൻസലർ പ്രൊഫ. ഡോ. എം. ജുനൈദ് ബുഷിരി അധ്യക്ഷനാകും. ഫിഷറീസ്, സാമൂഹ്യ നീതി വകുപ്പ് മന്ത്രി വി.ഇ. അബ്ദുൾ ഗഫൂർ മുഖ്യപ്രഭാഷണം നടത്തും. തീരദേശ ജനവിഭാഗങ്ങളുടെ പ്രബന്ധാവതരണങ്ങൾ രാവിലെ ഒമ്പതിന് ആരംഭിക്കും.

തീരഭൂസംരക്ഷണവേദി ചെയർപേഴ്സൺ മാഗ്‌ലൈൻ പീറ്റർ സ്വാഗതം പറയും. ഹൈബി ഈഡൻ എം.പി., മുഹമ്മദ് ഷിയാസ് എം.എൽ.എ., കളമശ്ശേരി നഗരസഭ ചെയർപേഴ്സൺ ജമാൽ മണക്കാടൻ, കുസാറ്റ് രജിസ്ട്രാർ ഡോ. ഹരിഗോവിന്ദ് പി.സി., സർവകലാശാല സിൻഡിക്കേറ്റ് അംഗങ്ങൾ, നഗരസഭ കൗൺസിലർമാർ തുടങ്ങിയവർ ആശംസകൾ അർപ്പിക്കും.

ഉച്ചയ്ക്ക് 12.30ന് ഡോ. കെ.എച്ച്. അമിത ബച്ചൻ കരട് തീരദേശ സമൂഹ അവകാശ നിയമം അവതരിപ്പിക്കും. തീരദേശ സംഘടനകൾ, വിദഗ്ധർ, ഗവേഷകർ എന്നിവരുടെ പങ്കാളിത്തത്തോടെ ഭാവി പരിപാടികൾ സംബന്ധിച്ച ചർച്ച ഉച്ചയ്ക്ക് രണ്ടു മുതൽ നാലു വരെ നടക്കും. മാഗ്‌ലൈൻ പീറ്റർ ചർച്ച നിയന്ത്രിക്കും.

കുസാറ്റ് സ്കൂൾ ഓഫ് ലീഗൽ സ്റ്റഡീസ്, തീരഭൂസംരക്ഷണവേദി, വെസ്റ്റേൺഘട്ട്സ് ഹോൺബിൽ ഫൗണ്ടേഷൻ, എം.ഇ.എസ്. അസ്മാബി കോളേജിലെ സി.ഇ.ടി.സി. എന്നിവ സംയുക്തമായാണ് സമ്മേളനം സംഘടിപ്പിക്കുന്നത്. തീരദേശ ജനവിഭാഗങ്ങളുടെ അവകാശസംരക്ഷണവും കാലാവസ്ഥാ പ്രതിരോധശേഷിയും സംബന്ധിച്ച ദ്വിദിന സംസ്ഥാനതല സമ്മേളനത്തിന് ഇന്നലെ (നവം. 6 ) ന് കുസാറ്റിൽ തുടക്കമായിരുന്നു.

ഉദ്ഘാടന സമ്മേളനത്തിൽ നാഷണൽ യൂണിവേഴ്സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസ് (നുവാൽസ്) വൈസ് ചാൻസലർ പ്രൊഫ. (ഡോ.) ജി.ബി. റെഡ്ഡി സാങ്കേതിക സെഷനുകൾ ഉദ്ഘാടനം ചെയ്തു. കുസാറ്റ് സ്കൂൾ ഓഫ് ലീഗൽ സ്റ്റഡീസ് ഡയറക്ടർ ഡോ. ബിനുമോൾ കെ. അധ്യക്ഷത വഹിച്ചു. കേരള ഫിഷറീസ് സമുദ്രപഠന സർവകലാശാല (കുഫോസ്) വൈസ് ചാൻസലർ പ്രൊഫ. (ഡോ.) എ. ബിജു കുമാർ മുഖ്യപ്രഭാഷണം നടത്തും. കുസാറ്റ് സിൻഡിക്കേറ്റ് അംഗം പ്രൊഫ. (ഡോ.) അബ്ദുള്ള പി., കുസാറ്റ് രജിസ്ട്രാർ ഡോ. ഹരിഗോവിന്ദ് പി.സി., തീരഭൂസംരക്ഷണവേദി ചെയർപേഴ്സൺ മാഗ്ലിൻ പീറ്റർ പങ്കെടുത്തു.

തീരദേശ ജനവിഭാഗങ്ങളുടെ പരമ്പരാഗത അവകാശങ്ങൾ, തീരദേശ ഭരണനിർവഹണം, കാലാവസ്ഥാ വ്യതിയാനം, ഉപജീവനസുരക്ഷ, നീല സമ്പദ്വ്യവസ്ഥ തുടങ്ങിയ വിഷയങ്ങളിൽ വിവിധ സെഷനുകളിലായി ചർച്ചകൾ നടന്നു.

ടി.എൻ. പ്രതാപൻ, പി.കെ. നവാസ് എം.എൽ.എ., പി.പി. ചിത്തരഞ്ജൻ, പ്രൊഫ. എം.എച്ച്. ഇല്യാസ്, ശാസ്ത്രജ്ഞൻ ഡോ. കെ.വി. തോമസ്, കാലാവസ്ഥാ ശാസ്ത്രജ്ഞൻ ഡോ. എസ്. അഭിലാഷ്, കേരള സംസ്ഥാന ജൈവവൈവിധ്യ ബോർഡ് ചെയർമാൻ ഡോ. എൻ. അനിൽകുമാർ, നുവാൽസ് രജിസ്ട്രാർ ഡോ. ലീന അക്ക മാത്യു, ഡോ. കെ.എച്ച്. അമിത ബച്ചൻ, കുസാറ്റ് അധ്യാപകരായ ഡോ. അനീഷ് വി. പിള്ള, ഡോ. പി.എസ്. സീമ, മത്സ്യത്തൊഴിലാളി സംഘടനാ പ്രതിനിധികളായ ചാൾസ് ജോർജ്, ജാക്സൺ പൊള്ളയിൽ, പീറ്റർ മത്തിയാസ് തുടങ്ങിയവർ വിവിധ ചർച്ചകളിൽ സംബന്ധിച്ചു.

English Summary :

Chief Minister V.D. Satheesan will inaugurate the valedictory session of the two-day state-level consultation conference on coastal sovereignty and climate resilience today at 11:00 AM at the CUSAT Seminar Complex Mini Hall.