മലവെള്ളപ്പാച്ചിലിൽ കാണാതായ ടി.കെ നഗറിൽ സജിതയ്ക്കായി തിരച്ചിൽ ശക്തം, ഒപ്പം ചേർന്ന് നാട്ടുകാരും

മലപ്പുറം ചോക്കാട് ടി.കെ നഗറിൽ മലവെള്ളപ്പാച്ചിലിൽ കാണാതായ സജിതയ്ക്കായുള്ള തിരച്ചിൽ ഊർജിതമായി തുടരുകയാണ്. ഫയർഫോഴ്സ്, എൻ.ഡി.ആർ.എഫ് സംഘങ്ങൾക്കൊപ്പം നാട്ടുകാരും സജിതയെ കണ്ടെത്തുന്നതിനായി തിരച്ചിൽ നടത്തുന്നുണ്ട്. പരിശോധന അപകടമുണ്ടായ പ്രദേശത്തും സമീപത്തെ പുഴയിലും തോടുകളിലും കേന്ദ്രീകരിച്ചാണ്.

മലവെള്ളപ്പാച്ചിലിനെ തുടർന്ന് മണ്ണും മരങ്ങളും മറ്റ് അവശിഷ്ടങ്ങളും അടിഞ്ഞുകൂടിയ മേഖലകളിലും പരിശോധന ശക്തമാക്കിയിട്ടുണ്ട്. പ്രദേശത്തിന്റെ വിവിധ ഭാഗങ്ങൾ ഡ്രോൺ ഉപയോഗിച്ചും നിരീക്ഷിച്ചു വരികയാണ്.

Malappuram Flash Flood : നൂറിലേറെ പേർ കുളിക്കുന്നു, നീന്തുന്നു നാട്ടുകാരുടെ ഇടപെടലിൽ മഴവെള്ളപ്പാച്ചിലിൽ രക്ഷപ്പെട്ടത് ഒട്ടേറെ ജീവനുകൾ
മലപ്പുറം ടികെ കോളനിയിലെ കോട്ടപ്പുഴയിലുണ്ടായ അപ്രതീക്ഷിത മലവെള്ളപ്പാച്ചിലിൽ നാട്ടുകാരുടെ സമയോചിതമായ ഇടപെടലിൽ രക്ഷപ്പെട്ടത് നിരവധി ജീവനുകൾ.
https://metbeatnews.com/locals-save-over-100-lives-after-sudden-deluge

നിരവധി കാരണങ്ങളാൽ തിരച്ചിൽ ദുഷ്കരമാക്കുന്നുണ്ട്. എന്നിരുന്നാലും സജിതയെ കണ്ടെത്തുന്നതുവരെ തിരച്ചിൽ തുടരാനാണ് രക്ഷാപ്രവർത്തക സംഘങ്ങളുടെ തീരുമാനം.
അഞ്ചുപേരുടെ ജീവനെടുത്ത മലവെള്ളപ്പാച്ചിലിന് പിന്നാലെയാണ് സജിതയ്ക്കായുള്ള തിരച്ചിൽ തുടരുന്നത്. കുടുംബവും നാട്ടുകാരും സജിതയെ കണ്ടെത്തുമെന്ന പ്രതീക്ഷയിലാണ്.

മുഖ്യമന്ത്രി കുടുംബത്തെ സന്ദർശിച്ചു

സജിതയുടെ കുടുംബാംഗങ്ങളെ കഴിഞ്ഞ ദിവസം വീട്ടിലെത്തി മുഖ്യമന്ത്രി ആശ്വസിപ്പിച്ചിരുന്നു. അപകടമുണ്ടായ സ്ഥലവും അദ്ദേഹം സന്ദർശിച്ചു. കുടുംബങ്ങൾക്ക് ആവശ്യമായ എന്ത് സഹായവും ഉറപ്പാക്കുമെന്ന് മുഖ്യമന്ത്രി പറഞ്ഞു. അപകടത്തിൽ മരിച്ച അഞ്ച് പേരുടെ മൃതദേഹങ്ങൾ ഇന്നലെ തന്നെ അവരുടെ വീടുകളിലെത്തിച്ചിരുന്നു.

Malappuram Flash Flood : കാണാതായ സജിതയുടെ കുടുംബത്തെ സന്ദർശിച്ച് മുഖ്യമന്ത്രി, റീൽസു കണ്ട് പോവേണ്ട കടുത്ത നിയന്ത്രണം, ദുരന്തനിവാരണ മാതൃക നടപ്പാക്കും
മലവെള്ളപ്പാച്ചിലിൽ അഞ്ച് പേർ മരിച്ച മലപ്പുറം ചോക്കാട് ടി.കെ നഗർ സന്ദർശിച്ച് മുഖ്യമന്ത്രി വി.ഡി. സതീശൻ.
https://metbeatnews.com/kerala-chief-minister-visits-chokkad-landslide-site

English Summary : Rescue teams, NDRF, and locals have intensified the search for Sajitha, who went missing following a devastating flash flood in Chokkad, Malappuram, which previously claimed five lives. Utilizing drones and specialized teams, authorities continue recovery operations as the Chief Minister visits the grieving family to offer full support.