സൗദി അറേബ്യയിലെ ഏറ്റവും പുതിയ കാലാവസ്ഥാ അപ്‌ഡേറ്റ് പ്രകാരം വിവിധ പ്രവിശ്യകളില്‍ ഇന്ന് മുതല്‍ മഴ സാധ്യത. ഈ സാഹചര്യത്തില്‍ ജാഗ്രത പാലിക്കാനും സുരക്ഷിതമായ സ്ഥലങ്ങളില്‍ തുടരാനും താഴ്‌വരകളില്‍ നിന്നും വെള്ളപ്പൊക്കത്തിന് സാധ്യതയുള്ള പ്രദേശങ്ങളില്‍ നിന്നും അകന്നുനില്‍ക്കാനും സൗദി സിവില്‍ ഡിഫന്‍സ് ഡയറക്ടറേറ്റ് പൊതുജനങ്ങൾക്ക് നിർദ്ദേശം നൽകി.

മക്ക പ്രവിശ്യയില്‍ പെട്ട ലൈത്ത്, ഖുന്‍ഫുദ, തായിഫ്, മെയ്‌സാന്‍, അദും, അര്‍ദിയാത്ത് എന്നിവിടങ്ങളില്‍ മിതമായതോ കനത്തതോ ആയ മഴയും മലവെള്ളപ്പാച്ചിലും ആലിപ്പഴ വര്‍ഷവും പൊടിക്കാറ്റും ഉണ്ടാകാൻ സാധ്യത എന്നാണ് മുന്നറിയിപ്പ്.

ജിദ്ദ, ബഹ്‌റ, ഖുലൈസ്, റാബിഗ്, മക്ക, അല്‍കാമില്‍, ജുമൂം, തുറബ, മോയ, ഖുര്‍മ എന്നിവിടങ്ങളില്‍ നേരിയതോ മിതമായതോ ആയ മഴയാണ് പ്രതീക്ഷിക്കേണ്ടത്.

റിയാദ് പ്രവിശ്യയിലെ പെട്ട അഫ്‌ലാജ്, വാദി ദവാസിര്‍, സുലൈല്‍ എന്നിവിടങ്ങളില്‍ നേരിയതോ മിതമായതോ ആയ മഴ ലഭിക്കും.

റുമാഹ്, മജ്മ, സുല്‍ഫി, അല്‍ഗാത്ത്, ശഖ്‌റാ, താദിഖ്, ഹുറൈമില, മറാത്ത്, ദുര്‍മാ, അഫീഫ്, ദവാദ്മി, ഖുവൈഇയ, അല്‍റെയ്ന്‍, അല്‍ഹരീഖ്, മുസാഹ്മിയ, ദലം, ഹോത്ത ബനീതമീം, അല്‍ഖര്‍ജ് എന്നിവിടങ്ങളില്‍ മിതമായതോ കനത്തതോ ആയ മഴയും മലവെള്ളപ്പാച്ചില്‍, ആലിപ്പഴ വര്‍ഷം, പൊടിക്കാറ്റ് എന്നിവക്കും സാധ്യതയെന്നും NCM.

കിഴക്കന്‍ പ്രവിശ്യ, ഹായില്‍, അല്‍ഖസീം, അല്‍ജൗഫ്, ഉത്തര അതിര്‍ത്തി പ്രവിശ്യ, തബൂക്ക്, മദീന, അല്‍ബാഹ, അസീര്‍, ജിസാന്‍ എന്നീ പ്രവിശ്യകളില്‍ മിതമായതോ കനത്തതോ ആയ മഴയും മലവെള്ളപ്പാച്ചിലും ആലിപ്പഴ വര്‍ഷവും പൊടിക്കാറ്റും ഉണ്ടാകുമെന്നും മുന്നറിയിപ്പിൽ പറയുന്നു.

നജ്‌റാന്‍ പ്രവിശ്യയില്‍ നേരിയതോ മിതമായതോ ആയ മഴ ലഭിക്കും.
കൃത്യമായ അപ്‌ഡേറ്റ്‌സുകള്‍ അറിയാന്‍ ഔദ്യോഗിക സോഷ്യല്‍ മീഡിയ പ്ലാറ്റ്‌ഫോമുകളെ ആശ്രയിക്കണമെന്നും നിര്‍ദേശങ്ങള്‍ പാലിക്കണമെന്നും സിവില്‍ ഡിഫന്‍സ് ഡയറക്ടറേറ്റ് അറിയിക്കുന്നു.

Metbeat news