എന്താണ് കള്ളക്കടൽ; എന്തൊക്കെ കാര്യങ്ങൾ ശ്രദ്ധിക്കണം

കേരളത്തിലെ എല്ലാ തീരദേശ ജില്ലകളിലും കള്ളക്കടൽ പ്രതിഭാസ സാധ്യതയെ തുടർന്ന് റെഡ് അലർട്ട് പ്രഖ്യാപിച്ചിരിക്കുകയാണ്. സത്യത്തിൽ എന്താണ് കള്ളക്കടൽ ? എന്തൊക്കെ കാര്യങ്ങൾ ശ്രദ്ധിക്കണം എന്നു നോക്കാം. വലിയ രീതിയിലുള്ള കാറ്റോ മോശം കാലാവസ്ഥയോ ഉണ്ടാകാത്ത സമയത്ത് പോലും ചില സമയത്ത് പെട്ടെന്ന് ശക്തമായ തിരമാലകൾ തീരത്തേക്ക് അടിച്ചു കയറും. ഇതാണ് കള്ളക്കടൽ പ്രതിഭാസം.

കള്ളക്കടൽ : കേരളതീരത്ത് റെഡ് അലർട്ട് തുടരുന്നു, ബീച്ചുകളിൽ പ്രവേശനം വിലക്കി
Red Alert Issued for Swell Waves ("Kallakkadal") Across Kerala Coast; Beach Access Banned
https://metbeatnews.com/red-alert-issued-for-swell-waves-across-kerala-coast-beach-access-banned

ദൂരക്കടലിലെ തിരമാല തീരത്തെത്തുമ്പോൾ

ദൂരക്കടലിൽ ഉണ്ടാകുന്ന ശക്തമായ തിരമാലകൾ ദീർഘദൂരം സഞ്ചരിച്ച് തീരത്തെത്തുമ്പോഴാണ് പലപ്പോഴും കള്ളക്കടൽ പ്രതിഭാസം അനുഭവപ്പെടുന്നത്. ഇതോടുകൂടി സാധാരണ നിലയിൽ തിരയടിക്കുന്ന കടൽ പെട്ടെന്ന് പ്രക്ഷുഭ്‌ദമാവുകയും തീരത്തേക്ക് ആഞ്ഞടിക്കുകയും ചെയ്യും. ഈ സമയങ്ങളിൽ തീരത്ത് കടൽ ആസ്വദിക്കാൻ എത്തുന്നവർക്ക് കൂടുതൽ അപകടങ്ങൾ സംഭവിക്കാൻ ഇടയാക്കുകയും ചെയ്യുന്നു.

തിരമാലകളുടെ ശക്തി വർധിക്കുന്നു

കള്ളക്കടൽ പ്രതിഭാസമുണ്ടാകുമ്പോൾ തിരമാലകളുടെ ശക്തി പെട്ടെന്ന് വർധിക്കുന്നു. ഇത് വലിയ അപകടങ്ങൾക്ക് കാരണമാകുന്നു. തിരമാലയിൽപെട്ട് കാണാതാവാനുള്ള സാധ്യത തള്ളികളയാനാവില്ല. കാലാവസ്ഥ അനുയോജ്യമാണെന്ന് നോക്കി കടൽ ശാന്തമാണെന്ന് കരുതി തീരത്തേക്ക് എത്തുന്നവർ KSDMA യുടെ കള്ളക്കടൽ അലർട്ടുകൾ ശ്രദ്ധിക്കുന്നത് സഹായകമാകും.

കള്ളക്കടൽ സാധ്യതയുള്ള പ്രദേശങ്ങൾ

* പുലിമുട്ടുകൾ
* കടൽഭിത്തികൾ
* പാറക്കെട്ടുകൾ
* ബീച്ചിൻ്റെ താഴ്‌ന്ന ഭാഗങ്ങൾ

ഇക്കാര്യങ്ങൾ ശ്രദ്ധിക്കുക

. മുന്നറിയിപ്പ് നൽകുന്നത് ശ്രദ്ധിക്കുക, ഈ സമയം കടലിൽ ഇറങ്ങരുത്

. പാറക്കെട്ടുകളിലോ, പുലിമുട്ടുകളിലോ കയറി ഇരിക്കരുത്

. കുട്ടികളെ കടൽ തീരത്തേക്ക് വിടാതിരിക്കുക

. തീരപ്രദേശത്ത് വെള്ളം കയറിയാൽ സുരക്ഷിത ഇടങ്ങളിലേക്ക് മാറുക

. അധികൃതർ നൽകുന്ന മുന്നറിയിപ്പ് ഒരു മടിയും കൂടാതെ അനുസരിക്കുക

English Summary : "Kallakkadal" (Swell Surge) is a localized coastal weather phenomenon where sudden, fierce ocean waves slam onto the shore without any localized wind or visible storm warnings. Caused by distant deep-sea high-swell waves traveling across long ocean distances, it catches beachgoers and coastal communities off guard.