Menu

Climate

ഇനി തീവ്രമഴ പ്രവചിക്കാൻ GPS സിഗ്നൽ : ഗവേഷണവുമായി കുസാറ്റ് ശാസ്ത്രഞ്ജർ

ഗ്ലോബല്‍ പൊസിഷനിങ് സിസ്റ്റം (ജി.പി.എസ്) സംവിധാനം ഉപയോഗിച്ച് ഗതിനിയന്ത്രണം മാത്രമല്ല, തീവ്രമഴ പോലുള്ള പ്രതിഭാസങ്ങള്‍ കൂടി മുൻകൂട്ടി പ്രവചിക്കാന്‍ സാധ്യമായേക്കുമെന്ന് കൊച്ചിശാസ്ത്ര സാങ്കേതിക സര്‍വകലാശാലയിലെ, മറൈന്‍ ജിയോളജി ആന്‍ഡ് ജിയോഫിസിക് വകുപ്പിലെ ഗവേഷകര്‍. അസ്സോസിയേറ്റ് പ്രഫസര്‍ ഡോ. സുനില്‍ പി. എസിന്‍റെ മേല്‍നോട്ടത്തില്‍, ഗവേഷക റോസ് മേരിയോടൊപ്പം നാഷണല്‍ യൂണിവേഴ്‌സിറ്റി ഓഫ് സിങ്കപ്പൂര്‍, സ്‌പേസ് അപ്ലിക്കേഷന്‍ സെന്റര്‍, കേന്ദ്ര കാലാവസ്ഥ വകുപ്പ്, എയർപോർട്ട് അതോറിറ്റി ഓഫ് ഇന്ത്യ, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ജിയോമഗ്‌നെറ്റിസം എന്നീ സ്ഥാപനങ്ങളിലെ ഗവേഷകരുമായി ചേര്‍ന്ന് സംയുക്തമായാണ് പഠനം നടത്തിയത്. സ്പ്രിങ്ങര്‍ പബ്ലിഷേഴ്‌സിന്‍റെ, ജേര്‍ണല്‍ ഓഫ് ഏര്‍ത് സിസ്റ്റം സയന്‍സിൽ ഗവേഷണ ഫലം പ്രസദ്ധീകരിച്ചു.

അന്തരീക്ഷത്തിലെ ജലബാഷ്പത്തിന്‍റെ ദ്രുതഗതിയിലുള്ള വര്‍ധനവ് തീവ്രമഴ പോലുള്ള പ്രകൃതിപ്രതിഭാസങ്ങള്‍ക്ക് അടിസ്ഥാന ഘടകമാണ്. മഴക്കാലങ്ങളില്‍ ജി.പി.എസ്. ഉപഗ്രഹത്തില്‍ നിന്നും പുറപ്പെടുന്ന സിഗ്‌നല്‍, അന്തരീക്ഷത്തിലൂടെ കടന്ന് ഭൂമിയുടെ ഉപരിതലത്തിലുള്ള ജി.പി.എസ്.റിസീവറില്‍ എത്തിച്ചേരുന്നതിന് മുന്‍പായി അന്തരീക്ഷത്തിലെ ജലബാഷ്പത്തിലെ അളവ് കൂടുന്നതനുസരിച് കാലതാമസം ഉണ്ടാകന്നത് പതിവാണ്. ജി.പി.എസ് സംവിധാനത്തില്‍ നിന്നുള്ള തുടര്‍ച്ചയായ നിരീക്ഷണത്തിലൂടെയുള്ള ഡാറ്റ, തീവ്ര മഴ പോലുള്ള പ്രതിഭാസങ്ങള്‍ക്ക് ഏതാണ്ട് 5.45 മണിക്കൂര്‍ മുതല്‍ 6.45 മണിക്കൂര്‍ മുന്‍പായി വരെ മുന്‍ക്കൂട്ടി പറയാന്‍ സാധിക്കുമെന്ന് പഠനം ചൂണ്ടിക്കാട്ടുന്നു.

ഇതിനായി 2018 ഓഗസ്റ്റിലെ വെള്ളപ്പൊക്കത്തിന് കാരണമായ അതിതീവ്ര മഴയുള്‍പ്പെടെ ഏതാണ്ട് 8 തീവ്ര മഴക്കാലങ്ങള്‍ ആണ് പഠനവിധേയമാക്കിയിരിക്കുന്നത്. ഇതിലേക്കായി തിരുവന്തപുരം എയര്‍പോര്‍ട്ടില്‍ നിന്നും ലഭ്യമായ തുടര്‍ച്ചയായുള്ള ജി.പി.എസ്. ഡാറ്റയും, കേന്ദ്ര കാലാവസ്ഥ വകുപ്പിൽ നിന്നും ലഭ്യമായ മഴക്കണക്കും ഉപയോഗിച്ചു.
വിദേശങ്ങളിൽ, ജി.പി.എസ്. മെറ്റീരോളോജി എന്ന ഈ നൂതന സാങ്കേതിക വിദ്യ ഫലപ്രദമായി ഉപയോഗിച്ച് തുടങ്ങിയിട്ടുണ്ടെങ്കിലും, ഇന്ത്യയില്‍ ഇത്തരത്തില്‍ തീവ്രമഴ മുന്‍കൂട്ടിയറിയാനുതകുന്ന തരത്തിലുള്ള ഇത്തരം ഗവേഷണം ആദ്യമായാണെന്നു ഡോ. സുനില്‍ പറയുന്നു. ഭാവിയില്‍, കാലാവസ്ഥ വകുപ്പിൽ നിന്നുള്ള, കാലാവസ്ഥ പ്രവചനങ്ങളില്‍, ഇത്തരം തുടര്‍ച്ചയായ നിരീക്ഷണത്തിലൂടെ GPS Meteorology എന്ന നൂതന സാങ്കേതിക വിദ്യ കൂടി ഫലപ്രദമായി ഉപയോഗിക്കാമെന്നും അദ്ദേഹം സ്ഥിതീകരിക്കുന്നു.

കാലാവസ്ഥ വ്യതിയാനം: കോളറ പടരുമെന്ന് WHO

കാലാവസ്ഥാ വ്യതിയാനം മൂലം പല രാജ്യങ്ങളിലും കോളറ കേസുകളുടെ എണ്ണം ഗണ്യമായി വർധിക്കാനിടയുണ്ടെന്ന മുന്നറിയിപ്പുമായി ലോകാരോഗ്യ സംഘടന. കഴിഞ്ഞ വർഷം മുപ്പതോളം രാജ്യങ്ങളിൽ കോളറ കേസുകൾ റിപ്പോർട്ട് ചെയ്തിരുന്നു. വെള്ളത്തിലോ ഭക്ഷണത്തിലോ വിബ്രിയോ കോളറെ എന്ന ബാക്ടീരിയ കലരുന്നത് വഴി പകരുന്ന അണുബാധയാണ് കോളറ. ബാക്ടീരിയ ഉള്ളിൽ ചെന്ന് 12 മണിക്കൂർ മുതൽ അഞ്ച് നാളുകൾക്കുള്ളിൽ ലക്ഷണങ്ങൾ പ്രത്യക്ഷമാകും. അതിസാരം ഉൾപ്പെടെ നിരവധി ലക്ഷണങ്ങൾ കോളറ മൂലം ഉണ്ടാകുന്നു.

കഴിഞ്ഞ വർഷം ലോകത്ത് പ്രകൃതി ദുരന്തങ്ങളുടെ എണ്ണത്തിൽ വർധനയുണ്ടായിരുന്നു. ദക്ഷിണേന്ത്യയിൽ മാത്രം രണ്ട് മഹാപ്രളയങ്ങൾ ഉണ്ടായി. പാക്കിസ്ഥാനിൽ ഉണ്ടായ പ്രളയവും കാലാവസ്ഥാവ്യതിയാനത്തിന്റെ പ്രകടമായ ഫലമാണ്. പ്രളയത്തിനു ശേഷം കോളറ പോലുള്ള ജലജന്യ രോഗങ്ങൾ ഇവിടെ പരക്കെ റിപ്പോർട്ട് ചെയ്തിരുന്നു. അഞ്ച് ലക്ഷത്തോളം കോളറ കേസുകൾ പാക്കിസ്ഥാനിൽ പ്രളയത്തെ തുടർന്നുണ്ടായി. പ്രളയ സമയത്ത് വൻതോതിൽ ജലം മലിനമാക്കപ്പെടുന്നതാണ് കോളറ പോലുള്ള പകർച്ച വ്യാധികളിലേക്ക് നയിക്കുന്നത്. സുനാമി, പെരുമഴ, ചുഴലിക്കാറ്റ് തുടങ്ങിയ കാലാവസ്ഥയുമായി ബന്ധപ്പെട്ട മറ്റ് പ്രതിഭാസങ്ങളും കോളറ വ്യാപനത്തിന് കാരണമാകാം.

2023 ലും കാലാവസ്ഥ വ്യതിയാനം മൂലമുള്ള പ്രശ്നങ്ങൾ ലോകത്തെ വേട്ടയാടുമെന്ന് വിദഗ്ധർ പ്രവചിക്കുന്നു. ചുഴലിക്കാറ്റ്, പ്രളയം, വരൾച്ച എന്നിവയ്ക്കെല്ലാം കാരണമാകാവുന്ന ലാ നിന പ്രഭാവം ഈ വർഷവും തുടരുമെന്ന് കാലാവസ്ഥ നിരീക്ഷകർ പറയുന്നു. ഇത് കാര്യങ്ങൾ കൂടുതൽ വഷളാക്കുമെന്ന ആശങ്കയിലാണ് ആരോഗ്യ രംഗം. ഇത് മുന്നിൽ കണ്ടുള്ള പ്രതിരോധ നടപടികൾ ലോകരാജ്യങ്ങൾ സ്വീകരിക്കണമെന്ന് ലോകാരോഗ്യസംഘടന ഉൾപ്പെടെയുള്ള ഏജന്‍സികൾ നിർദേശിക്കുന്നു.

പ്രളയ മോക്ഡ്രില്ലിനിടെ മുങ്ങിതാഴുന്നത് അഭിനയിച്ച യുവാവ് മുങ്ങി മരിച്ചു

പ്രളയദുരന്തങ്ങൾ നേരിടാനുള്ള പ്രചാരണ പരിശീലനത്തിനിടെ അഭിനയിക്കാൻ രക്ഷാസേനകൾ ആറ്റിലേക്കിറക്കിയ നാട്ടുകാരൻ മുങ്ങി മരിച്ചു. കല്ലൂപ്പാറ പാലത്തിങ്കൽ കാക്കരകുന്നിൽ ബിനു സോമൻ (34) ആണ് മരിച്ചത്. പെയിന്റിംഗ് തൊഴിലാളിയാണ്. മല്ലപ്പള്ളിക്ക് സമീപം മണിമലയാറ്റിലെ പടുതോട് കടവിൽ വ്യാഴാഴ്ച രാവിലെ ഒൻപതരയ്ക്കാണ് സംഭവം. ദേശീയ ദുരന്തനിവാരണ സേനയടക്കം വിവിധ എജൻസികളുടെ നേതൃത്വത്തിലായിരുന്നു പ്രചാരണ പരിശീലനം.
പടുതോട് പാലത്തിന് മുകളിൽ പുറമറ്റം പഞ്ചായത്തിലെ കടവിൽ കുറച്ചുപേർ ഒഴുക്കിൽപ്പെടുന്ന രംഗമാണ് ചിത്രീകരിക്കാൻ ശ്രമിച്ചത്. ബിനു ഉൾപ്പെടെ നാലുപേരെയാണ് ആറ്റിലേക്ക് ഇറക്കിയത്. ഇതിന് എതിർവശത്ത് കല്ലൂപ്പാറ പഞ്ചായത്തിലെ കടവിൽനിന്ന് അഗ്നിരക്ഷാ സേനാംഗങ്ങൾ യന്ത്രവത്കൃത ബോട്ടിൽ എത്തി രക്ഷിക്കണം എന്നതായിരുന്നു ധാരണ. എന്നാൽ വെള്ളത്തിൽ ഇറങ്ങിയ ബിനു സോമൻ യഥാർഥത്തിൽ മുങ്ങിത്താണു. വെപ്രാളത്തിൽ ഇയാൾ പലവട്ടം കൈകൾ ഉയർത്തിയെങ്കിലും അഭിനയമാണെന്നാണ് കരയിൽ നിന്നവർ കരുതിയത്. ലൈഫ് ബോ എറിഞ്ഞുകൊടുത്തെങ്കിലും പിടിക്കാനാവാതെ താഴുകയായിരുന്നു.

മറ്റുള്ളവർ ബോട്ടിൽ പിടിച്ചുകിടക്കുമ്പോഴാണ് കൂടെയുള്ള ഒരാളെ കാണാനില്ലെന്ന് വ്യക്തമായത്. തുടർന്ന് ദേശീയദുരന്ത നിവാരണ സേനയുടെ മുങ്ങൽ വിദഗ്ധരടക്കം വേറെ ബോട്ടുകളിൽ എത്തി. ഇരുപത് മിനിറ്റോളം നടത്തിയ തിരച്ചിലിൽ വെള്ളത്തിനടിയിൽനിന്ന് എൻ.ഡി.ആർ.എഫ്. സ്കൂബാ ഡൈവർ അനിൽ സാഹുവാണ് ബിനുവിനെ കണ്ടെത്തിയത്. ബോട്ടിൽ കയറിയെങ്കിലും യന്ത്രം പ്രവർത്തിക്കാതിരുന്നതോടെ തുഴഞ്ഞും കയർ കെട്ടി വലിച്ചുമാണ് ഒടുവിൽ കരയ്ക്കെത്തിച്ചത്.
ആംബുലൻസിൽ കയറ്റി ഉടനെ തിരുവല്ലയിലെ സ്വകാര്യ മെഡിക്കൽ കോളേജ് ആശുപത്രിയിലെത്തിച്ചു. നേരിയ തോതിൽ നാഡി സ്പന്ദനമുണ്ടെന്ന നിഗമനത്തെത്തുടർന്ന് വെന്റിലേറ്റർ സഹായത്തോടെ തീവ്രപരിചരണ വിഭാഗത്തിൽ പ്രവേശിപ്പിച്ചു. രാത്രി എട്ടേകാലോടെ മരണം സംഭവിക്കുകയായിരുന്നു.

പരേതരായ സോമന്റേയും വിജയകുമാരിയുടേയും മകനാണ് ബിനു.സഹോദരങ്ങൾ:പരേതനായ വിനോദ്,വിനീത.മൃതദേഹം വെള്ളിയാഴ്ച കോട്ടയം മെഡിക്കൽ കോളേജിൽ പോസ്റ്റ്മോർട്ടം നടത്തുമെന്ന് മല്ലപ്പള്ളി തഹസിൽദാർ പി.എ സുനിൽ പറഞ്ഞു.

എ.കെ. ചൗഹാൻ കമാൻഡറായ ദേശീയ ദുരന്തനിവാരണ സേന യൂണിറ്റ്, സ്റ്റേഷൻ ഓഫീസർ കുരുവിള മാത്യു എന്നിവരുടെ നേതൃത്വത്തിൽ റാന്നിയിൽനിന്ന് അഗ്നിരക്ഷാസേന ഇൻസ്പെക്ടർ സജീഷ് കുമാർ, എസ്.ഐ.മാരായ ബി.എസ്. ആദർശ്, ടി.എസ്. ജയകൃഷ്ണൻ എന്നിവരുടെ സാന്നിധ്യത്തിലായിരുന്നു പരിശീലനം. തഹസിൽദാർ പി.എ. സുനിൽ, ദുരന്തനിവാരണ വിഭാഗം ഡെപ്യൂട്ടി തഹസിൽദാർ ഷിബു തോമസ് എന്നിവരും സ്ഥലത്തുണ്ടായിരുന്നു.

ഒമാനിൽ ഈത്തപ്പഴ കുരുവിൽ നിന്ന് ഇന്ധനം; നിരത്തുകളില്‍ ഇനി "ഗ്രീൻ ബസ്'

മസ്‌കത്ത്: ജൈവ ഇന്ധനം ഉപയോഗിച്ച് പ്രവർത്തിക്കുന്ന ഗ്രീൻ ബസ് പുറത്തിറക്കി മുവാസലാത്ത്. സുൽത്താൻ ഖാബൂസ് സർവകലാശാലയിലെ (എസ്ക്യു.യു) ഗവേഷക സംഘമാണ് ഈത്തപ്പഴ കുരുവിൽ നിന്ന് ഇന്ധനം നിർിച്ചിരിക്കുന്നത്. അറബ് ലോകത്ത് തന്നെ ഇത്തരതിലുള്ള ആദ്യസംരഭമാണിത്. പരിപാടിയുടെ ഉദ്ഘാടനം ഗതാഗത, വാർത്താ വിനിമിയ, വിവര സാങ്കേതികവിദ്യ മന്ത്രാലയം അണ്ടർസെക്രട്ടറി എൻജി. ഖമീസ് ബിൻ മുഹമ്മദ് അൽ ശമാഖിയുടെ സാന്നിധ്യത്തിൽ യൂനിവേഴ്‌സിറ്റി പ്രസിഡന്റ് ഡോ. ഫഹദ് ബിൻ അൽ ജുലന്ദ അൽ സഈദ് നിർവഹിച്ചു.
ബസിൻറെ പ്രഥമ യാത്ര അൽ ഖൗദിലെ സുൽത്താൻ ഖാബൂസ് യൂനിവേഴ്സിറ്റി കൾച്ചറൽ സെന്ററിൽനിന്ന് ആരംഭിച്ചത്. സുൽത്താൻ ഖാബൂസ് സ്ട്രീറ്റ്, അൽ ആലം പാലസ് തുടങ്ങിയ സ്ഥലങ്ങളിലൂടെ സഞ്ചരിച്ച് ആരംഭസ്ഥലത്ത് തന്നെ സമാപിക്കുകയും ചെയ്തു. പുനരുപയോഗ ഊർജത്തിലേക്ക് മാറാനുള്ള സർക്കാരിന്റെ സംരംഭങ്ങളുമായി ഈ നേട്ടം ഒത്തുപോകുന്നനനതാണെന്ന് ഗതാഗത, കമ്മ്യൂണിക്കേഷൻസ്, ഇൻഫർമേഷൻ ടെക്നോളജി മന്ത്രാലയം അണ്ടർസെക്രട്ടറി പറഞ്ഞു.
സുൽത്താൻ ഖാബൂസ് യൂനിവേഴ്സിറ്റിയിലെ ലബോറട്ടറികളിൽ ഉത്പ്പാദിപ്പിക്കന്ന ജൈവ ഇന്ധനവുമായി ഡീസൽ സംയോജിപ്പാണ് ഇതിന്റെ പ്രവർത്തനമെന്ന് എസ്.ക്യു.യു ഗവേഷക സംഘം വ്യക്തമാക്കി.

സംസ്ഥാന വ്യാപകമായി വ്യാഴാഴ്ച പ്രളയ-ഉരുൾപൊട്ടൽ തയാറെടുപ്പ് മോക്ക്ഡ്രിൽ

കേരളത്തിലെ പ്രളയ-ഉരുൾപൊട്ടൽ തയ്യാറെടുപ്പുകൾ വിലയിരുത്തുന്നതിന്റെ ഭാഗമായി ഈ മാസം 29ന് സംസ്ഥാന വ്യാപകമായി മോക്ക്ഡ്രിൽ നടത്തും. ദുരന്ത നിവാരണ അതോറിറ്റിയുടെ നേതൃത്വത്തിലാണ് മോക് ഡ്രില്ലുകൾ.
ഇതിന്റെ ഭാഗമായി ഇന്ന് സംസ്ഥാന വ്യാപകമായി ടേബിൾ ടോപ്പ് എക്സർസൈസ് യോഗങ്ങൾ നടക്കും. കേരളത്തിലെ 14 ജില്ലകളും, 78 താലൂക്കുകളും, എല്ലാ ജില്ലയിലും 5 തദേശ സ്ഥാപനങ്ങളും, ദുരന്ത നിവാരണവുമായി ബന്ധപ്പെട്ട മറ്റു വകുപ്പുകളും മോക്ക്ഡ്രില്ലിൽ പങ്കെടുക്കും.

തിരുവനന്തപുരം,കൊല്ലം,പത്തനംതിട്ട, ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് എന്നീ ജില്ലകളിൽ പ്രളയ സാധ്യത മോക്ക് ഡ്രില്ലും പാലക്കാട്‌, കോട്ടയം, ഇടുക്കി, വയനാട് ജില്ലകളിൽ ഉരുൾപൊട്ടൽ സാധ്യത മോക്ക്ഡ്രില്ലുമാണ് നടത്തുന്നത്.

ദുരന്ത മുന്നറിയിപ്പ് ലഭിക്കുന്ന ഘട്ടത്തിൽ മുൻകൂട്ടി നിശ്ചയിക്കപ്പെട്ടിരിക്കുന്ന ഇൻസിഡന്റ് റെസ്പോൺസ് സിസ്റ്റത്തിന്റെ പ്രവർത്തനം, കണ്ട്രോൾ റൂമുകളുടെ പ്രവർത്തനം, വിവിധ വകുപ്പുകൾ തമ്മിലുള്ള ഏകോപനം, ആശയവിനിമയോപാധികളുടെ കൃത്യമായ ഉപയോഗം, അപകട സ്ഥലത്ത് നടത്തുന്ന പ്രതികരണ-രക്ഷാപ്രവർത്തനങ്ങളുടെ ഏകോപനം തുടങ്ങിയ സുപ്രധാന കാര്യങ്ങൾ വിലയിരുത്തപ്പെടും.

നാളെ നടക്കുന്ന ടേബിൾ ടോപ്പ് എക്സർസൈസ് യോഗത്തിൽ സംസ്ഥാന ദുരന്ത നിവാരണ അതോറിറ്റി, ആലപ്പുഴ ദുരന്ത നിവാരണ അതോറിറ്റി, ആരോഗ്യ വകുപ്പ്, മൃഗ സംരക്ഷണ വകുപ്പ് എന്നിവർ അവരവരുടെ ദുരന്ത ലഘൂകരണ പദ്ധതികൾ ദേശീയ ദുരന്ത നിവാരണ അതോറിറ്റിയുടെ മുന്നിൽ അവതരിപ്പിക്കും.

സംസ്ഥാന ആഭ്യന്തര വകുപ്പ് അഡീഷനൽ ചീഫ് സെക്രട്ടറി ഡോ. വി. വേണു നടപടികൾ നിയന്ത്രിക്കും.

10 കേന്ദ്ര സേനകളുടെയും (കരസേന, വായുസേന, നാവിക സേന, ഡിഫൻസ് സെക്യൂരിറ്റി കോർപ്സ്, ദേശീയ ദുരന്ത പ്രതികരണ സേന, തീര സംരക്ഷണ സേന, ബി.എസ്.എഫ്, സി.ആർ. പി.എഫ്, സി.ഐ.എസ്.എഫ്, ഐ.ടി.ബി.പി) പ്രതിനിധികൾ ടേബിൾ ടോപ്പ് എക്സർസൈസ് യോഗത്തിൽ പങ്കെടുക്കും.

ദേശീയ ദുരന്ത നിവാരണ അതോറിറ്റിയിൽ നിന്നുള്ള പ്രത്യേക നിരീക്ഷകൻ മേജർ ജനറൽ സുധീർ ബാൽ സ്റ്റേറ്റ് എമർജൻസി ഓപ്പറേഷൻ സെന്ററിൽ നിന്ന് ടേബിൾ ടോപ്പ് എക്സർസൈസ് നടപടികൾ നിരീക്ഷിക്കും.

ദുരന്ത പ്രതികരണ തയ്യാറെടുപ്പിൽ നിർണായകമാണ് മോക്ക്ഡ്രിൽ എക്സർസൈസുകൾ. നിലവിൽ ഓരോ സംവിധാനങ്ങളും എത്രത്തോളം സജ്ജമാണെന്ന് പരിശോധിക്കപ്പെടുകയും പോരായ്മകളും കൂടുതൽ മെച്ചപ്പെടുത്താൻ ആവശ്യമായ നടപടികൾ എന്തെന്നും വിലയിരുത്താനും ഇത്തരം പരിപാടി ഉപകാരപ്പെടും.

സംസ്ഥാന ആരോഗ്യ വകുപ്പ് അഡീഷനൽ ചീഫ് സെക്രട്ടറി ഡോ. ആശാ തോമസ്, സംസ്ഥാന ദുരന്ത നിവാരണ വകുപ്പ് അഡീഷനൽ ചീഫ് സെക്രട്ടറി ഡോ. എ. ജയതിലക്, തദേശ സ്വയംഭരണ വകുപ്പ് പ്രിൻസിപ്പൽ ഡയറക്ടർ എം.ജി രാജമാണിക്യം, കമ്മീഷണർ ദുരന്ത നിവാരണ വകുപ്പ് ശ്രീമതി. അനുപമ ടി.വി, മെംബർ സെക്രട്ടറി സംസ്ഥാന ദുരന്ത നിവാരണ അതോറിറ്റി ഡോ. ശേഖർ എൽ. കുര്യാക്കോസ്, വിവിധ വകുപ്പ് മേധാവിമാർ, ജില്ലാ കളക്ടർമാർ, ജില്ലാ പഞ്ചായത്ത് പ്രസിഡണ്ട്മാർ, തഹസിൽദാർമാർ, തദേശ സ്ഥാപന പ്രതിനിധികൾ, പോലീസ്, അഗ്നി രക്ഷാ സേന, സിവിൽ ഡിഫൻസ് സന്നദ്ധ പ്രവർത്തകർ, സാമൂഹിക സന്നദ്ധ സേനാ പ്രവർത്തകർ, ആപദ മിത്ര സന്നദ്ധ പ്രവർത്തകർ, വിവിധ വകുപ്പുകളുടെ പ്രതിനിധികൾ, ഇന്റർ ഏജെൻസി ഗ്രൂപ്പ് എൻ.ജി.ഒകൾ എന്നിവർ പങ്കെടുക്കും.

റവന്യൂ മന്ത്രിയു സംസ്ഥാന ദുരന്ത നിവാരണ അതോറിറ്റി വൈസ് ചെയർമാനുമായ കെ. രാജൻ മോക്ക്ഡ്രിൽ നടപടികൾ കഴിഞ്ഞ ദിവസം ഉദ്ഘാടനം ചെയ്തിരുന്നു.
കഴിഞ്ഞ 16 ന് വിപുലമായ മോക്ക്ഡ്രിൽ എല്ലാ ജില്ലകളിലും ഒരേ സമയം നടത്തിയിരുന്നു.

മുക്കത്ത് മഞ്ഞ മഴയെന്ന് സംശയം

കോഴിക്കോട് ജില്ലയിലെ മുക്കത്ത് മഞ്ഞ മഴ പെയ്തതായി സംശയം. ഇന്നലെ വൈകിട്ട് നാലു വീടുകളിലാണ് മഞ്ഞ മഴ പെയ്‌തെന്ന് വീട്ടുകാർ പറയുന്നത്. മുക്കം നഗരസഭയിലെ പൂളപ്പൊയിലിൽ കിഴക്കേകണ്ടി ഷമീം, അക്ബർ, ഷഹർബാൻ, അസീസ് എന്നിവരുടെ വീട്ടിലാണ് മഞ്ഞ തുള്ളികളുള്ള മഴ പെയ്തത്. മുറ്റത്ത് ഉണക്കാനിട്ട തുണികളിലും ഇലകളിലും മഞ്ഞ നിറത്തിൽ പാടുകൾ വീണു. ഈ സമയത്ത് ചാറ്റൽമഴയാണ് ലഭിച്ചതെന്ന് വീട്ടുകാർ പറയുന്നു.

പെയ്ന്റ് സ്‌പേചെയ്തതുപോലെയാണ് നിറം. ആറു വർഷം മുൻപ് ഇടുക്കി കുഞ്ചിത്തണ്ണിയിൽ സമാനമായ രീതിയിൽ മഞ്ഞമഴ പെയ്തിരുന്നു. അന്ന് ഇലകൾ വാടുകയും പ്രദേശത്ത് രൂക്ഷഗന്ധവും അനുഭവപ്പെടുകയും ചെയ്തിരുന്നു.

അമ്ല മഴയാണെന്ന് അന്ന് സംശയം ഉയർന്നിരുന്നു. മഞ്ഞ നിറത്തിലുള്ള പുകപടലം, പൊടി, പരാഗങ്ങൾ എന്നിവ മഴവെള്ളത്തിൽ കലർന്നാൽ മഞ്ഞ നിറത്തിൽ മഴ പെയ്യാം.

ഇന്ത്യയിൽ മനുഷ്യർക്ക് താങ്ങാവുന്നതിലും കൂടുതൽ ചൂട് വരുന്നു

ഇന്ത്യയിൽ മനുഷ്യർക്ക് താങ്ങാനാവുന്നതിലും കൂടുതൽ ഉഷ്ണതരംഗം വരുന്നുവെന്ന് ലോക ബാങ്ക് റിപ്പോർട്ട്. തിരുവനന്തപുരത്ത് കേരള സർക്കാരുമായി സഹകരിച്ച് നടത്തിയ ഇന്ത്യ ക്ലൈമറ്റ് ആന്റ് ഡെവലപ്‌മെന്റ് പാർട്‌ണേഴ്‌സ് മീറ്റിലാണ് ലോകബാങ്കിന്റെ നിരീക്ഷണം. 2022 ഏപ്രിലിൽ ഡൽഹിയിൽ താപനില 46 ഡിഗ്രിയിലെത്തിയിരുന്നു. മാർച്ചിൽ തന്നെ അസാധാരണമായ ചൂടാണ് അനുഭവപ്പെട്ടത്. ഏറ്റവും കൂടുതൽ ചൂട് രേഖപ്പെടുത്തിയ മാർച്ച് എന്ന റെക്കോർഡും രേഖപ്പെടുത്തിയിരുന്നു. ഉഷ്ണതരംഗം നേരത്തെ സജീവമാകുന്നു എന്നാണ് ഇതിലൂടെ മനസിലാക്കേണ്ടത്.
ദക്ഷിണേഷ്യയിൽ ചൂട് വർധിക്കുന്നുവെന്നാണ് കാലാവസ്ഥാ ശാസ്ത്രജ്ഞർ പറയുന്നത്. 2021 ഓഗസ്റ്റിലെ കാലാവസ്ഥാ വ്യതിയാനത്തെ കുറിച്ചുള്ള ആറാമത് ഇന്റർ ഗവൺമെന്റൽ പാനൽ റിപ്പോർട്ടിലും ഇന്ത്യൻ ഉപഭൂഖണ്ഡത്തിലെ ഉഷ്ണതരംഗ സാധ്യത ചൂണ്ടിക്കാട്ടിയിരുന്നു. 2036-65 വരെയുള്ള കാലഘട്ടത്തിൽ കാർബൺ പുറംതള്ളൽ 25 മടങ്ങ് കൂടുമെന്നാണ് ജി20 കാലാവസ്ഥാ റിസ്‌ക് അറ്റ്‌ലസ് പറയുന്നത്.
ഇന്ത്യയിലെ തൊഴിൽ രംഗത്തെ 380 ദശലക്ഷം പേരിൽ 75 ശതമാനം പേരും ചൂടേറ്റ് ജോലി ചെയ്യുന്നവരാണ്. ഇവർക്ക് ജീവന് ഭീഷണിയാകുന്ന വിധത്തിൽ ചൂട് മാറും. 2030 ഓടെ 34 ദശലക്ഷം പേരുടെ തൊഴിൽ ചൂടുകൂടുന്നതു മൂലം പ്രതിസന്ധിയിലാകും.

SAPACC ദേശീയ കാലാവസ്ഥാ സമ്മേളന വിളംബരവുമായി യുവജന സൈക്കിൾ യാത്ര

സൗത്ത് ഏഷ്യൻ പീപ്പിൾസ് കമ്മിറ്റി ഓൺ ക്ലൈമറ്റ് ക്രൈസിസ് (SAPACC) കാലാവസ്ഥ വ്യതിയാനവുമായി ബന്ധപ്പെട്ട് കോഴിക്കോട് ഡിസംബർ 15 മുതൽ 18 വരെ സംഘടിപ്പിക്കുന്ന ദേശീയ കാലാവസ്ഥാ സമ്മേളനത്തിന്റെ വിളംബരവുമായി കാപ്പാട് കടപ്പുറത്തുനിന്നും കോഴിക്കോട് ബീച്ച്ലേക്ക് വിവിധ സൈക്കിൾ ക്‌ളബ്ബുകളുടെയും യുവജനങ്ങളുടെയും നേതൃത്വത്തിൽ സൈക്കിൾ യാത്ര സംഘടിപ്പിച്ചു. പ്രമുഖ സൈക്കിൾ യാത്രികനും പ്രചാരകനുമായ ഹരി പാമ്പൂർ യാത്രക്ക് നേതൃത്വം നൽകി.

കാപ്പാട് ബീച്ചിൽ നടന്ന ലളിതമായ റാലി ഫ്ലാഗ് ഓഫിനു സാമൂഹ്യ പ്രവർത്തകനും കലാവസ്ഥാ സമ്മേളനം പ്രചരണ കമ്മിറ്റി കൺവീനറുമായ ശരത് ചേലൂർ സ്വാഗതം പറഞ്ഞു. കാപ്പാട് കടപ്പുറത്ത് സൈക്കിൾ ഉപയോഗിച്ചു കൊണ്ട് ഉപജീവനം നടത്തുന്ന മരയ്ക്കാർ SAPACC ദേശീയ കാലാവസ്ഥ സമ്മേളനം വിളംബര സൈക്കിൾ യാത്ര ഫ്ലാഗ് ഓഫ്‌ ചെയ്തു. NAPM സംസ്ഥാന കൺവീനറും കാലാവസ്ഥ സമ്മേളനം പ്രോഗ്രാം കമ്മിറ്റി കൺവീനറുമായ വിജയരാഘവൻ ചേലിയ അദ്ധ്യക്ഷത വഹിച്ചു. അദ്ധ്യാപികയും ദേശീയ കാലാവസ്ഥ സമ്മേളനത്തിന്റെ മുഖ്യ സംഘാടകരിൽ ഒരാളുമായ ഡോ സ്മിത പി കുമാർ ആമുഖഭാഷണം നടത്തി.

കാപ്പാട് ബീച്ച് പരിസരത്തു നിന്നും രാവിലെ 07 മണിയോടെ ആരംഭിച്ച റാലി കാപ്പാട് അങ്ങാടി, വികാസ് നഗർ, കാട്ടിലപീടിക, എലത്തൂർ, പാവങ്ങാട്, വെസ്റ്റ്ഹിൽ, നടക്കാവ്, മാവൂർ റോഡ്, മാനാഞ്ചിറ, സി.എച്ച് ഓവർബ്രിഡ്ജ് എന്നീ കേന്ദ്രങ്ങളിലൂടെ സഞ്ചരിച്ചു 11 മണിയോടെ കോഴിക്കോട് ബീച്ചിൽ അവസാനിച്ചു. കോരപ്പുഴ സെന്ററിൽ പോയിൽക്കാവ് ഹയർ സെക്കണ്ടറി സ്കൂളിലെ എൻ എസ് എസ് അംഗങ്ങൾ റാലിയെ സ്വീകരിച്ചു. എൻ എസ് എസ് ക്ലസ്റ്റർ കോർഡിനേറ്റർ കെ പി അനിൽകുമാർ, മുൻ പി എസ് സി അംഗം ടി ടി ഇസ്മായിൽ, എൻ എസ് എസ് വളന്റിയർമാർ എന്നിവർ റാലിക്ക് അഭിവാദ്യങ്ങൾ അർപ്പിച്ചു സംസാരിച്ചു.

കോഴിക്കോട് കടപ്പുറത്ത് വെച്ച് സമ്മേളന സംഘാടക സമിതി അംഗങ്ങൾ തൽഹത്ത് വെള്ളയലിൻ്റെ നേതൃത്വത്തിൽ സൈക്കിൾ യാത്രികരെ സ്വീകരിച്ചു. കാപ്പാട് ബീച്ച് റൈഡേർസ് പ്രവർത്തകരായ ഷഫീർ എം.പി, സുധീഷ് കുമാർ, ആൽവിൻ പി, സത്യജിത്ത് എലത്തൂർ തുടങ്ങിയവരും വിവിധ സൈക്കിൾ ക്‌ളബ്ബ് സംഘാടകരും കോഴിക്കോട് ബീച്ചിൽ നടന്ന സമാപന സമ്മേളനത്തിൽ സംസാരിച്ചു. ദേശീയ സമ്മേളനം സംഘാടക സമിതി അംഗങ്ങളായ തൽഹത്ത് വെള്ളയിൽ, വിജയരാഘവൻ ചേലിയ, ഡോ. സ്മിത പി കുമാർ, ശരത് ചേലൂർ എന്നിവരും ഹരി പാമ്പൂരിന്റെ നേതൃത്വത്തിലുള്ള സൈക്കിൾ ക്ലബ് അംഗങ്ങളും പരിപാടികൾക്ക് നേതൃത്വം നൽകി.

ഹൈഡ്രജൻ വിമാനവുമായി എയർബസ്, പരീക്ഷണങ്ങൾ തുടങ്ങി

കാലാവസ്ഥാ വ്യതിയാനത്തെ ചെറുക്കാൻ ലോകം ഒന്നടങ്കം ചർച്ചചെയ്യവെ ഹൈഡ്രജൻ വാഹനങ്ങൾ വിപണിയിലേക്കെത്തുകയാണ്. ഇതിനകം ഹൈഡ്രജൻ ചെറു വിമാനവും ട്രെയിനും സർവിസ് നടത്തിക്കഴിഞ്ഞു. ഇനിയിതാ വരുന്നു എയർബസ് വിമാനവും. ഇതിന്റെ പരീക്ഷണങ്ങൾ തുടങ്ങിയെന്ന് എയർബസ് വൈസ് പ്രസിഡന്റ് വെളിപ്പെടുത്തി. എയർബസ് ഉച്ചകോടിയിൽ സംസാരിക്കവെയാണ് അദ്ദേഹം ഇക്കാര്യം വെളിപ്പെടുത്തിയത്. യൂറോപ്യൻ വിമാന നിർമാതാക്കളായ എയർബസ് വായു മലിനീകണം ഉണ്ടാക്കാത്ത ഹൈഡ്രജൻ വിമാന എൻജിൻ പരീക്ഷണങ്ങളാണ് നടത്തുന്നത്. കാർബൺ എമിഷൻ ഇല്ല എന്നതാണ് ഇതിന്റെ സവിശേഷത. വിമാനങ്ങൾ പുറത്തുവിടുന്ന കാർബൺ ആഗോള താപനത്തിന് മറ്റൊരു കാരണമാണ്. അന്തരീക്ഷത്തെ മലിനപ്പെടുത്തിയാണ് വിമാനങ്ങൾ ഇപ്പോൾ സർവിസ് നടത്തുന്നത്. കാലാവസ്ഥ മാറ്റുന്നതിലും വിമാനങ്ങൾക്ക് കാലാവസ്ഥാ പ്രവചനത്തെ സഹായിക്കുന്നതു പോലെ പങ്കുണ്ട്.
2035 ൽ വലിയ വിമാനമായ എയർബസിന്റെ ഹൈഡ്രജൻ വിമാനം സർവിസ് നടത്തുമെന്നാണ് കമ്പനി പറയുന്നത്. ഹെഡ്രജൻ എൻജിനിന്റെ ഗ്രൗണ്ട്, ഫ്‌ളൈറ്റ് ടെസ്റ്റുകൾ കമ്പനി തുടങ്ങി. എ380 എന്ന വലിയ എയർബസ് വിമാനത്തിനാണ് പരീക്ഷണം നടക്കുന്നത്. എ 380 എം.എസ്.എൻ001 എന്ന വിമാനമാണ് ഹൈഡ്രജൻ എൻജിൻ പരീക്ഷണം നടത്തുന്നത്. ദ്രവീകൃത ഹൈഡ്രജൻ ഇന്ധനമാണ് വിമാനത്തിൽ ഉപയോഗിക്കുന്നത്. ഇലക്ട്രിക് എൻജിൻ പോലെ മറ്റു ഉപകരണങ്ങളും എൻജിനൊപ്പം ഉണ്ടാകും.
1000 നോട്ടിക്കൽ മൈൽ വരെ 100 യാത്രക്കാരുമായി പറക്കാൻ കഴിയുന്ന ഹൈഡ്രജൻ വിമാനം ഇതിനകം വികസിപ്പിച്ചിട്ടുണ്ട്. ഹൈഡ്രജൻ എൻജിൻ പ്രവർത്തിക്കുമ്പോൾ കാർബൺ ഡൈ ഓക്‌സൈഡ് പുറത്തുവിടുന്നില്ലെന്നതിനാൽ കാലാവസ്ഥാ വ്യതിയാനത്തിന് കാരണമാകുന്ന കാർബൺ പുറംതള്ളൽ ഇല്ലാതാക്കാനാകും. നൈട്രജൻ ഓക്‌സൈഡുകളും ഇവ പുറത്തുവിടുന്നില്ല. ഹൈഡ്രജൻ തന്മാത്ര വിഘടിച്ച് പ്രോട്ടോണും ഇലക്ട്രോണുമായി മാറി വൈദ്യുതി ഉണ്ടാക്കുന്നുവെന്നാണ് ഇതിന്റെ സവിശേഷത.

A new dawn for humanity? COP27 ends; loss and damage fund, other agendas adopted

By Down to Earth
All agendas, including the loss and damage fund, were adopted at the closing ceremony of the 27th Conference of Parties (COP27) to the United Nations Framework Convention on Climate Change (UNFCCC), as dawn broke over Sharm El-Sheikh November 20, 2022.

This follows a proposal in the draft text on November 19 to create a loss and damage finance facility at Sharm El-Sheikh.

“I welcome the decision to establish a loss and damage fund and to operationalise it in the coming period,” António Guterres, Secretary-General of the United Nations, wrote on Twitter. He added that this was a much-needed political signal to rebuild broken trust.

“A landmark decision in Sharm El-Sheikh COP27 on the establishment of a long-awaited Loss And Damage fund for assisting developing countries that are particularly vulnerable to the adverse effects of climate change,” Manjeet Dhakal, Advisor to the Chair of Least Developed Countries, wrote on Twitter.

The Sharm El-Sheikh Implementation Plan was also adopted by COP and the Conference of the Parties serving as the meeting of the Parties to the Paris Agreement (CMA). It emphasises reducing greenhouse gases in applicable sectors through increased renewable and low-emission energy.

“Emphasises the urgent need for immediate, deep, rapid and sustained reductions in global greenhouse gas emissions by parties across all applicable sectors, including through increase in low-emission and renewable energy, just energy transition partnerships and other cooperative actions,” the cover decision read.

The previous version of the cover decision draft text, released November 19, did not mention low-emission energy. It also highlighted emission reductions across all sectors, unlike the adopted version, which changed the text to applicable sectors.

The cover decision continued to retain the phasedown of unabated coal and a phase-out of inefficient fossil fuel subsidies. It ignored Norway’s calls for the phaseout of all fossil fuel. India and the EU backed phasing down of all fossil fuel.

The work programme for urgently scaling up mitigation ambition and ambition was also adopted. The document on the mitigation work programme released November 19, made no mention of equity and CBDR (common but differentiated responsibility)

This is despite the Like Minded Developing countries, the African Group of Negotiators and India stating that the mitigation work programme should be guided by the UNFCCC’s principles of CBDR (common but differentiated responsibility) and equity during the negotiations.

Also adopted was the post-2025 climate finance target, the New Collective Quantified Goal on Climate finance and the Global Goal on Adaptation, which is equivalent to the global goal on mitigation of limiting global temperatures to 1.5 degrees Celsius.

The CMA also adopted Article 6 of the Paris Agreement, which includes Articles 6.2, 6.4 and 6.8.

Article 6.2 deals with bilateral trade of emission reduction outcomes between two nations to help achieve climate targets. 6.4 creates a market for carbon credits, while 6.8 deals with non-market approaches.

Transparency was a contentious issue during negotiations around 6.2. Parties have now agreed that information on carbon credits can be kept confidential, but an explanation “should” be provided.

The previous version used “shall” instead of “should.” “Should” means “encouraged”, while shall means “must”, Matt Adam Williams, Climate and Land lead from the Energy and Climate Intelligence Unit (ECIU), a non-profit, told Down To Earth. The phrasing of the word has been weakened, he added.