കോഴിക്കോട്ട് വെയിൽ ചൂടിൽ പവർ ബാങ്ക് പൊട്ടിത്തെറിച്ച് കാറിന് തീപിടിച്ചു.
പന്തീരാങ്കാവ് ഡെക്കാത്തലൂ ൺ ഷോറൂമിന്റെ പാർക്കിങ്ങിൽ നിർത്തിയിട്ടിരുന്ന കാറിനുള്ളിലാണ് അഗ്നിബാധ ഉണ്ടായത്.
ഇന്ന് ഉച്ചയോടെ ആയിരുന്നു സംഭവം.

പാർക്കിങ്ങിൽ തുറന്ന സ്ഥലത്ത് നിർത്തിയിട്ടിരുന്ന കാറിൻ്റെ മുൻ സീറ്റിൽ വെച്ചിരുന്ന പവർബാങ്ക് ചൂടുപിടിച്ച് കത്തുകയായിരുന്നു. മുൻ സീറ്റ് മുഴുവനായും കത്തി നശിക്കുകയും കാറിൻറെ സിലിംഗ് വരെ തീയും പുകയും ഉയരുകയും ചെയ്തു. മീഞ്ചന്ത അഗ്നിരക്ഷാ നിലയത്തിൽ നിന്നും സ്റ്റേഷൻ ഓഫീസർ പി കെ ശരത്തിന്റെ നേതൃത്വത്തിൽ ഫയർഫോഴ്സ് യൂണിറ്റ് സ്ഥലത്തെത്തി.

ഷോറൂം മാനേജരും സെക്യൂരിറ്റി ജീവനക്കാരനും ഉടൻതന്നെ ഫയർ എക്സ്റ്റിംഗ്യൂഷറുകൾ ഉപയോഗിച്ച് തീ അണച്ചത് കൊണ്ട് ഒരുവൻ ദുരന്തം ഒഴിവാകു കയായിരുന്നു.
അഗ്നിരക്ഷാസേന തീ പൂർണ്ണമായും കെടുത്തി മറ്റ് അപകട സാധ്യതകളൊന്നും ഇല്ലെന്ന് ഉറപ്പുവരുത്തി.

പവർ ബാങ്ക് പോലുള്ള ഇലക്ട്രോണിക് ഉപകരണങ്ങൾ ചൂടാകുന്നത് പലപ്പോഴും അഗ്നിബാധയ്ക്ക് കാരണമാകുന്നുണ്ടെന്ന് ഫയർഫോഴ്സ് ഉദ്യോഗസ്ഥർ പറഞ്ഞു.

English Summary : A car caught fire in the open parking area of the Decathlon showroom in Pantheerankavu, Kozhikode, after a power bank left on the front seat overheated and exploded in the extreme heat. The incident occurred around noon today.