കാലവർഷം 19 തിന് പിൻവാങ്ങൽ ആരംഭിക്കും ; ബംഗാൾ ഉൾക്കടലിൽ ന്യൂനമർദ സാധ്യത, കേരളത്തിലും മഴ

സെപ്റ്റംബർ 19 മുതൽ കാലവർഷം പിൻവാങ്ങാൻ അനുകൂല സാഹചര്യങ്ങൾ തെളിയുന്നു. കാലവർഷം പിൻവാങ്ങുന്നതിനുള്ള സൂചനകൾ ശക്തമാകുകയാണ്. സെപ്റ്റംബർ 19-ഓടെ പടിഞ്ഞാറൻ രാജസ്ഥാനിലെ ചില ഭാഗങ്ങളിൽ നിന്ന് കാലവർഷം പിൻവാങ്ങുന്നതിനുള്ള അനുകൂല സാഹചര്യം രൂപപ്പെടാൻ സാധ്യതയുണ്ടെന്ന് നേരത്തെ Metbeat Weather ചൂണ്ടിക്കാട്ടിയിരുന്നു.

Monsoon 2026 : സെപ്റ്റംബർ 19 ഓടെ കാലവർഷം പിൻവാങ്ങും; ഇത്തവണ രണ്ട് ദിവസം വൈകി
രാജ്യത്ത് തെക്കുപടിഞ്ഞാറൻ കാലവർഷം പിൻവാങ്ങാൻ ഒരുങ്ങുന്നു. അതിന് അനുകൂലമായ സാഹചര്യം ഒരുങ്ങി തുടങ്ങി.
https://metbeatnews.com/delay-in-southwest-monsoon-withdrawal-expected-from-sept-19

ന്യൂനമർദ്ദം തുടരുന്നു

അതേസമയം സൗരാഷ്ട്രയ്ക്കും സമീപ വടക്കുകിഴക്കൻ അറബിക്കടലിനും മുകളിലായി ന്യൂനമർദം തുടരുകയാണ്. കൂടാതെ ബംഗാൾ ഉൾക്കടലിൽ പുതിയ ന്യൂനമർദം രൂപപ്പെടാനുള്ള സാധ്യതയും ഉണ്ട്.

വടക്കൻ തായ്‌ലൻഡിന് മുകളിൽ രൂപപ്പെട്ട ചക്രവാതച്ചുഴി നാളെ (സെപ്തംബർ 18) വൈകുന്നേരത്തോടെ വടക്കൻ ആൻഡമാൻ കടലിലേക്ക് എത്താൻ സാധ്യതയുണ്ട്. സെപ്റ്റംബർ 19 വൈകുന്നേരത്തോടെ ഇത് ന്യൂനമർദമായി ശക്തിപ്രാപിക്കാനാണ് സാധ്യത.

തുടർന്ന് ന്യൂനമർദം കൂടുതൽ ശക്തിപ്പെടുകയും അടുത്ത മൂന്ന് മുതൽ നാല് ദിവസത്തിനുള്ളിൽ പടിഞ്ഞാറ്-വടക്കുപടിഞ്ഞാറൻ ദിശയിൽ സഞ്ചരിച്ച് തെക്കൻ ഒഡിഷ–വടക്കൻ ആന്ധ്രപ്രദേശ് തീരത്തേക്ക് നീങ്ങാനും സാധ്യതയുണ്ട്. തെക്കൻ തീരദേശ ആന്ധ്രപ്രദേശിനും സമീപ റയലസീമയ്ക്കും മുകളിലായി മറ്റൊരു ചക്രവാതച്ചുഴിയും തുടരുന്നുണ്ട്. വടക്കുപടിഞ്ഞാറൻ ബംഗാൾ ഉൾക്കടലിലും സമീപ വടക്കൻ ഒഡിഷ–പശ്ചിമ ബംഗാൾ തീരപ്രദേശങ്ങളിലും ചക്രവാതച്ചുഴി നിലനിൽക്കുകയാണ്.

കേരളത്തിലും മഴ തുടരും

തെക്കൻ കർണാടക മുതൽ മാന്നാർ കടലിടുക്ക് വരെ തമിഴ്നാടിനും കർണാടകയ്ക്കും മുകളിലൂടെ ന്യൂനമർദപ്പാത്തിയും നിലനിൽക്കുന്നതിനാൽ ഇതിന്റെ സ്വാധീനത്തിൽ കേരളത്തിലും മഴയ്ക്ക് സാധ്യതയുണ്ട്.

Kerala Weather : സെപ്തംബറിന്റെ ആദ്യ പകുതിയിൽ കേരളത്തിൽ മഴ 93% കുറഞ്ഞു; 20ന് ശേഷം ന്യൂനമർദ്ദ സാധ്യത
ഇത്തവണയും മഴ ചതിച്ചു. സെപ്തംബർ ആദ്യ പകുതിയിൽ കേരളത്തിൽ മഴയിൽ വൻ കുറവ് ആണ് അനുഭവപ്പെട്ടത്.
https://metbeatnews.com/september-rain-drops-by-low-pressure-system-likely-after-sept-20

സെപ്തംബർ 20 വരെ കേരളത്തിൽ നേരിയതോ മിതമായതോ ആയ മഴയ്ക്ക് സാധ്യതയുണ്ട്. സെപ്റ്റംബർ 17 മുതൽ 20 വരെ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയുണ്ട്.
സെപ്റ്റംബർ 18, 19 തീയതികളിൽ ഒറ്റപ്പെട്ട സ്ഥലങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നാണ് മുന്നറിയിപ്പ്.

അതേസമയം കാലവർഷം പിൻവാങ്ങാനുള്ള സാഹചര്യം രൂപപ്പെടുന്നതോടെ രാജ്യത്ത് കാലവർഷത്തിന്റെ അവസാനഘട്ടവും ആരംഭിക്കുകയാണ്. ബംഗാൾ ഉൾക്കടലിൽ രൂപപ്പെടാൻ സാധ്യതയുള്ള ന്യൂനമർദത്തിന്റെ സഞ്ചാരപഥവും തുടർന്നുള്ള ദിവസങ്ങളിലെ മഴയുടെ സ്വഭാവത്തിൽ നിർണായകമാകും.

English Summary : The South-West Monsoon is set to begin its retreat from parts of Western Rajasthan around September 19, marking the start of the monsoon's final phase across India. However, active atmospheric systems continue to bring heavy rainfall across multiple regions.