തെക്കു കിഴക്കൻ ബംഗാൾ ഉൾകടലിൽ ഇന്ന് ( 13/11/26) ന്യൂനമർദ്ദം രൂപപ്പെടും. തുടർന്ന് നാളെയോടെ വീണ്ടും ശക്തിപ്പെട്ടു well marked low pressure (WML) ആകും. ഈ സിസ്റ്റം തുടർന്നുള്ള ദിവസങ്ങളിൽ ഡിപ്രഷൻ (depression) ആകും. തുടർന്ന് വടക്ക്, വടക്കു പടിഞ്ഞാറ് ദിശയിൽ സഞ്ചരിക്കാനാണ് സാധ്യത. തമിഴ്നാട്ടിലോ ആന്ധ്രപ്രദേശിലോ കരകയറാനുള്ള സാധ്യത കുറവാണ്. അതുപോലെ കന്യാകുമാരി കടൽ വഴി അറബിക്കടലിൽ എത്താനും സാധ്യത കുറവാണ്.

നേരത്തെ സൂചിപ്പിച്ചതുപോലെ ഈ സിസ്റ്റം കേരളത്തിൽ കനത്ത മഴ നൽകാൻ സാധ്യത കുറവാണ്. 16ന് ശേഷം കേരളത്തിൽ മഴയിൽ നേരിയ തോതിൽ വർദ്ധനവ് ഉണ്ടാകുമെങ്കിലും അതുവരെയുള്ള ദിവസങ്ങളിൽ വരണ്ട കാലാവസ്ഥ തുടരാനാണ് സാധ്യത. രാവിലെ മൂടൽ മഞ്ഞും നേരിയ തണുപ്പും കാണും. വയനാട്, ഇടുക്കി ഉൾപ്പെടെയുള്ള കിഴക്ക ജില്ലകളിൽ തണുപ്പ് കൂടും.

ഇന്നലെ തെക്കൻ കേരളത്തിൽ തിരുവനന്തപുരം ഉൾപ്പെടെയുള്ള ജില്ലകളിൽ മഴ ലഭിച്ചു. ഇത്തരം ഒറ്റപ്പെട്ട പ്രദേശങ്ങളിലെ മഴ 16 ന് ശേഷം തുടരും. തിരുവനന്തപുരം ജില്ലയിൽ ഇന്നലെ വൈകിട്ട് വരെ താഴെപ്പറയുന്ന തോതിൽ മഴ ലഭിച്ചു. മഴയുടെ അളവ് മില്ലിമീറ്ററിൽ.

1. തുരുത്തുമൂല – 71.4 mm
2. വിളപ്പിൽശാല – 49.6 mm
3. പേപ്പാറ – 44 mm
4. പ്ലാവൂർ – 25.4 mm
5. വിതുര – 25 mm
6. കാവിൻപുറം – 13.4 mm
7. നെടുമങ്ങാട് – 13 mm
8. മാറനല്ലൂർ – 12.2 mm
9. ഗ്രീൻ വാലി ഇന്റർനാഷണൽ സ്കൂൾ – 10.4 mm
10. ചെമ്പനക്കോട് – 7.60 mm

വരൻ ദിവസങ്ങളിലും ന്യൂനമർദ്ദം കേരളത്തിൽ അല്പമെങ്കിലും മഴ നൽകാൻ സാധ്യതയുള്ളത് തിരുവനന്തപുരം, കൊല്ലം ജില്ലകളിലാണ്. തെക്കൻ തമിഴ്നാട്ടിലും ശ്രീലങ്കയിലും മഴ ലഭിക്കും.

Summary: A low-pressure area is forming over the southeast Bay of Bengal today (November 13, 2026) and is expected to intensify into a well-marked low-pressure area tomorrow, eventually becoming a depression.