യുഎഇയിൽ കാലാവസ്ഥ മാറുന്നു; മൂടൽമഞ്ഞിന് കനത്ത ജാഗ്രത

യുഎഇയിൽ കനത്ത വേനലിന് വിരാമമിട്ട് ശരത്കാലത്തിന് തുടക്കമായിരിക്കുന്നു. ഇന്ന് പുലർച്ചെ 4.05നാണ് യുഎഇയിൽ ശരത്കാലം ആരംഭിച്ചത്. എന്നെത്തെയും പോലെ രാജ്യത്ത് ഇന്ന് പൊതുവെ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കുമെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. എന്നാൽ ഉച്ചയോടെ കിഴക്കൻ, തെക്കൻ മേഖലകളിൽ മഴ മേഘങ്ങൾ രൂപപ്പെടാൻ സാധ്യതയുണ്ട്. രാത്രി മുതൽ വ്യാഴാഴ്ച രാവിലെയോടെ പടിഞ്ഞാറൻ മേഖലകളിൽ അന്തരീക്ഷം ഈർപ്പമുള്ളതാകാനും മൂടൽമഞ്ഞിനുഉള സാധ്യതയുമുണ്ടെന്ന് NCM അറിയിച്ചു.

UAE Autumn Season: യുഎഇയിൽ കൊടുംചൂടിന് വിട; നാളെ മുതൽ ശരത്കാലം ആരംഭിക്കും
യുഎഇയിൽ കനത്ത ചൂടിന് ആശ്വാസമാവാൻ ശരത്കാല സീസൺ എത്തുന്നു.
https://metbeatnews.com/temperature-drop-fog-and-weather-forecast

41 ഡിഗ്രി വരെ ചൂട്

ദുബൈയിൽ പകൽ 39 ഡിഗ്രി സെൽഷ്യസും അബുദാബിയിൽ 41 ഡിഗ്രിയും ഷാർജയിൽ 40 ഡിഗ്രി സെൽഷ്യസും വരെ താപനില ഉയർന്നേക്കും. കുറഞ്ഞ താപനില യഥാക്രമം 31, 29, 27 ഡിഗ്രി സെൽഷ്യസായിരിക്കും. തെക്കുകിഴക്കൻ, വടക്കുകിഴക്കൻ ദിശകളിൽ നിന്ന് ശക്തമായ കാറ്റിന് സാധ്യതയുണ്ട്.
അറേബ്യൻ ഗൾഫിലും ഒമാൻ കടലിലും കടൽ പൊതുവെ ശാന്തമായിരിക്കുമെന്നും കാലാവസ്ഥാ കേന്ദ്രം അറിയിച്ചു.

English Summary : The UAE has officially welcomed the autumn season, marking an end to intense summer heat. According to the National Center of Meteorology (NCM), today’s weather will feature clear to partly cloudy skies with a chance of convective rain clouds forming over eastern and southern regions by afternoon. Night and early morning hours are expected to grow humid, bringing fog risks to western areas.