Artemis II returns LIVE: അൽപ സമയത്തിനകം പേടകം ഭൂമിയുടെ അന്തരീക്ഷത്തിലേക്ക്, പിന്നെ കടലിൽ വീഴും

ആദ്യമായി ചന്ദ്രൻ്റെ മറുപുറം കാണാൻ നമുക്ക് അവസരം നൽകിയ ആര്‍ട്ടെമിസ് 2 ചാന്ദ്ര ദൗത്യ സംഘം ഏതാനും മണിക്കൂറുകൾക്കുള്ളിൽ ഭൂമിയുടെ അന്തരീക്ഷത്തിലേക്ക് എത്തും. അതീവ നിർണായകമായ ഘട്ടമാണ് ഇത്. തുടർന്ന് ഇന്ത്യൻ സമയം ഇന്ന് (ശനി) പുലർച്ചെ 5.07 ന് ആർട്ടമി സ് ദൗത്യ സംഘത്തെയും വഹിച്ചുള്ള ഓറിയോൺ പേടകം പസഫിക് സമുദ്രത്തിൽ വീഴും.

ചരിത്ര നിമിഷത്തിന്റെ തൽസമയ സംപ്രേഷണം ഈ വാർത്തയോടൊപ്പം നൽകിയ വീഡിയോ പ്ലേ ബോക്സിൽ പ്ലേ ബട്ടൺ അമർത്തിയാൽ രാവിലെ 4 മണി മുതൽ (IST) കാണാം.

ഇന്ത്യന്‍ സമയം ഇന്ന് പുലര്‍ച്ചെ 5.07 ന് (അമേരിക്കന്‍ കിഴക്കന്‍ സമയം വെള്ളിയാഴ്ച രാത്രി 8.07 ന് ) കാലിഫോര്‍ണിയ തീരത്ത് ഒറിയോണ്‍ പേടകം കാലിഫോർണിയ തീരത്ത് പസഫിക് സമുദ്രത്തിൽ സ്പ്ലാഷ് ഡൗൺ നടത്തുക.

ആര്‍ട്ടെമിസ് ക്യാപ്‌സ്യൂളില്‍ നിന്ന് സര്‍വിസ് മൊഡ്യൂള്‍ ഭൂമിക്കു മുകളില്‍ 122 കി.മി ഉയരത്തിലെത്തുമ്പോള്‍ വേര്‍പെടും. തുടര്‍ന്ന് ഭൗമാന്തരീക്ഷത്തിലേക്ക് എത്തുമ്പോള്‍ ( re entry to atmosphere) തുടക്കത്തിൽ മണിക്കൂറില്‍ പേടകത്തിന്റെ വേഗത മണിക്കൂറില്‍ 40,000 കി.മി ആയിരിക്കും.

ഈ സമയം പേടകത്തിന് ചുറ്റും അനുഭവപ്പെടുക 2,700 ഡിഗ്രി സെല്‍ഷ്യസ് താപനില ആയിരിക്കും. അഗ്നിഗോളമായി മാറുന്ന പേടകത്തിനുള്ളിൽ സഞ്ചാരികളെ സുരക്ഷിതമായി നിർത്താൻ ആധുനിക സംവിധാനങ്ങൾ സജ്ജീകരിച്ചിട്ടുണ്ട്. അതിനാൽ ഈ ഘട്ടം നിർണായകമാണ്.

പേടകം ഭൗമാന്തരീക്ഷത്തിൽ എത്തിയാൽ, ഒരു മണിക്കൂറിനകം ഭൂമിയിലെത്തും. അതിശക്തമായ ചൂടുപിടിച്ച വാതകവും കാരണം പേടത്തിലേക്കുള്ള റേഡിയോ സിഗ്നലുകള്‍ re entry സമയത്ത് തടസ്സപ്പെടും. പിന്നീട് രണ്ട് പാരച്യൂട്ടുകള്‍ വഴി പേടകത്തിന്റെ വേഗത മണിക്കൂറില്‍ 480 കി.മി വേഗത്തിലേക്ക് കുറച്ചു കൊണ്ടുവരും.

ഭൂമിയോട് അടുക്കുമ്പോൾ 3 പാരച്യൂട്ടുകള്‍ കൂടി ഉയര്‍ത്തി പേടകത്തെ സാവധാനം പസഫിക് സമുദ്രത്തില്‍ ഇറക്കും. പേടകത്തിലെ സഞ്ചാരികളുടെ സുരക്ഷയ്ക്കായി പേടകത്തിനു പുറത്ത് 16.5 അടി നീളമുള്ള ഹീറ്റ് ഷീല്‍ഡ് സ്ഥാപിച്ചിട്ടുണ്ട്. ഏപ്രില്‍ രണ്ടിന് ഇന്ത്യന്‍ സമയം പുലര്‍ച്ചെ 4.05 ന് ഫ്‌ളോറിഡയിലെ കെന്നഡി സ്‌പേസ് സെന്ററിലെ 39 ബി വിക്ഷേപണത്തറയില്‍ നിന്നാണ് സ്‌പേസ് ലോഞ്ച് സിസ്റ്റം എന്ന റോക്കറ്റിലുറപ്പിച്ച ഒറിയോണ്‍ പേടകത്തില്‍ നാല് സഞ്ചാരികളുടെ ചാന്ദ്രദൗത്യത്തിന് തുടക്കമായത്.

NASA’s Artemis II Return : ചന്ദ്രന്റെ മറുവശം കീഴടക്കി തീഗോളമായി Artemis II ഭൂമിയിലേക്ക്, നാളെ പുലർച്ചെ പസഫിക് സമുദ്രത്തിൽ ലാൻഡിങ്
ചന്ദ്രന്റെ മറുഭാഗത്തുകൂടിയുള്ള (far side of the Moon) ചരിത്രപരമായ യാത്ര വിജയകരമായി പൂര്‍ത്തിയാക്കിയ NASAയുടെ Artemis IIപേടകംഭൂമിയിലേക്കുള്ള മടക്കയാത്ര
https://metbeatnews.com/nasas-artemis-ii-return-13-minutes-of-terror-as-crew-races-toward-earth

അരനൂറ്റാണ്ടിലേറെ നീണ്ട ഇടവേളയ്ക്ക് ശേഷം മനുഷ്യനെ വീണ്ടും ചന്ദ്രന്റെ സമീപത്തേക്ക് എത്തിച്ച ആര്‍ട്ടെമിസ് 2 ദൗത്യം ബഹിരാകാശ ചരിത്രത്തിലെ ഒരു സുവര്‍ണാധ്യായമാണ്. മിഷന്‍ കമാന്‍ഡര്‍ റീഡ് വൈസ്മാന്‍, മിഷന്‍ പൈലറ്റ് വിക്ടര്‍ ഗ്ലോവര്‍, മിഷന്‍ സ്‌പെഷ്യലിസ്റ്റുകളായ ക്രിസ്റ്റീന കോച്ച്, ജെറമി ഹാന്‍സന്‍ എന്നിവരാണ് ദൗത്യസംഘത്തിലുണ്ടായിരുന്നത്.

ആദ്യ രണ്ടു ദിവസം രണ്ടുവട്ടം ഭൂമിയെ വലംവച്ചശേഷമാണ് ഭ്രമണപഥം ഉയർത്തി ഒറിയോണ്‍ പേടകം ചന്ദ്രനിലേക്കുള്ള യാത്ര ആരംഭിച്ചത്. ഏപ്രില്‍ 6 ന് രാത്രി 11.32ന് പേടകത്തിലെ സഞ്ചാരികള്‍ ഭൂമിയില്‍ നിന്ന് ഏറ്റവും കൂടുതല്‍ ദൂരം സഞ്ചരിച്ച മനുഷ്യരെന്ന റെക്കോര്‍ഡ് നേടി.

1970 ലെ അപ്പോളോ 13 ദൗത്യത്തിന്റെ റെക്കോര്‍ഡാണ് ഇവർ മറികടന്നത്. ഏപ്രില്‍ ഏഴിന് പുലര്‍ച്ചെ പന്ത്രണ്ടേകാലോടെ ആരംഭിച്ച ലൂണാര്‍ ഫ്‌ളൈബൈ (ചന്ദ്രൻ്റെ ഭ്രമണപഥത്തിൽ പേടകം സഞ്ചരിക്കുന്നത്) ഏഴു മണിക്കൂറോളം നീണ്ടു. പുലര്‍ച്ചെ 4.14ന് പ്രതീക്ഷിക്കപ്പെട്ടതു പോലെ 40 മിനുട്ട് സമയം പേടകവും ഭൂമിയുമായുള്ള സിഗ്‌നല്‍ ബന്ധം തടസ്സപ്പെട്ടു.

പേടകം ചന്ദ്രനെ വലയംവയ്ക്കാന്‍ ആരംഭിച്ചപ്പോള്‍ മറുപകുതിയിലെത്തിയപ്പോഴായിരുന്നു സിഗ്‌നല്‍ തടസ്സം. ഈ സമയം പേടകത്തിൽ നിന്ന് വരുന്ന സിഗ്നലുകൾ ചന്ദ്രൻ്റെ മറവുള്ളതിനാൽ ഭൂമിയിലേക്ക് എത്താത്ത അവസ്ഥ വന്നു.

പുലര്‍ച്ചെ 4.32ന് ചന്ദ്രോപരിതലത്തില്‍ നിന്നും പേടകം ഏറ്റവും അടുത്തുനില്‍ക്കുന്ന, 6,545 കിലോമീറ്ററിലേക്ക് പേടകമെത്തി. പുലര്‍ച്ചെ 53 മിനിറ്റ് സമയം നീണ്ടു നിന്ന സൂര്യഗ്രഹണത്തിനും പേടകത്തിലെ സഞ്ചാരികള്‍ സാക്ഷിയായി.

ചന്ദ്രനിലെ ഏറ്റവും വലിയ ഗര്‍ത്തമായ ഓറിയന്റലെ ബേസ് അഥവാ ഗ്രാന്‍ഡ് കനെയ്ന്‍ ഇതാദ്യമായി സഞ്ചാരികള്‍ നേത്രങ്ങള്‍ കൊണ്ട് കണ്ടതും യാത്രയിലെ അപൂര്‍വ അനുഭവമായി. അന്താരാഷ്ട്ര ബഹിരാകാശ നിലയത്തിലുള്ളവരുമായും യാത്രയില്‍ സഞ്ചാരികള്‍ സംസാരിച്ചു. അപൂര്‍വമായ നിരവധി ചിത്രങ്ങളാണ് യാത്രയില്‍ സഞ്ചാരികള്‍ പകര്‍ത്തിയത്.

NASA’s Artemis II : Live NASA’s Artemis II Crew Flies Around the Moon: ആര്‍ട്ടെമിസ് ചന്ദ്രമണ്ഡലത്തില്‍, ലൈവ് ദൃശ്യങ്ങള്‍ കാണാം
അപ്പോളോ 13 ദൗത്യത്തിന് 56 വര്‍ഷത്തിനു ശേഷം ചന്ദ്രനിലേക്കുള്ള മനുഷ്യ ദൗത്യമായ ആര്‍ട്ടെമിസ് 2 ഇന്ന് ചന്ദ്രന്റെ ഭ്രമണപഥത്തില്‍ എത്തി.
https://metbeatnews.com/nasas-artemis-ii-lunar-flyby-breaking-apollo-13s-distance-record

ദൗത്യത്തില്‍ ചന്ദ്രന്റെ ഭ്രമണപഥത്തിലെത്തുന്ന ആദ്യത്തെ വനിതയായി ക്രിസ്റ്റീന കോച്ചും ആദ്യത്തെ കറുത്തവര്‍ഗ്ഗക്കാരനായി വിക്ടര്‍ ഗ്ലോവറും ആദ്യത്തെ അമേരിക്കക്കാരനല്ലാത്ത വ്യക്തിയായി കനേഡിയനായ ജെറമി ഹാന്‍സനും മാറി.

ഭാവിയില്‍ മനുഷ്യനെ ചന്ദ്രോപരിതലത്തില്‍ ഇറക്കുന്ന ആര്‍ട്ടെമിസ് 4 ദൗത്യത്തിന് മുന്നോടിയായി ഒറയോണ്‍ പേടകത്തിലെ ലൈഫ് സപ്പോര്‍ട്ട് സിസ്റ്റങ്ങള്‍, ആശയവിനിമയ സംവിധാനങ്ങള്‍ എന്നിവ പൂര്‍ണ്ണമായി പരീക്ഷിക്കാനും ആര്‍ട്ടെമിസ് ടു ദൗത്യത്തിനായി.

യാത്രയില്‍ നാല് പേര്‍ക്കും കൂട്ടായി ഒരു അഞ്ചാമനും ഉണ്ടായിരുന്നു. റൈസ് എന്ന ചെറു പാവ. അതിനകത്ത് നേരത്തെ രജിസ്റ്റര്‍ ചെയ്ത 56 ലക്ഷം മനുഷ്യരുടെ പേരടങ്ങിയ മെമ്മറി കാര്‍ഡും.

English Summary: Artemis II returns LIVE: Artemis II crew now awake and preparing for record-breaking return to Earth.