ആർട്ടെമിസ്–2 ദൗത്യ സംഘം ഭൂമിയുടെ മനോഹര ദൃശ്യം പകർത്തി; ചിത്രം പുറത്തുവിട്ട് നാസ

അന്തരീക്ഷത്തിൽ നിന്നുള്ള ഭൂമിയുടെ അതിസുന്ദരമായ ദൃശ്യം NASA പുറത്തുവിട്ടു. Artemis II ദൗത്യസംഘം പകർത്തിയ ഈ ചിത്രം സോഷ്യൽ മീഡിയയിൽ വലിയ ശ്രദ്ധ നേടി.

നീല നിറത്തിലുള്ള സമുദ്രങ്ങളും വെളുത്ത മേഘക്കൂട്ടങ്ങളും ചേർന്ന ഭൂമിയുടെ സൗന്ദര്യം ചിത്രത്തിൽ വ്യക്തമായി കാണാം. മനുഷ്യരെ വീണ്ടും ചന്ദ്രനിലേക്കെത്തിക്കാനുള്ള നാസയുടെ ആർട്ടെമിസ് പദ്ധതിയുടെ ഭാഗമായി ഈ ദൗത്യം ഏറെ പ്രാധാന്യമുള്ളതാണ്.

അന്തരീക്ഷത്തിൽ നിന്ന് ഭൂമിയെ കാണുന്ന ഈ ദൃശ്യങ്ങൾ മനുഷ്യരുടെ കൗതുകവും ആകർഷണവും വർധിപ്പിക്കുന്നതോടൊപ്പം ഭൗമത്തിന്റെ നിസ്സാരതയും ഓർമ്മിപ്പിക്കുന്നതാണ്.1972-ൽ നടന്ന അപ്പോളോ-17 ദൗത്യത്തിന് ശേഷം ആദ്യമായാണ് മനുഷ്യർ വീണ്ടും ചന്ദ്രനിലേക്കുള്ള യാത്ര ആരംഭിക്കുന്നത്.

ഏകദേശം 10 ദിവസത്തെ ദൗത്യത്തിൽ സംഘം ചന്ദ്രനെ ചുറ്റി ഭൂമിയിലേക്ക് മടങ്ങിവരും. മനുഷ്യർ ഇതുവരെ സഞ്ചരിച്ചിട്ടില്ലാത്ത അത്രയും ദൂരത്തിൽ ഒറയോൺ പേടകം എത്തുമെന്ന് നാസ അറിയിച്ചു.

മിഷൻ കമാൻഡറായി റീഡ് വൈസ്മാൻ(Reed Wiseman), പൈലറ്റായി വിക്ടർ ഗ്ലോവർ(Victor Glover
), മിഷൻ സ്പെഷ്യലിസ്റ്റുകളായി ക്രിസ്റ്റീന കോച്ച്(Christina Koch,), ജെറമി ഹാൻസൻ(Jeremy Hansen) എന്നിവരാണ് സംഘത്തിലുള്ളത്. ചാന്ദ്ര ദൗത്യത്തിൽ പങ്കെടുക്കുന്ന ആദ്യ വനിതയാണ് ക്രിസ്റ്റീന കോച്ച്. വിക്ടർ ഗ്ലോവർ ആദ്യ കറുത്ത വർഗക്കാരനും, ജെറമി ഹാൻസൻ ആദ്യ അമേരിക്കയ്ക്ക് പുറത്തുള്ള ബഹിരാകാശ യാത്രികനുമാണ്.

English Summary : NASA has released a mesmerizing image of Earth captured by the Artemis II crew, showcasing our planet’s vibrant blue oceans and swirling white clouds from deep space. This historic visual, which has quickly gone viral on social media, serves as a powerful reminder of Earth's beauty and fragility as humanity prepares to venture back toward the Moon.