തുലാവർഷവും ചക്രവാതച്ചുഴിയും; കേരളത്തിൽ അഞ്ച് ദിവസം കൂടി മഴ തുടരും; എല്ലാ ജില്ലകളിലും ഇന്ന് യെല്ലോ അലർട്ട്

കേരളത്തിൽ അടുത്ത അഞ്ച് ദിവസവും മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. സംസ്ഥാനത്തെ വിവിധ ജില്ലകളിൽ മഞ്ഞ അലർട്ട് (Yellow Alert) പ്രഖ്യാപിച്ചു. ഇന്ന് സംസ്ഥാനത്തെ 14 ജില്ലകളിലും യെല്ലോ അലർട്ടാണ്.

ഒക്ടോബർ 17ന് കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം ജില്ലകളിലാണ് മഞ്ഞ അലർട്ട്. ഒക്ടോബർ 18ന് മലപ്പുറം, കോഴിക്കോട്, വയനാട് ജില്ലകളിലും മുന്നറിയിപ്പുണ്ട്.

ഒക്ടോബർ 19ന് പത്തനംതിട്ട, ഇടുക്കി, കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചു. ഒക്ടോബർ 20ന് പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം ജില്ലകളിലും മഞ്ഞ അലർട്ടുണ്ട്.

Weather Keralam 16/10/26 : അറബിക്കടലിൽ ചക്രവാത ചുഴി, ന്യൂനമർദ്ദ പാത്തി , ഇന്നും മഴ തുടരും
Kerala Weather Update (October 16, 2026): Cyclonic Circulation & Trough Bring Continuous Rain
https://metbeatnews.com/kerala-weather-update-october-16-2026-cyclonic-circulation-trough-bring-continuo

ഈ ദിവസങ്ങളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. മഴ മുന്നറിയിപ്പുള്ള സാഹചര്യത്തിൽ പൊതുജനങ്ങൾ ജാഗ്രത പാലിക്കണം.

അതേസമയം തുലാവർഷത്തിന്റെയും ചക്രവാത ചുഴിയുടെയും സ്വാധീന മൂലം കേരളത്തിൽ ഇന്ന് വിവിധ ജില്ലകളിൽ മഴ ലഭിക്കും. കണ്ണൂർ, കാസർകോട് , തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം, പാലക്കാട്, കോഴിക്കോട്, വയനാട് ജില്ലകളിലാണ് കൂടുതൽ മഴ സാധ്യത. മലപ്പുറം ജില്ലയിലും തൃശൂർ ജില്ലയിലും മഴ കുറയും.

ചക്രവാത ചുഴിയും ന്യൂനമർദ്ദ പാത്തിയും

തെക്ക് കിഴക്കൻ അറബിക്കടലിൽ ലക്ഷദ്വീപിനോട് ചേർന്ന് സമുദ്രനിരപ്പിൽ നിന്ന് 900 മീറ്റർ ഉയരത്തിൽ ഒരു ചക്രവാത ചുഴി രൂപപ്പെട്ടിട്ടുണ്ട്. ഈ ചക്രവാത ചുഴിയിൽ നിന്ന് ഒരു ന്യൂനമർദ്ദ പാത്തിയും രൂപപ്പെട്ടിട്ടുണ്ട്. ഇതാണ് കേരളത്തിൽ ഇടിയോട് കൂടെ മഴയ്ക്ക് പകരം, നൂൽമഴയ്ക്കും , ഇടിയില്ലാതെ ഉള്ള മഴയ്ക്കും കാരണം. കിഴക്കൻ മേഖലയിൽ ഇടിയോടുകൂടിയുള്ള ശക്തമായ മഴയും തുലാവർഷത്തിന്റെ ഭാഗമായി ലഭിക്കും.

മഴയും മിന്നലും തൽസമയം ട്രാക്ക് ചെയ്യാം. നിങ്ങളുടെ പ്രദേശത്തെ മേഘങ്ങൾ സൂം ചെയ്തു കാണാം. താഴെക്കൊടുത്ത ലിങ്കിൽ ക്ലിക്ക് ചെയ്യുക. ഈ ലിങ്ക് സ്ഥിരമായി ഉപയോഗിക്കാം.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=9.9397

English Summary : The Indian Meteorological Department (IMD) has forecasted continuous rainfall across Kerala for the next five days, driven by the onset of the Northeast Monsoon (Thulavarsham) and a newly formed cyclonic circulation over the southeast Arabian Sea. A Yellow Alert has been issued across multiple districts, bringing steady drizzle and localized heavy showers rather than severe thunderstorms.