ദില്ലിയിൽ വായുമലിനീകരണം അതീവ ഗുരുതരം; നിയന്ത്രണങ്ങൾ കടുപ്പിച്ച് അധികൃതർ

ദില്ലിയിലും പരിസര പ്രദേശങ്ങളിലും വായുമലിനീകരണം വീണ്ടും അതീവ ഗുരുതരമായ നിലയിലേക്ക് എത്തിയിരിക്കുകയാണ്. നഗരത്തിലെ വിവിധ പ്രദേശങ്ങളിൽ വായു ഗുണനിലവാര സൂചിക (എക്യുഐ) 400ന് മുകളിൽ തുടരുകയാണ്. സ്ഥിതിഗതികൾ രൂക്ഷമായതോടെ മലിനീകരണം നിയന്ത്രിക്കാൻ അധികൃതർ കൂടുതൽ കടുത്ത നടപടികൾ പ്രഖ്യാപിച്ചു.

#WATCH | Delhi: Air Quality Index (AQI) in the area around Lodhi Road is 251, categorised as 'Poor', as per the CPCB (Central Pollution Control Board).

(Visuals shot at 07:25 am) pic.twitter.com/DfxEao9ESf
— ANI (@ANI) November 7, 2026

ദീപാവലി ആഘോഷങ്ങൾക്കിടെയാണ് ദില്ലിയിൽ വായുമലിനീകരണം അപകടകരമായ നിലയിലെത്തിയത്. കഴിഞ്ഞ അഞ്ച് ദിവസമായി ദില്ലിയിലെയും സമീപ പ്രദേശങ്ങളിലെയും 22ലധികം മലിനീകരണ നിരീക്ഷണ കേന്ദ്രങ്ങളിൽ എക്യുഐ 400ന് മുകളിൽ രേഖപ്പെടുത്തി. ഐഐടി ദില്ലി, പഞ്ചാബി ബാഗ്, വിവേക് വിഹാർ, ജഹാംഗീർപുരി, രോഹിണി, മുണ്ട്ക തുടങ്ങിയ മേഖലകളിലാണ് മലിനീകരണം ഏറ്റവും രൂക്ഷം.

Delhi Air Pollution : ഡൽഹിയിലെ വായുമലിനീകരണം; വാഹനപ്പുകയും ഗതാഗതക്കുരുക്കും പ്രധാന കാരണമെന്ന് സുപ്രീംകോടതി
ഡൽഹിയിലെ രൂക്ഷമായ വായുമലിനീകരണത്തിൽ ആശങ്കയറിയിച്ച് സുപ്രീംകോടതി.
https://metbeatnews.com/supreme-court-highlights-vehicular-emissions-and-traffic-congestion-as-primary-c

കാലാവസ്ഥാ വ്യതിയാനം, കാറ്റിന്റെ വേഗത കുറയുന്നത്, കൃഷിയിടങ്ങളിലെ വൈക്കോൽ കത്തിക്കൽ എന്നിവയാണ് സ്ഥിതി വഷളാക്കുന്നതെന്ന് കേന്ദ്ര മലിനീകരണ നിയന്ത്രണ ബോർഡ് വ്യക്തമാക്കി. കോടതി ഉത്തരവുകൾ അവഗണിച്ച് ദീപാവലി ആഘോഷങ്ങളുടെ ഭാഗമായി പടക്കം പൊട്ടിക്കുന്നതും മലിനീകരണം വർധിപ്പിച്ചിട്ടുണ്ട്.

വാഹനങ്ങൾക്ക് നിയന്ത്രണം

സാഹചര്യം കണക്കിലെടുത്ത് ഗ്രേഡഡ് റെസ്പോൺസ് ആക്ഷൻ പ്ലാനിന്റെ മൂന്നാം ഘട്ട നിയന്ത്രണങ്ങൾ അധികൃതർ നടപ്പാക്കി. പൊടിപടലങ്ങൾ ഉയരാൻ സാധ്യതയുള്ള നിർമ്മാണ, പൊളിക്കൽ പ്രവർത്തനങ്ങൾക്ക് നിരോധനം ഏർപ്പെടുത്തി. ബിഎസ്-3 പെട്രോൾ, ബിഎസ്-4 ഡീസൽ വാഹനങ്ങൾക്കും ദില്ലിയിലും സമീപ ജില്ലകളിലും നിയന്ത്രണമുണ്ട്.

ആരോഗ്യ സുരക്ഷ മുൻനിർത്തി അഞ്ചാം ക്ലാസ് വരെയുള്ള വിദ്യാർത്ഥികൾക്ക് ഹൈബ്രിഡ് രീതിയിൽ പഠനം നടത്താനും നിർദേശം നൽകി. പൊതു-സ്വകാര്യ ഓഫീസുകളിൽ 50 ശതമാനം ജീവനക്കാർക്ക് വർക്ക് ഫ്രം ഹോം അനുവദിക്കുന്ന കാര്യം പരിഗണിക്കാനും പ്രാദേശിക സർക്കാരുകളോട് ആവശ്യപ്പെട്ടിട്ടുണ്ട്.

മാസ്ക് നിർബന്ധം

മുതിർന്നവരും ശ്വാസകോശ സംബന്ധമായ അസുഖങ്ങളുള്ളവരും പുറത്തിറങ്ങുമ്പോൾ മാസ്ക് ധരിക്കണമെന്നും പ്രഭാത നടത്തം പരമാവധി ഒഴിവാക്കണമെന്നും ആരോഗ്യ വിദഗ്ധർ നിർദേശിച്ചു. അതേസമയം, ദീപാവലി ആഘോഷങ്ങളുടെ ഭാഗമായി ഇന്നും നാളെയും രണ്ട് മണിക്കൂർ നേരത്തേക്ക് പടക്കം പൊട്ടിക്കാൻ അനുമതി നൽകിയിട്ടുണ്ട്.

English Summary : Delhi and surrounding NCR regions have hit "severe" pollution levels, with the Air Quality Index (AQI) crossing the dangerous 400 mark across more than 22 monitoring stations, including IIT Delhi, Rohini, Mundka, and Jahangirpuri.