കാലാവസ്ഥാ അധിഷ്ഠിത വിള ഇൻഷുറൻസ്; അപേക്ഷാ തീയതി നവംബർ 15 വരെ നീട്ടി

കാലാവസ്ഥാ അധിഷ്ഠിത വിള ഇൻഷുറൻസ് പദ്ധതിയായ റാബി 1 (RABI 1 – 2026) ൽ അംഗമാകുന്നതിനുള്ള അപേക്ഷാ തീയതി നവംബർ 15 വരെ നീട്ടി. കേരള കൃഷി വകുപ്പാണ് ഇക്കാര്യം അറിയിച്ചത്. നെല്ല്, വിവിധയിനം പച്ചക്കറികൾ തുടങ്ങിയ വിളകൾക്കാണ് പദ്ധതിയിൽ ഇൻഷുറൻസ് പരിരക്ഷ ലഭിക്കുക.

പടവലം, പാവൽ, വള്ളിപ്പയർ, കുമ്പളം, മത്തൻ, വെള്ളരി, വെണ്ട, മുളക് തുടങ്ങിയ പച്ചക്കറികൾക്ക് ഹെക്ടറിന് 40,000 രൂപയാണ് ഇൻഷുറൻസ് പരിരക്ഷ. സെന്റിന് എട്ട് രൂപയും ഏക്കറിന് 800 രൂപയും ഹെക്ടറിന് 2,000 രൂപയുമാണ് പ്രീമിയം.

നെൽകൃഷിക്ക് ഹെക്ടറിന് 80,000 രൂപയുടെ ഇൻഷുറൻസ് പരിരക്ഷ ലഭിക്കും. സെന്റിന് 4.80 രൂപ, ഏക്കറിന് 480 രൂപ, ഹെക്ടറിന് 1,200 രൂപ എന്നിങ്ങനെയാണ് പ്രീമിയം നിരക്ക്.

പദ്ധതിയിൽ ചേരാൻ താൽപര്യമുള്ള കർഷകർ നവംബർ 15നകം അപേക്ഷ സമർപ്പിക്കണം. കൂടുതൽ വിവരങ്ങൾക്കും സംശയനിവാരണത്തിനുമായി അടുത്തുള്ള കൃഷിഭവനുമായോ അഗ്രികൾച്ചർ ഇൻഷുറൻസ് കമ്പനിയുമായോ ബന്ധപ്പെടാം.
ടോൾ ഫ്രീ നമ്പർ: 14447. കേരള റീജിയണൽ ഓഫീസ് ഫോൺ: 0471 2334493.

English Summary : The Kerala Department of Agriculture has extended the deadline to apply for the Rabi 1 Weather-Based Crop Insurance Scheme (WBCIS) to November 15. The scheme provides financial coverage for paddy and various vegetable crops against weather-related risks.