അതിതീവ്ര ചുഴലിക്കാറ്റായി ഓർണബ്; ആന്ധ്ര തീരത്ത് നാളെ കരതൊടും, കേരളത്തിലും മഴ

ബംഗാൾ ഉൾക്കടലിൽ രൂപപ്പെട്ട ഓർണബ് ചുഴലിക്കാറ്റ് അതിതീവ്ര ചുഴലിക്കാറ്റായി ശക്തി പ്രാപിച്ചു. ആന്ധ്രാപ്രദേശ്–യാനം തീരത്ത് നാളെ (ഒക്ടോബർ 28) ഉച്ചയ്ക്കു മുമ്പ് ചുഴലിക്കാറ്റ് കരതൊടുമെന്നാണ് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മണിക്കൂറിൽ 125 മുതൽ 135 കിലോമീറ്റർ വരെയും പരമാവധി 150 കിലോമീറ്റർ വരെയും വേഗത്തിൽ കാറ്റ് വീശാൻ സാധ്യതയുണ്ട്.

പടിഞ്ഞാറൻ-മധ്യ ബംഗാൾ ഉൾക്കടലിൽ സ്ഥിതി ചെയ്തിരുന്ന ചുഴലിക്കാറ്റ് മണിക്കൂറിൽ 18 കിലോമീറ്റർ വേഗത്തിൽ പടിഞ്ഞാറ്-വടക്കുപടിഞ്ഞാറ് ദിശയിലേക്ക് നീങ്ങി. ആന്ധ്രാപ്രദേശിലെ കാക്കിനാഡയിൽനിന്ന് 140 കിലോമീറ്റർ തെക്കുകിഴക്കായും വിശാഖപട്ടണത്തുനിന്ന് 170 കിലോമീറ്റർ തെക്കായും മച്ചിലിപട്ടണത്തുനിന്ന് 230 കിലോമീറ്റർ കിഴക്കായുമാണ് ചുഴലിക്കാറ്റിന്റെ സ്ഥാനം.

Cyclonic Storm ‘Arnab’ : അതിതീവ്ര ചുഴലിക്കാറ്റായി ‘അർണബ്’; കേരളത്തിൽ മഴയ്ക്ക് സാധ്യത, ചില സംസ്ഥാനങ്ങളിൽ അതിതീവ്ര മഴ
ബംഗാൾ ഉൾക്കടലിൽ രൂപംകൊണ്ട ‘അർണബ്’ അതിതീവ്ര ചുഴലിക്കാറ്റായി ശക്തി പ്രാപിച്ച് ആന്ധ്രാപ്രദേശ് തീരത്തേക്ക് നീങ്ങുന്നു.
https://metbeatnews.com/landfall-expected-near-andhra-pradesh-heavy-rain-warning-issued-for-multiple-sta

ആന്ധ്രയിൽ അതിതീവ്ര മഴയ്ക്കും ശക്തമായ കാറ്റിനും സാധ്യത

ഒക്ടോബർ 27, 28 തീയതികളിൽ തീരദേശ ആന്ധ്രാപ്രദേശിലും യാനത്തിലും ഇടിമിന്നലോടുകൂടിയ മഴയ്ക്കും മണിക്കൂറിൽ 80–90 കിലോമീറ്റർ വേഗത്തിൽ കാറ്റിനും സാധ്യതയുണ്ട്. ഒക്ടോബർ 27, 28 തീയതികളിൽ ഒറ്റപ്പെട്ട സ്ഥലങ്ങളിൽ അതിതീവ്ര മഴയും ലഭിച്ചേക്കും. ഒക്ടോബർ 29-നും നവംബർ 2-നും ഒറ്റപ്പെട്ട കനത്ത മഴയ്ക്കും സാധ്യതയുണ്ട്.

തെലങ്കാനയിൽ ഒക്ടോബർ 28-ന് അതിശക്തമായ മഴയ്ക്കും മണിക്കൂറിൽ 50–60 കിലോമീറ്റർ വേഗത്തിൽ വീശിയടിച്ച് 70 കിലോമീറ്റർ വരെ വേഗത്തിലുള്ള കാറ്റിനും സാധ്യതയുണ്ട്. ഒഡിഷയിലും ഒക്ടോബർ 27 മുതൽ 30 വരെ വ്യാപകമായ മഴ പ്രതീക്ഷിക്കുന്നു.

കേരളത്തിലും മഴ മുന്നറിയിപ്പ്

ഓർണബിന്റെ സ്വാധീനത്തിൽ കേരളത്തിലും മഴ തുടരുമെന്നാണ് കാലാവസ്ഥാ വകുപ്പിന്റെ പ്രവചനം. ഒക്ടോബർ 27-ന് കേരളത്തിലും മാഹിയിലും ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്. ഒക്ടോബർ 27, 28 തീയതികളിൽ മണിക്കൂറിൽ 30–40 കിലോമീറ്റർ വേഗത്തിൽ വീശുന്ന കാറ്റ് 50 കിലോമീറ്റർ വരെ വേഗമാർജിച്ചേക്കാം.

നവംബർ 2-ന് കേരളത്തിൽ വ്യാപകമായ മഴയ്ക്കും സാധ്യതയുണ്ട്. തമിഴ്‌നാട്, പുതുച്ചേരി, കാരയ്ക്കൽ എന്നിവിടങ്ങളിലും ഒക്ടോബർ 27-ന് കാറ്റോടുകൂടിയ മഴ പ്രതീക്ഷിക്കുന്നു.

കിഴക്കൻ ഇന്ത്യയിലും മഴ ശക്തമാകും

ആൻഡമാൻ-നിക്കോബാർ ദ്വീപുകളിൽ ഒക്ടോബർ 27 മുതൽ 31 വരെ വ്യാപകമായ മഴയ്ക്ക് സാധ്യതയുണ്ട്. ഗംഗാതീര പശ്ചിമ ബംഗാളിൽ ഒക്ടോബർ 28, 29 തീയതികളിലും ജാർഖണ്ഡിൽ ഒക്ടോബർ 28 മുതൽ 30 വരെയും ബിഹാറിൽ ഒക്ടോബർ 29 മുതൽ 31 വരെയും വ്യാപകമായ മഴ ലഭിച്ചേക്കും.

ചുഴലിക്കാറ്റിന്റെ സ്വാധീനത്തിൽ തീരദേശ ആന്ധ്രാപ്രദേശിലും യാനത്തിലും ശക്തമായ കാറ്റും അതിതീവ്ര മഴയും പ്രതീക്ഷിക്കുന്നതിനാൽ തീരദേശ മേഖലകളിൽ ജാഗ്രത പാലിക്കണം.

English Summary : The cyclone formed over the Bay of Bengal has intensified into a severe cyclonic storm, moving west-northwest at a speed of 18 km/h.