ഡൽഹിയിൽ വായു മലിനീകരണം രൂക്ഷം, ദീപാവലി പടക്കങ്ങൾക്ക് നിയന്ത്രണമുണ്ടാകുമോ ?

ഡൽഹിയിൽ വായുമലിനീകരണം വീണ്ടും രൂക്ഷമായി തുടരുന്നു. പലയിടത്തും വായു ഗുണനിലവാര സൂചിക ഗുരുതര വിഭാഗത്തിലേക്ക് കടന്നിരിക്കുകയാണ്. സാധാരണ ദീപാവലിക്ക് ശേഷമാണ് വായുമലിനീകരണതോത് ഉയരാറുള്ളത്. എന്നാൽ ഇത്തവണ നേരത്തെ തന്നെ വായുമലിനീകരണതോത് ഉയർന്നിരിക്കുകയാണ്.

ദീപാവലി സമയത്ത് പടക്കങ്ങൾ പൊട്ടിച്ചു കഴിഞ്ഞാൽ വായുമലിനീകരണം കൂടുതൽ രൂക്ഷമാകാറുണ്ട്. എന്നാൽ ഇത്തവണ നേരത്തെ വായുമലിനീകരണ തോത് ഉയർന്നത് വലിയ ആശങ്കയ്ക്കാണ് വഴിവച്ചത്. പലയിടത്തും വായുനിലവാര സൂചിക 300 ന് മുകളിൽ രേഖപ്പെടുത്തി. അതേസമയം ജഹാംഗീർ പൂരി ഉൾപ്പെടെയുള്ള ചില പ്രദേശങ്ങളിൽ 400ന് മുകളിൽ ആണ് വായുഗുണനിലവാര സൂചിക രേഖപ്പെടുത്തിയിരിക്കുന്നത്.

Delhi Air Pollution Action: വായു മലിനീകരണം; വാഹന നിയന്ത്രണം ശക്തമാക്കി ഡൽഹി; ആദ്യദിനം 68.4 ലക്ഷം രൂപ പിഴ
ഡൽഹിയിൽ വായുമലിനീകരണം നിയന്ത്രിക്കുന്നതിന്റെ ഭാഗമായി ശക്തമായ പരിശോധനയിലാണ് പോലീസ്.
https://metbeatnews.com/delhi-strengthens-vehicle-restrictions-amid-rising-air-pollution

ഇത് ഗുരുതര വിഭാഗത്തിലാണ് ഉൾപ്പെടുത്തിയത്. ഡൽഹിയിലെ പലയിടത്തും മൂടികെട്ടിയ പുകമഞ്ഞിൻ്റെ അവസ്ഥയാണുള്ളത്. ഇത് ദൃശ്യപരിതിയെ ഏറെ ബാധിക്കും. അതേസമയം ശ്വാസം മുട്ടൽ, അലർജി, മൂക്കെരിച്ചിൽ പോലുള്ള ആരോഗ്യ പ്രശ്നങ്ങൾ ഡൽഹിയിലെ ജനത നേരിടുകയാണ്. ദിനം പ്രതി രോഗികളുടെ എണ്ണം വർദ്ധിച്ചു വരികയാണ്..

ദീപാവലി ആലോഷിക്കാം

വായുമലിനീകരണം നിലനിൽക്കുമ്പോഴും ദീപാവലി പടക്കങ്ങൾ പൊട്ടിച്ച് ആലോഷിക്കാൻ തടസ്സമില്ലെന്നു തന്നെയാണ് ഇതുവരെ പുറത്തു വരുന്ന റിപ്പോർട്ടുകൾ. അതേസമയം മലിനീകരണവുമായുള്ള നിയന്ത്രങ്ങൾ ഏർപ്പെടുത്തിയിട്ടുണ്ട്. വരും ദിവസങ്ങളിലും വായുമലിനീകരണ തോത് ഉയരാൻ സാധ്യതയുണ്ട്. അതിനുവേണ്ട നിയന്ത്രങ്ങളും നടപടികളും ഡൽഹി സർക്കാർ സ്വീകരിച്ചിട്ടുണ്ട്.

English Summary : Delhi’s air quality index (AQI) has rapidly deteriorated ahead of Diwali, crossing 300 in multiple regions and breaching the "severe" 400 mark in hotspots like Jahangirpuri.