ബംഗ്ലാദേശിൽ വരാൻ പോകുന്നത് ശക്തമായ ഭൂകമ്പം, രക്ഷാനടപടികൾക്ക് നിർദ്ദേശം നൽകി വിദഗ്‌ദർ

ബംഗ്ലാദേശിൽ കൂടുതൽ ശക്തമായ ഭൂകമ്പ സാധ്യതാ മുന്നറിയിപ്പ്. അടിയന്തര മുൻകൂർ രക്ഷാ നടപടികൾക്ക് നിർദ്ദേശം നൽകിയിരിക്കുകയാണ് അധികൃതർ. വെള്ളിയാഴ്ച രാവിലെ 5.7 തീവ്രത രേഖപ്പെടുത്തിയ ഭൂകമ്പത്തിൽ കുറഞ്ഞത് 10 പേർ മരിക്കുകയും കെട്ടിടങ്ങൾക്ക് നാശനഷ്ട്ടമുണ്ടാവുകയും ചെയ്തിട്ടുണ്ട്. തലസ്ഥാനമായ ധാക്ക ഉൾപ്പെടെ ബംഗ്ലാദേശിന്റെ മധ്യഭാഗങ്ങളിലാണ് കൂടുതൽ നാശനഷ്ടങ്ങൾ ഉണ്ടായത്. ഇതിന് പിന്നാലെ ശനിയാഴ്ച നേരിയ മൂന്ന് ഭൂകമ്പങ്ങളും ജനങ്ങളെ പരിഭ്രാന്തരാക്കി.

അതേസമയം ഇന്തോ-ബർമ സബ്ഡക്ഷൻ സോണിൽ വൻതോതിലുള്ള ഭൂകമ്പം സൃഷ്ടിക്കാൻ കഴിവുള്ള സ്ട്രെയിൻ നിലനിൽക്കുന്നതായി ഭൂകമ്പ ശാസ്ത്രജ്ഞൻ സയ്യിദ് ഹുമയൂൺ അക്തർ മുന്നറിയിപ്പ് നൽകി.

ഏറ്റവും ഭൂകമ്പ സാധ്യതയുള്ള നഗരം

ലോകത്തിലെ ഏറ്റവും കൂടുതൽ ഭൂകമ്പ സാധ്യതയുള്ള 20 നഗരങ്ങളിൽ ഒന്നായിട്ടാണ് ധാക്കയെ കണക്കാക്കപ്പെടുന്നത്. 1869 നും 1930 നും ഇടയിൽ അഞ്ച് പ്രധാന ഭൂകമ്പങ്ങൾ റിക്ടർ സ്കെയിലിൽ 7.0 ന് മുകളിൽ രേഖപ്പെടുത്തിയിട്ടുണ്ട്.

നേരത്തെ ഭൂകമ്പസാധ്യത മുന്നറിയിപ്പ് നൽകി വിദഗ്ദർ

പ്രധാന ടെക്റ്റോണിക് പ്ലേറ്റുകളുടെ കൂട്ടിയിടി മേഖലയിൽ സ്ഥിതി ചെയ്യുന്ന നഗരമാണ് ധാക്ക. ഒരു വലിയ ഭൂകമ്പം ഉണ്ടാകുമെന്ന് വിദഗ്ധർ വളരെക്കാലമായി മുന്നറിയിപ്പ് നൽകുന്നുണ്ട്.

English Summary: A powerful 5.7 magnitude earthquake struck Bangladesh, causing at least 10 fatalities and significant damage, particularly in Dhaka and central regions.