അഞ്ച് ദിവസം മഴ തുടരും; ഉച്ചയ്ക്ക് ശേഷം ഇടിമിന്നലും കാറ്റും, ജാഗ്രത

സംസ്ഥാനത്ത് അടുത്ത അഞ്ച് ദിവസവും മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഉച്ചയ്ക്ക് ശേഷവും വൈകുന്നേരവും രാത്രിയിലുമായി ഇടിമിന്നലോട് കൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. മലയോര മേഖലകളിൽ പ്രത്യേക ജാഗ്രത വേണം. ഇന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് മഞ്ഞ അലർട്ട് പ്രഖ്യാപിച്ചിരിക്കുന്നത്.

ഒക്ടോബർ 6ന് ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും ഒക്ടോബർ 9ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും മഞ്ഞ അലർട്ട് പ്രഖ്യാപിച്ചിട്ടുണ്ട്.

Lightning Blast : ഇടിമിന്നലേറ്റ് വീടിൻ്റെ ഭിത്തി പൊട്ടിത്തെറിച്ചു; വയോധിക ദമ്പതികൾ രക്ഷപ്പെട്ടത് തലനാരിഴയ്ക്ക്
കൊല്ലം അഞ്ചലിൽ ഇടിമിന്നലേറ്റ് വീടിൻ്റെ ഭിത്തി തകർന്ന് വൻ നാശനഷ്ടം.
https://metbeatnews.com/lightning-strike-shatters-kerala-homes-walls-and-destroys-appliances

ഒറ്റപ്പെട്ടയിടങ്ങളിൽ ശക്തമായ മഴയ്ക്കാണ് സാധ്യത. ഒക്ടോബർ 5, 6 തീയതികളിൽ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. ഒക്ടോബർ 7, 8 തീയതികളിലും ഇടിമിന്നലോട് കൂടിയ മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നൽകിയിട്ടുണ്ട്.

അതിനാൽ മലയോര മേഖലകളിലുള്ളവർ ജാഗ്രത പാലിക്കണമെന്നും ഇടിമിന്നൽ സമയത്ത് തുറസ്സായ സ്ഥലങ്ങളിലും മരങ്ങളുടെ ചുവട്ടിലും നിൽക്കുന്നത് ഒഴിവാക്കണമെന്നും നിർദേശമുണ്ട്.

മഴയും മിന്നലും ട്രാക്ക് ചെയ്യാൻ താഴെ കൊടുത്ത ലിങ്ക് ഉപയോഗിക്കാം. തൽസമയ മഴ വിവരങ്ങൾക്കും വാർത്തകൾക്കും ഈ വെബ്സൈറ്റ് നിരീക്ഷിക്കുക.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=9.9406

English Summary : The India Meteorological Department (IMD) has issued a yellow alert for multiple districts in Kerala as heavy rains, thunderstorms, and gusty winds are expected to continue across the state for the next five days. High-range and hilly regions require special caution due to the risk of isolated heavy downpours, particularly during afternoons, evenings, and nights.