തിരുവനന്തപുരത്ത് കള്ളക്കടൽ ജാഗ്രത; 26 വരെ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യത

കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം, കന്യാകുമാരി തീരങ്ങളിൽ കടലാക്രമണത്തിന് സാധ്യതയെന്ന് ദേശീയ സമുദ്ര വിവര വിശകലന കേന്ദ്രം (INCOIS) മുന്നറിയിപ്പ് നൽകി. കേരളത്തിൽ ഒക്ടോബർ 26 വരെ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പും അറിയിച്ചു.

തിരുവനന്തപുരം ജില്ലയിൽ കാപ്പിൽ മുതൽ പൊഴിയൂർ വരെയുള്ള തീരങ്ങളിൽ ഇന്ന് (ഒക്ടോബർ 22) ഉച്ചയ്ക്ക് 2.30 മുതൽ നാളെ (ഒക്ടോബർ 23) രാത്രി 11.30 വരെ 0.8 മുതൽ 1.2 മീറ്റർ വരെ ഉയരത്തിൽ തിരമാലകൾ ഉയരാൻ സാധ്യതയുണ്ട്. കന്യാകുമാരി തീരത്തും നാളെ രാത്രി 11.30 വരെ 0.9 മുതൽ 1.2 മീറ്റർ വരെ ഉയരത്തിൽ തിരമാലകൾ ഉയരാൻ സാധ്യതയുണ്ടെന്നാണ് മുന്നറിയിപ്പ്.

Kerala Weather : കേരളം, തെക്കൻ തമിഴ്‌നാട്, കന്യാകുമാരി പ്രദേശങ്ങൾക്കു മുകളിലായി ന്യൂനമർദം; തിങ്കളാഴ്ച വരെ മഴയും ഇടിമിന്നലും
കേരളം, തെക്കൻ തമിഴ്‌നാട്, കന്യാകുമാരി പ്രദേശങ്ങൾക്കു മുകളിലായി ന്യൂനമർദം നിലനിൽക്കുന്നു.
https://metbeatnews.com/low-pressure-system-triggers-heavy-rainfall-and-lightning-until-monday

കടലാക്രമണ സാധ്യത കണക്കിലെടുത്ത് മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണം. തീരപ്രദേശങ്ങളിൽ അപകടസാധ്യതയുള്ള ഇടങ്ങളിൽ നിന്ന് മാറിനിൽക്കണമെന്നും നിർദേശമുണ്ട്.

അതേസമയം, കേരളത്തിൽ ഇന്ന് മുതൽ ഒക്ടോബർ 26 വരെ ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്. ഇടിമിന്നൽ സമയത്ത് തുറസായ സ്ഥലങ്ങളിലും ജലാശയങ്ങളിലും നിൽക്കുന്നത് ഒഴിവാക്കണം. സുരക്ഷിതമായ കെട്ടിടത്തിനുള്ളിൽ അഭയം തേടണമെന്നും ജാഗ്രതാ നിർദേശത്തിൽ പറയുന്നു.

അറബിക്കടലിൽ ന്യൂനമർദ്ദം ശക്തി കുറഞ്ഞു, പുതിയ ന്യൂനമർദ്ദം 25 ന്, ബംഗാൾ ഉൾക്കടൽ ന്യൂനമർദ്ദം തമിഴ്നാട്ടിൽ കര കയറും, നാളെ മറ്റൊരു ന്യൂനമർദ്ദവും രൂപപ്പെടും
Arabian Sea & Bay of Bengal Weather Update: New Low-Pressure Systems and Orange Alerts Issued for Kerala
https://metbeatnews.com/new-low-pressure-systems-and-orange-alerts-issued-for-kerala

മേഘങ്ങളുടെയും മഴയുടെയും ട്രാക്കിങ്ങിന് വേണ്ടി താഴെ കൊടുത്താൽ ലിങ്ക് ഉപയോഗിക്കാം

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=9.9397

English Summary : The Indian National Centre for Ocean Information Services (INCOIS) has issued a high-alert warning for coastal erosion and sea surges (Kallakkadal phenomenon) along the coasts of Thiruvananthapuram and Kanyakumari.