നേപ്പാളിലെ മിന്നൽ പ്രളയം; വിനോദയാത്രയ്ക്ക് പോയ 35 അംഗ മലയാളി സംഘം സുരക്ഷിതർ

കാഞ്ഞങ്ങാട്ടെ ട്രാവൽ ഏജൻസി വഴി നേപ്പാളിലേക്ക് വിനോദയാത്രയ്ക്ക് പോയ 35 അംഗ സംഘം സുരക്ഷിതരെന്ന് വിവരം. നേപ്പാളിലുണ്ടായ മിന്നൽ പ്രളയത്തിനിടെ ഈ സംഘം കുടുങ്ങിയെന്ന വാർത്ത പുറത്തു വന്നിരുന്നു. ഇതിനിടയിലാണ് ഇവർ സുരക്ഷിതരാണെന്ന വിവരം ലഭിച്ചത്.

കോട്ടയം, എറണാകുളം, കാസർഗോഡ്, കണ്ണൂർ ജില്ലകളിൽ നിന്നുഉളവരാണ് 35 അംഗ സംഘത്തിലുണ്ടായിരുന്നത്. സംഘത്തിലുണ്ടായിരുന്ന പരിയാരം കടന്നപ്പള്ളി സ്‌കൂൾ അധ്യാപിക ടി .വി ദീപയുമായി ബന്ധപ്പെട്ടപ്പോഴാണ് ഇവർ സുരക്ഷിതരാണെന്ന വിവരം ലഭിച്ചത്.

ഉത്തരാഖണ്ഡിൽ മണ്ണിടിച്ചിൽ: യാത്രാതടസ്സവും പ്രളയ മുന്നറിയിപ്പും
Uttarakhand Landslide Disrupts Badrinath Highway; High Alert Issued in UP, Bihar, and Uttarakhand Over Nepal Floods
https://metbeatnews.com/uttarakhand-landslide-disrupts-badrinath-highway-high-alert-issued-in-up-bihar-a

അപകടമേഖലയിലൂടെ കടന്നുപോയി നിമിഷങ്ങൾക്കകം

പ്രളയമുണ്ടാകുന്നതിന് തൊട്ടുമുൻപാണ് സംഘത്തിൻ്റെ ട്രാവലറുകൾ അപകടം സംഭവിച്ച മേഖലയിലൂടെ കടന്നു പോയത്. ഇവിടെയുള്ള വനമേഖയിലുടെ രാത്രി ഏറെ ഭയന്നാണ് ഇവർ കടന്നു പോയത്.

ലൊക്കേഷൻ കൈമാറിയത് രക്ഷയായ്

സംഘം നേപ്പാളിൽ നിന്ന് അയച്ച ലൊക്കേഷൻ വിവരങ്ങൾ എം എൽ എ വി. കുഞ്ഞികൃഷ്‌ണന് കൈമാറിയിരുന്നു. തുടർന്ന് മുഖ്യമന്ത്രിയുടെ ഓഫീസ് എംബസിയുമായി ബന്ധപ്പെട്ട് വിവരങ്ങൾ ശേഖരിക്കുകയായിരുന്നു. ഇതിന് തൊട്ട് പിന്നാലെയാണ് സംഘം സുരക്ഷിതരാണെന്ന വിവരം ലഭിച്ചത്.

നേപ്പാൾ പ്രളയം കാരണം മഞ്ഞുമല ഇടിഞ്ഞത് ; മഴയോ ഭൂകമ്പമോ കാരണമല്ല
According to the Nepal Disaster Management Authority, the devastating flash floods in Nepal were not caused by heavy rain or an earthquake, as initial
https://metbeatnews.com/nepal-flash-flood-caused-by-glacier-collapse-not-rain-or-earthquake

29 ന് മടങ്ങും

ഏതായാലും സംഘം വിനോദസഞ്ചാര കേന്ദ്രത്തിലേക്ക് യാത്രതിരിച്ചിരിക്കുകയാണ്. എല്ലാവരും സുരക്ഷിതരാണ് ഓഗസ്റ്റ് 29 ന് ഗോരഖ്പൂരിലേക്കുള്ള വിമാനത്തിൽ നാട്ടിലേക്ക് മടങ്ങുമെന്നുമാണ് അവർ അറിയിച്ചത്.

English Summary : A 35-member tourist group from Kerala, who traveled to Nepal through a travel agency based in Kanhangad, has been confirmed safe after narrowly escaping a severe flash flood in Nepal.