നേപ്പാളിൽ കനത്ത മഴയും ഉരുൾപൊട്ടലും; കൂറ്റൻ മലനിരകൾ ഇടിഞ്ഞു വീണു, 24 മരണം, 14 പേരെ കാണാതായി

നേപ്പാളിൽ കനത്ത മഴയെ തുടർന്നുണ്ടായ പ്രളയത്തിലും ഉരുൾപൊട്ടലിലും വ്യാപക നാശനഷ്ടം. വിവിധ ജില്ലകളിലുണ്ടായ പ്രകൃതിദുരന്തങ്ങളിൽ ഇതുവരെ 24 പേർ മരിക്കുകയും 14 പേരെ കാണാതാവുകയും ചെയ്തു. ശക്തമായ മഴയെ തുടർന്ന് പല സ്ഥലങ്ങളിലും നദികൾ കരകവിഞ്ഞൊഴുകുകയാണ്.
മുസ്താങ് ജില്ലയിലെ ലെറ്റെ മേഖലയിൽ വൻ മണ്ണിടിച്ചിലാണ് ഉണ്ടായത്. കൂറ്റൻ മലനിരകളുടെ ഒരു ഭാഗം ആറ് സെക്കൻഡിനുള്ളിൽ ഇടിഞ്ഞുവീണ് താഴെയുള്ള കാളി ഗണ്ഡകി നദിയിലേക്ക് പതിച്ചു. മണ്ണിടിച്ചിലിനെ തുടർന്ന് നദിയുടെ ഒഴുക്ക് തടസ്സപ്പെട്ടെങ്കിലും പിന്നീട് തടസ്സങ്ങൾ നീക്കി ഒഴുക്ക് പുനഃസ്ഥാപിച്ചു.

നിലവിളിച്ച് നാട്ടുകാർ

ദുരന്തം നേരിൽ കണ്ട നാട്ടുകാരുടെയും തീർത്ഥാടകരുടെയും ഭീതിയിലായുള്ള നിലവിളികൾ ഉൾപ്പെടെയുള്ള ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ഗ്രാമപ്രദേശത്തെ കുന്നിൻചെരിവ് പെട്ടെന്ന് താഴേക്ക് ഇടിഞ്ഞുവീഴുന്നതിന്റെയും വീടുകളും മരങ്ങളും മലവെള്ളപ്പാച്ചിലിൽ ഒലിച്ചുപോകുന്നതിന്റെയും ദൃശ്യങ്ങളും പുറത്തുവന്നു.

On Camera, Nepal Mountain Melts Into River In Seconds Amid Landslides pic.twitter.com/wzU4g2kout
— NDTV (@ndtv) September 28, 2026

ഒരു ഗ്രാമം മുഴുവൻ വെള്ളത്തിനടിയിലായി

കഴിഞ്ഞ മൂന്ന് ദിവസമായി തുടരുന്ന കനത്ത മഴയിൽ ഗണ്ഡകി പ്രവിശ്യയിലെ നദികളെല്ലാം കരകവിഞ്ഞൊഴുകുകയാണ്. മുസ്താങ്, മ്യാഗ്ദി, പർബത്, സ്യാംഗ്ജ ജില്ലകളിലാണ് പ്രളയം രൂക്ഷമായത്. പർബതിലെ ഒരു ഗ്രാമം പൂർണമായും വെള്ളത്തിനടിയിലായി.

The confluence of the Myagdi Khola and the Kali Gandaki River at Beni Bazaar, the district headquarters of the Myagdi District in western Nepal.

Heavy rain over the past 96 hours has caused both the Kali Gandaki and the Myagdi Khola to swell significantly past their warning… pic.twitter.com/2SwQV0PRhc
— Naveen Reddy (@navin_ankampali) September 28, 2026

ഗതാഗതം തടസ്സപ്പെട്ടു

പ്രധാന ഹൈവേകളിലേക്ക് മണ്ണും പാറയും ഇടിഞ്ഞുവീണതോടെ ചിത്വാൻ ഉൾപ്പെടെയുള്ള മേഖലകളിലേക്കുള്ള ഗതാഗതവും തടസ്സപ്പെട്ടു. ഇത് രക്ഷാപ്രവർത്തനത്തിന് വലിയ വെല്ലുവിളിയാണ്.
അതേസമയം, മനാങ് ജില്ലയിലെ ഹിംലുങ് ഹിമാൽ ബേസ് ക്യാമ്പിലുണ്ടായ ഹിമപാതത്തിൽ രണ്ട് പേർ മരിച്ചു. പത്ത് പേരെ കാണാതായതായാണ് വിവരം. 7,126 മീറ്റർ ഉയരമുള്ള കൊടുമുടിക്ക് സമീപം തമ്പടിച്ചിരുന്ന മലകയറ്റ സംഘമാണ് അപകടത്തിൽപ്പെട്ടത്.

Bay of Bengal Weather Alert : ബംഗാള്‍ ഉള്‍ക്കടലില്‍ തീവ്രന്യൂനമര്‍ദം രൂപപ്പെട്ടു, ഇന്നു കരകയറും
മ്യാന്‍മര്‍ മേഖലയില്‍ കഴിഞ്ഞ ദിവസം രൂപപ്പെട്ട ന്യൂനമര്‍ദം തീവ്രന്യൂനമര്‍ദമായി ബംഗാള്‍ ഉള്‍ക്കടലിലെത്തി
https://metbeatnews.com/system-to-make-landfall-today-impact-on-india-analyzed

സുരക്ഷാ സേനയുടെ നേതൃത്വത്തിൽ ആയിരക്കണക്കിന് ആളുകളെ ദുരിതബാധിത മേഖലകളിൽനിന്ന് സുരക്ഷിത കേന്ദ്രങ്ങളിലേക്ക് മാറ്റിപ്പാർപ്പിച്ചിട്ടുണ്ട്.
കഴിഞ്ഞ ഓഗസ്റ്റിൽ ഭോട്ടേഖോശിയിൽ ഉണ്ടായ പ്രളയദുരന്തത്തിൽ 1,400ലധികം പേർ മരിക്കുകയും 6,000ത്തോളം പേരെ കാണാതാവുകയും ചെയ്തിരുന്നു. ഇതിന് പിന്നാലെയാണ് നേപ്പാളിനെ വീണ്ടും ദുരിതത്തിലാഴ്ത്തി കനത്ത മഴയും പ്രളയവും ഉരുൾപൊട്ടലും ഉണ്ടായിരിക്കുന്നത്.

English Summary : Heavy monsoon rains trigger catastrophic floods and devastating landslides across Nepal, claiming at least 24 lives and leaving 14 missing. In the Mustang district's Lete region, a massive hillside collapsed in seconds into the Kali Gandaki River, while an avalanche at the Himlung Himal base camp killed two climbers with ten others missing.