കേരളത്തിലെ കള്ളക്കടലിന് കാരണം 10,000 കിലോമീറ്റർ അകലെ രൂപപ്പെട്ട തിരമാല

തെക്കൻ ഇന്ത്യൻ മഹാസമുദ്രത്തിൽ രൂപപ്പെട്ട ഉയർന്ന ഊർജമുള്ള ദീർഘകാല സ്വെൽ തിരമാലകൾ ഇന്ത്യൻ തീരത്തേക്ക് നീങ്ങുന്നതാണ് കേരളമടക്കമുള്ള തീരങ്ങളിൽ കള്ളക്കടൽ (Swell Surge) സാധ്യതയ്ക്ക് കാരണം.

സെപ്റ്റംബർ 20ന് ഇന്ത്യൻ തീരത്തുനിന്ന് ഏകദേശം 10,000 കിലോമീറ്റർ അകലെ, തെക്കൻ ഇന്ത്യൻ മഹാസമുദ്രത്തിൽ 45° തെക്കൻ അക്ഷാംശത്തിനും 60° കിഴക്കൻ രേഖാംശത്തിനും സമീപമാണ് തിരമാലകൾ രൂപപ്പെട്ടത്. തുടർന്ന് ഇവ വടക്കൻ ഇന്ത്യൻ മഹാസമുദ്രത്തിലേക്ക് പതുക്കെ നീങ്ങുകയായിരുന്നു.

Coastal Red Alert: തീരദേശത്ത് റെഡ് അലർട്ട് തുടരുന്നു; കടൽക്ഷോഭ മുന്നറിയിപ്പ്, മത്സ്യത്തൊഴിലാളികൾ കടലിൽ പോകരുത്
തെക്കേ ഇന്ത്യയുടെ തീരദേശ മേഖലകളിൽ കടൽക്ഷോഭ സാധ്യത കണക്കിലെടുത്ത് ഉയർന്ന ജാഗ്രതാ നിർദേശം.
https://metbeatnews.com/rough-sea-warning-fishing-ban-issued

കടൽവെള്ളം കയറാൻ സാധ്യത

ഏകദേശം 23 സെക്കൻഡ് പീക്ക് വേവ് പിരീഡുള്ള ഉയർന്ന ഊർജമുള്ള സ്വെൽ തിരമാലകളാണ് ഇപ്പോൾ ഇന്ത്യൻ തീരത്തേക്ക് എത്തുന്നത്. ദീർഘകാല സ്വെൽ തിരമാലകൾക്കൊപ്പം ഉയർന്ന വേലിയേറ്റം കൂടി ഉണ്ടാകുന്ന സാഹചര്യത്തിൽ കേരളത്തിലെ താഴ്ന്ന തീരപ്രദേശങ്ങളിലും തെക്കൻ തമിഴ്നാട്ടിലെ തീരജില്ലകളിലും ലക്ഷദ്വീപ് ദ്വീപുകളിലും കടൽവെള്ളം കയറാൻ സാധ്യതയുണ്ട്. ഇതാണ് കള്ളക്കടൽ പ്രതിഭാസമായി തീരമേഖലകളിൽ അനുഭവപ്പെടുക. സെപ്റ്റംബർ 28 പുലർച്ചെ 2.30 വരെയാണ് മുന്നറിയിപ്പ് കാലയളവ്.

English Summary : Discover why the "Kallakkadal" (Swell Surge) phenomenon is threatening the Kerala coast. High-energy, long-period swell waves originating 10,000 kilometers away in the South Indian Ocean are triggering unexpected coastal flooding, high tides, and high surf warnings across Kerala, South Tamil Nadu, and Lakshadweep. Read the complete breakdown of causes, timelines, and safety alerts.