കേരളത്തിൽ ഇടിമിന്നലോട് കൂടിയ മഴയ്ക്ക് സാധ്യത; ഇന്ന് മൂന്ന് ജില്ലകളിൽ ഓറഞ്ച് അലർട്ട് പ്രഖ്യാപിച്ചു

കേരളത്തിൽ അടുത്ത അഞ്ച് ദിവസവും മഴ തുടരുമെന്ന് കേന്ദ്ര കാലാവസ്ഥ വകുപ്പ്. ഇന്ന് (ഒക്ടോബർ 1) പത്തനംതിട്ട, കോട്ടയം, ഇടുക്കി ജില്ലകളിൽ ഓറഞ്ച് അലർട്ട് പ്രഖ്യാപിച്ചു. ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് സാധ്യതയുണ്ട്.

തിരുവനന്തപുരം, കൊല്ലം, എറണാകുളം, പാലക്കാട്, മലപ്പുറം, വയനാട് ജില്ലകളിൽ ഇന്ന് മഞ്ഞ അലർട്ടും പ്രഖ്യാപിച്ചിട്ടുണ്ട്. ഒറ്റപ്പെട്ടയിടങ്ങളിൽ ശക്തമായ മഴയ്ക്കാണ് സാധ്യത.

ഒക്ടോബർ 4ന് പത്തനംതിട്ട, കോട്ടയം, ഇടുക്കി, എറണാകുളം ജില്ലകളിലും ഒക്ടോബർ 5ന് പത്തനംതിട്ട, ഇടുക്കി, മലപ്പുറം ജില്ലകളിലും മഞ്ഞ അലർട്ട് പ്രഖ്യാപിച്ചിട്ടുണ്ട്.

ഇന്ന് മുതൽ ഇടിയോടെ മഴ സാധ്യത, മലവെള്ളപ്പാച്ചിൽ, മിന്നൽ ജാഗ്രത വേണം
Rain and Thunderstorms Likely in Kerala from Today: Flash Flood and Lightning Warnings Issued
https://metbeatnews.com/rain-and-thunderstorms-likely-in-kerala-from-today-flash-flood-and-lightning-war

ഇടിമിന്നലിനും ശക്തമായ കാറ്റിനും സാധ്യത

കേരളത്തിൽ ഇന്നും നാളെയും ഒക്ടോബർ 3 മുതൽ 5 വരെയും ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴയ്ക്കും ശക്തമായ കാറ്റിനും സാധ്യതയുണ്ട്.

മലയോര മേഖലകളിൽ ജാഗ്രത

അതിശക്തമായ മഴയ്ക്ക് സാധ്യതയുള്ളതിനാൽ ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദേശങ്ങൾ പാലിക്കണം. ആവശ്യമായാൽ സുരക്ഷിതമായ സ്ഥലങ്ങളിലേക്ക് മാറണം.

നദിക്കരകളിലും അണക്കെട്ടുകളുടെ താഴ്ന്ന പ്രദേശങ്ങളിലും താമസിക്കുന്നവരും ജാഗ്രത പാലിക്കണം. മഴ ശക്തമാകുന്ന സാഹചര്യത്തിൽ നദികളിലും മറ്റ് ജലാശയങ്ങളിലും ഇറങ്ങരുത്. നദികൾ മുറിച്ചുകടക്കുന്നതും ഒഴിവാക്കണം.

വെള്ളച്ചാട്ടങ്ങൾ, ജലാശയങ്ങൾ, മലയോര മേഖലകൾ എന്നിവിടങ്ങളിലേക്കുള്ള വിനോദയാത്രകളും മഴ മുന്നറിയിപ്പ് മാറുന്നതുവരെ ഒഴിവാക്കണമെന്ന് ദുരന്ത നിവാരണ അതോറിറ്റി നിർദേശിച്ചു.

അനാവശ്യ യാത്ര വേണ്ട

ശക്തമായ മഴയുള്ള സമയത്ത് അത്യാവശ്യമല്ലാത്ത യാത്രകൾ ഒഴിവാക്കണം. ജലാശയങ്ങൾ കരകവിഞ്ഞൊഴുകുന്ന സ്ഥലങ്ങളിലൂടെ വാഹനമോടിക്കരുത്. ശക്തമായ കാറ്റിന് സാധ്യതയുള്ളതിനാൽ അപകടാവസ്ഥയിലുള്ള മരങ്ങൾ, പോസ്റ്റുകൾ, ബോർഡുകൾ, മതിലുകൾ തുടങ്ങിയവ ശ്രദ്ധിക്കണമെന്നും നിർദേശമുണ്ട്.

ഇടിമിന്നലും, മഴമേഘങ്ങളുടെ തൽസമയ ഉപഗ്രഹ ചിത്രങ്ങളും, കാറ്റിൻ്റെ ദിശയും മഴ സാധ്യത പ്രദേശവും തത്സമയം കാണാൻ Metbeat News website ലെ Live Weather Map ലിങ്ക് ദിവസവും ഉപയോഗിക്കാം.

lightning-strike-map
See lightning strikes in realtime nearby your area. Get free online access. This helps you to track the direction of thunderstorms.
https://metbeatnews.com/page/lightning-strike-map?lat=9.9406

English Summary : The India Meteorological Department (IMD) has forecasted heavy to very heavy rainfall accompanied by thunderstorms and strong winds across Kerala for the next five days. Today, October 1, an Orange Alert has been issued for Pathanamthitta, Kottayam, and Idukki districts, indicating isolated very heavy rainfall